إلا يا ويل من دمعه يهلي=حزين البال دومه مستعلي
أبات الليل أشكي للكواكب=وانظر نسمة الصبح المطلي
على الخل الذي حبه ملكني=حبيبي في الحياه هو جنة لي
عليم الله ما حبيت غيره=كريم الاصل محبوبي وخلي
عزيز النفس تعجبني صاته=ولو طاريه ع الخاطر يسلي
إذا جا الليل يحمل لي اريجه=شذى الاطياف من ورد وفلي
تركني في الهوى اشكي غرامي =بوادي التيه ما ادري وين أولي
انا اتلفت يميني وعن شمالي=واراقب نجم خلي فى تعلي
واردد اسم محبوبي وطيفه=يشاغلني اذا ما جيت أصلي
تسرب في شراييني ودمي=وداده في ضميري له محلي
أنا المملوك والمالك حبيبي=أحبه ولو وصاله ما حصل لي
عليه بصبر ولو طول صدوده=يجوز الصد من باب التغلي