أقسام الموقع
هنا بعضاً من خواطري.. قصصي .. آلامي..
عصفور العشقــ
تمت الإضافة في 07-07-2008 الساعة 03:10 AM بقلم البرواز المكسور
ياعيوني ..
ياسواد .. ويابياض ..
يادموع .. ويافرح ..
لارسمتي لها صوره ..
اكتبي فوق جروح الزمن ..
قصة الدمعه الأخيره ..
قصة رحيل .. وصمت ..
واكتبي فوق الأهداب..
ليه السنين تمر ..
مثل القطار اللي رحل ..
وبكت السكّه عليه ..
وقال .. ابي ارجع ..
وكانت الرحله هي الاخيره ..
ولليوم والسكّه تنتظر ..
مرت آلاف القطارات ..
وهي تنتظر ..
من يصبرها ..
ياترى الشوق ..
والا الذكرى ..
والا وهم ...
والا صوت الرياح النازفه .
والا بكاء الأشجار الخايفه ..
وبأسالك عندها ..
شفت لي عصفور فوق ..
يطير .. وفجأه نزل ..
وشفته .. وشافني ..
ثم التفت ..
وطار ونزل ..
والتفت العصفور .. وشافها ..
تدرين اش صار ..؟؟
جمع ريشه .. وطار ...
حلق بعيد ..
وقلت يبي يرجع ..
وانتظرته ولارجع ..
تدرين ليه ؟؟
لأنه شاف في العش غيره ..
ياكبر حزنه ..
وياكبر عزته ..
وفجأه رجع عصفور العشق ..
والتفت لي .. وسألني ..
ليه القلوب ألوان ؟؟
ليه القلوب ألوان ؟؟
ليه القلوب ألوان ؟؟
ليه القلوب ألوان ؟؟
وصديت ..
لاني ماأملك جواب ..!!
ومن يومها ..
نسيت دموعي ..
والى تذكرت دموعي ..
تذكرته ..
تذكرت عصفور العشق ..
ونسيت الدمع ..
ولوخانتني عيوني ودموعي ..
باغمض عيوني ..
وبيبكي قلبي عليه ..
وعلى عصفور العشق ..!!!
.............. البرواز المكسور...........
عدد التعليقات 2
التعليقات
|
عصفور العشق :
ليه القلوب ألوان وأشكال؟! عندك سؤال وسهل الجواب على لسان الحروف ..وحيل صعب على جدار القلوب .. ..نخفي دموعــنا ..ونداريهن بغمضة رمـش ..نكابر النزف...ونوهم أنفـسنا أنا بخــير ..ونحن أشد البعد من ذلك !.. البرواز المكسور .. أسعد الله صباحك ..وجعل السرور والفرح مدراراً عليك .. كلمات حملت النزف الكبير ...من أنامل جياشه برقـي الروح والحرف ..معنـــا ولا تبتعد ..فـ القرب منك معنى آخر للجمال .. ××× النوايف |
 
|
|
|
اختي الكريمه النوايف
سعدت بمرورك وتشريفك لمدونتي المتواضعه وسعدت بكلماتك ويبقى السؤال حائراً لاإجابة له عند أصحاب القلوب الملونة ؟؟ لاعدمناك تحيتي البرواز المكسور |
|
|
أخر مقالات: البرواز المكسور
- على نياتكم ترزقونـ (07-07-2008)
- ضمير فاقد للذاكـــره (07-07-2008)
- عصفور العشقــ (07-07-2008)
- الحبـ والرحيلـ والسرطانـ (07-07-2008)
- رسالة في الوقت الضائعــ (07-07-2008)
