بدا المهرجان الموسمي في سباق الهين=عسى من رعى حفله بلافراح يعتاده
بدت الانطلاقه من منصة سباق العين=بسيح المقام اللي له الركب قصاده
دعاهم زعيم ابلادنا ملتقى العانين=حميد الخصايل لي له زمام لقياده
هو القايد اللي قادها للرخا واللين=بحكمه خكيم جاد بالفضل لعباده
بتاريخ سبعه مبتدا الحفل شعر اثنين=من أول فصول الصيف عجل بميعاده
وسابق الهجن تاريخ في صفحة الماضين=وزايد يجدد صفحة المجد لاحفاده
وحضر باول الدعوه هل الهجن لمطين=وحضر من حضر في واحة العين رواده
ديار الوفا واهل الوفا والمقام الزين=سقاها الولي من مدهم فيه رعاده
سرى بارقه عقب العشا مشعل زفين=سقى البيد مطار به البطح هداده
وحضرنا مع اللي حاضر الحفل مدعايين=ملبين دعوة من دعاهم الى بلاده
دعاهم ولي العهد واشيوخنا الوافين=خليفه حليف الجود من ترثة اجداده
طحنون قام ابواجبه والكريم ايبين=كذا الطيب بارض الطيب يجناه حصاده
وعبرت بالامقال ما خص طرف العين=عن الحفل واهل الحفل يا سيد الساده
تهاون على ساحة مداهن عسم الايدين=كسرب القطا لي ذار من صوت صياده
وذاع المذيع وقال يتنافسن ثنتين=على الرقم الاول وكد العلم بحياده
ينادي بهن سالم عمر والسبوق اتبين=وكل حصل له ما كتب ربي وراده
ولعل وعسى الافراح في دارنا كل حين=سعود الليالي يعلها دوم عواده