مر يتخزع ويتمشى=مشية الطاووس جونايه
خزني بعيان وتغشى=وهل تغطي الشمس لغشايه
هفهف افوادي له وبشا=وانتشت دنياي ويايه
مرحبا بالطش والرشا=يا هلا بك قلت مولايه
كالعلندى إن صد أو نشا=مهرة الغالي امنقايه
ريم كعبي إمحضي المنشا=لي بها طيشان مربايه
زاهي بالعين والرمشا=والجبين بروق لظايه
له يديل طلق وموشى=وقصة بالمسك مطلايه
ليت يوم الليل لي يغضى=يستجيب الزين دعوايه
له بسير حافي الممشى=ذاك مطلوبي ومنوايه
في فوادي باني عشا=بهجة فوادي ورجوايه
كم أنا اداريه واترشى=لين يفهم عاد معنايه