يا سنا قلبي وضحضاحه=يا مليك الروح والعينا
يا هلا العيد وافراحه=ياقمر نور ليالينا
دهن عود الهند وارياحه=يا شذى ورد البساتينا
بك غناتي تكمل الراحه=يا الغضي سيد المزايينا
كم عليك العين نضاحه=دمعها ما وقف اسنينا
والمدامع دوم فضاحه=ما تداري جرح مسكينا
وانت نفسك دوم شحاحه=ليت يا الغالي تراعينا
خلها يا زين سماحه=ولا تشمت عاذل فينا
داري اللي السر ما باحه=في هواكم يا اريش العينا
لي يشاكي الورق ف انواحه=مع هبوب الشرق لي تينا
طير قلبي وانت تلواحه=روف وارحم لا تزاغينا
طيفك امجيله ومسراحه=ومع غروب الشمس يظوينا
ما اهتنينا بعدك براحه=لا شراب أو قوت يهنينا
يوم ليلي يسدل اوشاحه=طيف وجهك بات يشقينا