اليوم ان اشعر بالحياه=واتبددت عني الظنون
رغم العواذل والوشاه =خلي وفي نور العيون
يا سعيد لو تدري بغلاه =غالي عليه ولايهون
إن مر يوم ولا أراه =أجن صدقني جنون
أنا بلا معنى بلاه =أبقى فريسه للشجون
بلطفه ملكني وبمعناه =ملاك وفواده حنون
غض الصبا حلو الصفاه =ميال عود الزيزفون
كنه قمر نور ضياه =برق تشعشع بالمزون
شهد اللمى عذب الشفاه =حراس ارموش الجفون
سبحان من أعطى وهداه =وأطلى جماله باللجون
السر كمل مستواه =والسحر في سود العيون
جذاب نهده ما جناه =تفاح في عالي الغصون
محلى طلعته بالعباه =عز وحيا حلم السنون
أهلي وجبراني فداه =كلهم فدى له ينفدون