من لهفتي زاد شوقي والشغف =يوم شفت الزين مدعوج العيان
له خفق قلبي وصفق وارتجف =ما يلام اللي قضى عمره جوان
قلت له يا صاح لا ماك اختلف =شو خلف لاماك عنا والزمان
قال لا تعتب على شي سلف =ذاك وطر و راح ما طول سوان
قلت له بخطف عن اتقول ما خطف =أو نسيت اللي مضى بينا وكان
ييت بترخص وبالرفقه حلف =وقرب الدله بهال وزعفران
المها يا ناس خذ منه سلف =المعنق والعيون والدعجوان
له سعت شمس الضحى بشوق ولهف =وأخلعت جلباب فوقه كهرمان
ومن نبات النخل للمبسم خطف =صفة اللولو وحب المرزبان
لا حسام ولا مهند لا عقف =خشمه المنقاد بين الحاجبان
والشعر كاليل جاني له كلف = لي مشى يختال يمشي بالهوان
غض عوده كم تمايل به وهزف =ناحل ميال كنه عود بان
يا كبر بختي ويا محلى الصدف =يوم رد الزين رد العنفوان
واتفقنا انعيش في دوح وكنف =بالمحبه والموده والحنان