بهجة أعياد الزمانا=يا فرحة أقلوب الحزانا
يا من على ايديكم شفانا=يا محسنين الحب لله

يا محسنين احنا عطاشا=جودوا اترشاكم امراشا
بنظرة تجدد الانتعاشا=يا محسنين الحب لله

حولين وعيوني ترابيك=وفي خاطري أشيا تلبيك
غير الجوارح لي تناجيك= يا محسنين الحب لله

هيمان في دنيا عيونك=حيران في ساقم جفونك
نشوان من عاطر ردونك= يا محسنين الحب لله

ملتاع من ثورة شبابك=مرتاع من سر احتجابك
حولين واقف قرب بابك= يا محسنين الحب لله

هيمان قالوا وأسمع القول=ومن أجلكم كل شي مقبول
هيمان باغي وصلك ينول= يا محسنين الحب لله

كلمة غرام وحب لله=أمحي بها صوت وصدى الآه
أعظم ثواب وأجر تجناه= يا محسنين الحب لله

أرحم حبيبي اتصدق بشي=من حبك الغالي لو شوي
لك ملك يبقي دامني حي= يا محسنين الحب لله