ممكن سؤال ؟!!

شخباره الجرح القديم ؟!!
للحين يسأل وين أنا ؟!
للحين يسأل كيف أنا؟!
ودي افضفض لك واقول :
اشتقت لك
اشتقت لك والله العظيم

اشتقت اسولف لك كثير
شلّي يصير ...
وما يصير ..بغيبتك
واتذكر اشسوى المصير !!
وآحس بالوحده جحيم
اشتقت لك
اشتقت لك والله العظيم

تدري حبيبي وين انا ؟!!
بنفس المكان ..
اللي جلسنا به زمان ..
بيدي حنين وصورتك
وآخر بقايا ضحكتك
واسرح واهيم
اشتقت لك ..
اشتقت لك والله العظيم

وجهي (ت ب ع ث ر ) لك غياب
لو تدري وش طعم العذاب
ببكي واقول:
شخباره الجرح القديم ؟!
اشتقت لك
اشتقت لك والله العظيم

* الشاعرالبحريني/إيادالمريسي

صباح الورد والياسمين

ماأجمل أن تبتسم وفي عينيك ألف دمعه ..

إنسى همومك وعيش يومك ترى بكره يجي ومايلقاك ..

قول اللي بقلبك ولاتكتمه هذا شعورك وإفهمه .. كلها حروف صغيره مبهمه ..

إشتقت لك والله العظيم ..

« فهد المساعد | الرئيسية

قيّم هذا المقال

~ خلجات نفسي تهددني بالخروج ~

تمت الإضافة في 05-07-2008 الساعة 06:46 PM بقلم حزن السديم

،؛،.. تالي عصير ..،؛،

الضيقة اللي دايمٍ تالي عصير ..
.. وش حيلتي وأردها لا تجيني

لا طال ظل العود حزة عشى الطير ..
.. كنها على سجن الحديد تحديني

يضيق صدري كل ما جات وأسير ..
.. ولايخفف سوج رجلي حنيني

لا حولنا مشراف ولا اقدر اطير ..
.. يالله قمسة خير لا تبتليني

وعقارب الساعة توقف عن السير ..
.. ولاكن في الدوحة سواتي حزيني

والعبره اللي تاصل الحلق وتحير ..
.. يا قربها لو قيل لي يا عويني

أمل شوف الناس ورد ومصادير ..
.. واللي يقول اشفيك كنه يهجيني

المبدع محمد بن فطيس

صوّر الضيقه اللتي تعتلي النفس في كثير من الأوقات
رسم أشياء أكتمها بداخلي وخلجات نفسي تهددني بالخروج ،

فعلاً نشعر بـ غصّه تقف لا لتخرج ولا لتدخل ،
تقف بعناد رغم إنكسارها

تقف وتصرخ اعتقوني ولايوجد هناكـ أحدٌ مُمسِكـ بها،
غصّةٌ مجنونه تعذبنا وهي متعذبه
تريد الخروج وتأبى أن تخرج ،
لاأعلم من أين تأتي ولاأعلم أي غبي دلّها على حلقي المسكين ، زادت غصّاته واختنق مجرى التنفس
فـ ماعاد هناكـ مكان يسع غصّه جديده ،

فـ رفقاً ولُطفاً بي ..

التعليقات 0

عدد التعليقات 0

الأرشيف
< > مايو ـ أيار 2008
Su	Mo	Tu	We	Th	Fr	Sa
20	21	22	23	24	25	26
27	28	29	30	1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31