زادت العله على عله =علة في اليوف بالخافي
يشتكي ولا من صديق له =له وليف بالوصل جافي
شل قلبي من الحشى شله =يا محمد بي ولا رافي
الشاهد الله ِإلعقل فله =من نظرته برحت مختافي
يا محمد عيني اتهله =دمعها ع الخد ذرافي
خاضع له روحي امذله =الغضي مملاي لطرافي
بو يدايل سود سمر له =طايحه سافه على سافي
والجبين بروق مشعله =يا حلا حياته اعطافي
له عيان دعج مشهله =والدماني عاره أسلافي
والوجن كالورد ومطله =بالندى قلبي لها هافي
والخششم كالسيف له سله =والخمر في ريجه الصافي
تحت ثوبه نهود مشتله =خاصم له ثوب شفافي
كامل عوده على حله =وان مشى يختال هزافي
يا خويه مول ما امله =روحي وروحه انا اولافي
لي وصاله يبري العله =يبري العلات ويشافي
من فراقه الروح معتله =سر حسراتي ولحسافي
كم ليالي رت عانله =قاصدنه على القدم حافي
يا محمد ما رحم خله =ما معه شي حق وانصافي