ضاع الوفا والزين ما فاد =بدلت حسنايه بسيات
ما كان ظني فيك يحاد=عثرك يحاد المروات
سلمت لك روحي ولفواد=وعابيتني يا زين عزات
هيهات يرجع لي مضى عاد=لا اتصدق أنه يعود هيهات
يكفي الحصل ما استحمل ازياد=لول انا عشت بخيالات
كنت الامل وكنت لمراد=يوم ما أشوفك مول ما بات
يحرم عليها عيوني لرقاد=ياما وياما كم ليلات
لكن عرفت اليوم بوكاد=حبك لنا كله روايات
بدلت عنا ناس ايداد=لا تنكر المعروف بالذات
كنت أحسبك من ناس أيواد=ما احسبك انك فيك لفات
لمسامحه مابيننا عاد=كله انتهى وفات الذي فات
أنت تهنا وكون بسعاد=مع من تحب وفي اناسات
وأنا لي الله رب لعباد =بيني وبينك طلعة أوقات
وقتك سعاده وقتي انكاد=انا بحزن وانت براحات
بعد المخوة صار لبعاد=بعد الفرح صارت شقاوات
عفت الجماعه وعفت لبلاد=برحل أنا سويت نيات
وارجو السماحه منكم كاد=فيكم أنا سويت زلات
واهدي سلامي الكم بتعداد=وأظنها آخر سلامات