ليش جاسي واديس انحاسي=ليش ما ترحم عباد الله
ليش طبعك في الهوى جاسي=اللي يرحم يرحمه الله
أنا لجلك خاضع الراسي=دوم واترياك هل هالله
لا رساله ولا خبر راسي=لا ولا حتى سلام الله
ليته أحساسك شرى أحساسي=في الهوى والشوق هي والله
برتحل بك للسما الماسي=عند اختك شمسنا والله
ذاك سعدي وذاك نوماسي=وذاك جنه من جنان الله
برتشف من خمر الالعاسي=من شفاتك من نعيم الله
أنت عمري وأهلي وناسي=يا الضنا والغير لا والله
يا فنق عن جمع الاجناسي=حسنك آيه وصاغها الله
ري عود البان مياسي=ما خلق مثله ف ديار الله
كالعلندى عيونك انعاسي=ينجلي منها صنع الله
والرموش اجيوش حراسي=جيش غازي ما يخاف الله
والشعر ع الردف متواسي=حالك الديجور ليل الله
ينتشل لي هب نسناسي=لعبته ع الطار شيل الله
كم بوصف ذاك نبراسي=ذاب عقلي والعوض ع الله