بسم رب الكون علام خفيات السدود=جل شانه مدرك دقها وجلالها
لا اله الا انت ما لك شريك في الوجود=من لجا بحماك فاز برضاك ونالها
وبعد ذكر الله تعالى قرايحنا تجود=من قريض الشعر نختار زين أمثالها
باحتفال اليوم وحضور سادات ووفود=وبرعاية زايد الخير حامي جالها
انتهض في مجدها يعل يبطي في الوجود =باني الدوله موحد صفوف ارجالها
ما تفرقهم سياسة نظام ولا حود=الحدود محدده في سجل لحالها
أسرة وحده ومن بينهم حلف وعهود=والعهود موثقه من قديم اجيالها
عاهدوا زايد براي على الخير معقود=لاستناد لكلمة من لسانه قالها
المواطن ثروة الدار من عهد الجدود=حاميين حدودها من غدر عيالها
ومن بغى كسب المعالي رقى العليا سنود=والمعالي هوب كل من بغاها طالها
يعل يسلم من رقاها بعزم ما يحود=واعتلى بسنامها شدها بقذالها
واختصر في كلمتي واحتميها من نقود=والعقول النيره مدركه فحوى لها
مرحبا يا ذروة المجد من دون امعدود=مرحبا ترحيبة صادق من قالها
مرحبا ترحيبة من موج له ودود=مرحبا بزايد سفرها وقمرها هلالها
مرحبا بقدوم حكام وولاة العهود =مرحبا بضيوفنا بحلها وترحالها
شرفونا بالزيارات في يوم سعود=لبوا الدعوه ودار الكرم يعنى لها
دعوة القايد لها في المحافل قدر عود=يعلها تعتاد في كل حول حالها
باحتفال حضرت فيه نفيات العضود=دارب ما هيب توها عسيف حبالها
عند فرق الحبل صفن كما صف الجنود=وأطلقت والكميرا روحت تبرى لها
روحت والجو غايم مراويح الفهود=ما يلاحقها المصور يا كود لحالها
المذيع يذيع والزود عند من فيه زود=ودبرت مستجفله من العصا وظلالها
واقبلت كنها تعرقا على البيدا بصعود=من ضجيج الحفل دجر وزاد اجفالها
ناقة اللي دوم حظه على النصر معقود=تنتزع سيف الذهب والذهب يحلى لها