مظلوم ومعذب ومحروم =كني سليب الغاسق السام
ما لذ لي قوت ولا نوم =يكفي تصبر عشرة أعوام
أنت السبب بو خصر مهضوم =عذبتني يا حليو الاوشام
من كم سنه عاشق ومغروم =وكل يوم جسمي ايسير فسقام
يا بوشعر من غير مشموم =ضافي وطايح تحت لبهام
واعيان فينا تبيع وتسوم =لو تنظر الراهب بها هام
عندي الجواري كلها نجوم =وانت القمر يا ولد لريام
ليتك اتروف بحال مظلوم =وتحقق آمالي والاحلام
ليت الدلوج المدلج ايدوم =يغشي علينا عدة ايام
والخيط الابيض تحجبه غيوم =عن عين كل عاذل ونمام
وأنت وانا في عالي ارزوم =في ظل ظال وطيب وانعام
لا عتب لا شكوى ولا لوم =غير انسجام أرواح بجسام
رؤياك عيدي من بعد صوم =والسعد وصلك ولد الاحشام
مالي حياة بدونك اليوم =لا تنقل ذنوبي والاثام