لك سرت روحي تحت جنح الدجى=عبر أجواء الجزيره والخليج
أنته مطلوبي وقصدي والرجا=انت لي ومالي نعم غيرك صديج
ليعتي في الليل إذا ليلي سجى=أبعث الزفرات بالخافج حريج
يشتعل في اليوف واهي العجى=أشهد ان لو كان غيري ما يطيج
ما خفق قلبي لغيرك أو لجا=لو فعل يا زين عساه الحريج
الدلع والحسن نحوك عرجا=ما لغيرك قاطع اسناف الطريج
أحوري بابلي أغنجا=ع الحسن سلطان كالتاج البهيج
ته قلبي في عيون دهجا=مهرجان العيد فيهن والحجيج
والشعاع اللي بخدك يوهجا=من خيوط الشمس في خدك نسيج
لو عليل النفس شافك يبهجا=م العبير اللي بيدك والأريج
يا فؤادي كم فؤادي لجلجا=لو سمع طاريك يا روحي يهيج
أملي أنت والأمل والمرتجى=قل متى ربي يعودك للفريج