دوم أفكر واستعيد الذكريات=يا الضنا ذكرى ليالينا الخوالي
ذكريات في فؤادي راسخات=كل ساعه ذكركم يخطر ع بالي
أذكر دلالك في جميل الأمسيات=وأذكر وصالك يا الغضي ف ذيك الليالي
واذكر عواطف مثل عطف الأمهات=يا راعي الفستان والثوب الخمالي
يا ريم شط النيل دجله والفرات=يا ورد يا عناب يا كرم العلالي
ذاك الزمان إلمر وتقضى وفات=ذكراه في قلبي وروحي وفي خيالي
وانته مليك الروح سيد الغاليات=تجري في غيك من هموم الحب خالي
وانا على ذكرى ليال ماضيات=عايش حبيبي ذاك عندي العمر غالي
حاربت قوتي مع شرابي والسبات=لا شك تعرف لي حدث واللي جرى لي
الدمع يجري كالمزون الهاطلات=وصف الهميل اللي جرى من مزن عالي
اشوفني يا زين مشرف ع الممات=ماني مقضي هالشهر خلي محالي
من روح روحي لك أقدم تعزيات=واوصيات بالسلوى وعلى الله الإتكالي
واغرس على قبري زهور يانعات=واقرا ع روحي الفاتحه واما تبالي
ماهمني فقدان روحي والحياة=الانسان له موته ترى ع كل حالي