قبل صلاة العيد يا سعيد =صادفت من حبه سبى وشاد
في القلب يا سنادي بتوكيد=وسط السويداء ولب لفواد
من يوم شفته حبه ايزيد=والله بلاني بذوق الاسهاد
وانا سوى محبوبي ما اريد=ليته زماني ليت به جاد
وصله عليه كنه العيد=والسعد أوجنة بعد عاد
يا ويل قلبي عني ابعيد= الله يجازي كل حساد
بصبر ولو صبري أنا يفيد=بنال مطلوبي ولمراد
لونه غناتي سيد الغيد=ما ريت مثله فكل لعباد
أدعج غنج بو حاجب وغيد=وأعيان مرسومه بالمداد
كالريم يوم ايصد ويعيد=وايد حبيبي الزين وداد
ومضمره عندي بتحييد=حد الفتر بحياد ما زاد
أيام وشهور معاديد=عليه صبري سيد لسياد