قال الذي جاله القاف منحاه=أبيات شعر من ضميره نشرها
يوم احضرت من كل وجن مغذاه=شيب الغوارب لي عراض افقرها
هجن كما ألوان الادامي ممطاه=فج العضود الليل صغار ازورها
هجن مهج الذيب لي طال مسراه=اللي نوى له هجمة قد قفرها
يوم ابتدن من اول الريس لاقصاه=تركض بسد ولا يضيق نحرها
شقرا خذت من قايد الصيد معداه=ريمية صوت المبندق قذرها
صفق لها الجمهور من كف يمناه=ولها شباب الحي فرت اغترها
ورحب بها من خصب الكف حناه=بو وجنة غرا تشادي بدرها
فازت بالاول عند ركب منقاه=وشيوخ واصحاب المعالي حضرها
تدوي كما سيل تحدر بمجراه=وذاع المذيع وبالاوائل ذكرها
ذلول شيخ شاع باسمه وطرياه=نسل الرجال اللي يذري جدرها
هزاع بن زايد سما المجد باسماه=نال الشهامه من معالي اقورها
واخوانه الامجاد مثله وشرواه=الشعب كله يفتخر من فخرها
يعيش أخو حمدان في عز دنياه=ويحماه ربي من صوادف اشررها
وصلاة ربي عد وبل نثر ماه=على النبي الهاشمي من بشرها