قوتي مذاقه سم =وعيني دمعها دم
عايف لذيذ النوم =أسهر وأتألم

آراقب النسمات =واشاكي النجمات
واردد الزفرات =وانت السبب في الهم

روحي الضنا تفداك = لنك لها ملاك
ما اريدها بلياك =تعيش لي وتسلم

بس يا وادي رد =وارعي حقوق الود
خل السعاده ترد =في ظلها و ننعم

بعطفك عليه جود =لا تستوي لي عنود
خل العناد وعود =خل الشمل يلتم

لنه ودادك حل =يا حبيبي واحتل
في مهجتي منزل =يا الخل لو تعلم

يوم اذكرت في النوم = قلبي عليك ايزوم
ودي اشوفك دوم =يا حالي المبسم

لك لك حواجب نون =سيفك لنا مسنون
عندك واناممنون =لو يعتريني الهم

فيك الجمال اشكال =يا بوغصن ميال
ما شفت لك امثال =كم كم بدور كم