حسافه في محبتكم حسافه =حسافه في محبتكم ضياعي
أنا ضيعت عمري في هواكم =حسافه الظن فيكم واندفاعي
انا المضنى وان استاهل عذابي =واترجم لوعتي وفيك انطباعي
أنا رخصت يالغالي لاجلكم =مثني لو مثلث لو رباعي
جرفني جرف تيار المحبه =وخان الحظ مجداي وذراعي
غرقت وغرقتي غرقه غرقها =خضوعي يا حبيبي وانخشاعي
أنا جيتك مسير باب بيتك =أصب لفواد صوعي وانصياعي
وبادرتي بغلق الباب عني =حسافه كيف يرضيك التياعي
نسيتي يالحبيبه عشرة لي =أراعي حبك الغالي وتراعي
وتهنا وجودى وانتشينا =هديل الشوق سمعك واستماعي
تمردنا على شرع المحبه =وخلينا الجفا ناعيه ناعي
حرام اليوم تهدم ما بنينا =وتنزع حبنا الغالي انتزاعي
لسعتي مهجتي لسعه قويه =ولا لسع العجارب والافاعي
أنا راضي اذا يرضيك موتي =عليك الرب حافظ لك وداعي