لتهت بي يا الغالي يا عيوني خليت حالي حال
القوت ما يهنا لي محزوني أشكي هجر وعلال
انت عزيز وغالي ما تهوني تسوى انصخي والحال
حبك شغل لي بالي ممحوني دايم عليك آسال
في النوم تتراوى لي مضنوني بعز وحيا تختال
إرحم غناتي حالي وشجوني أجر وثواب اتنال
بو يادل نشالي مدهوني عن المضامر شال
والخد كالشعالي في مزوني يا بوعيان اشهال
حبات خط الدالي مقروني والخشم سيف انسال
والصدر فوق اشكالي زيتوني ليمون وبرتقال
ثيبوا علي بعجالي سعفوني من قبل لا أحتال
في الشارقه ما اسالي ادعوني خلي ظعن برحال
خلي امرضي وعلالي ثيبوني وعلاجي في لوصال
شوقك بدع اقوالي وفنوني وادي فنوني سال
يا ليتني بنالي بيهوني يا خبر ذاك الفال