لك رسولي اخترت نسمات الجنوب=بعدما اوحشتني بطول الغياب
مع طلوع الشمس أسأل والغروب=أسأل النسمات هل لي من جواب
كم اسائل عنك خطاف الدروب=كم اسائل عنك ربعي والاصحاب
كم على جدران قفرات السهوب=اسأل الركبان عن ظبي الهضاب
طيفك المحبوب عنك ما ينوب =وان ظواني زاد ويلي والعذاب
انهرق لوني على وجهي الشحوب=واستباح الوجد ضعفي والمصاب
هل دمع العين كالوسمي غروب=سالت الوديان منه والشعاب
من لهيب الهجير قلبي مايذوب=كم انا اتقلب على جمر العذاب
وانتهيت أهيم بدراج الخطوب=الجوى والوجود والوجد قوتي والشراب
لو بغيت أسلى وعن حبك اتوب=ويح نفسي مالها عنك متاب
يا مليك الروح يا شمس الغيوب=يا قمر وضاح من بعد الرباب
كم لشوفك مهجتي قلبي طروب=لو حصل يا صاح مني الجرح طاب
يا عديل الروح لا تبقى لعوب=ارحم المتعوب خذ أجر وثواب
وان بغيت اتنال آثام وذنوب=بنتحر وانته الدواعي والاسباب