مبروك ( مهاويه ) يا بن حمدان=و ( امدلعه ) و ( النايفه ) و ( القعوده )
وتستاهل التشجيع غالية لاثمان=ويستاهل الناموس من هن ذوده
ذود الكريم اللي له القدر والشان=رجل يفخر من مفاخر جدوده
وللخط عنوان وللرجل تبيان=ومن يطلب العليا فعوله اشهوده
يرعى بها لي بكر الوسم خدان=من كل عود تايه في فنوده
ومرباعها الصمان والصلب لي زان=لي من كسا نبت الخزامي نفوده
علط الرقاب اصخاف وشباب وزيان=من كل ملحا غاليه ومعدوده
لي قبلن كنها عساكر بميدان =زوحا من المرفق تقول معضوده
عيطا الفقار وكنها قصر برزان=صغيرة في السن والجرم عوده
محرك البحث
عدد قراء القصيدة : 
تاريخ الإضافة : 
