اختار من لشعار حلو التماثيل=ونظم القوافي عمرها ما عسرني
اصيغها وارتل القاف ترتيل=واكتب معانيها بعرفي وفني
قوافي تهدى زبون المهاشيل=عوص النجايب لي بهلها كزني
تهدى لبو سلطان وافي لخاصيل=إللي بفعل الطيب روض ومغني
حمدان بن زايد تعنيت بالجيل=وبازكى تحيات وسلام يثني
ويا شيخ هنيتك على الفوز والنيل=بفوز الركايب فرحتك وافرحني
يوم اسرحن مثل ريوم المجافيل=شفت العجب من سبقهن واذهلني
( والفايزه ) فازت على نقوة الحيل=يوم احضرت في المجتمع واركضني
و ( هفه ) خذت رقم القياسي بتبجيل=ولها العوايد سابقات مضني
يوم اسرحن يا حي ذاك التهوذيل=تنفر كما ينفر خشوف الدمني
وكم من سبوق في عزبكم مواهيل=باعدادهن يا شيخ ما ينحصني
يالله عساهن في الليالي المقابيل=على المراكز لوله يكسبني
هذا وسامحني اذا اخطيت بالجيل=أرجو السموحه واقبل العذر مني