قيّم هذا المقال

5 : ممتاز 4 : جيد 3 : مقبول 2 : سيء 1 : سيء جداً

عـاآدي طـاآح الـحـطـب وحـلـوهـ الـحـيـآهـ !!

تمت الإضافة في 02-04-2009 الساعة 06:21 PM بقلم اماراتية مرتبشة

---

عـاآدي طـاآح الـحـطـب وحـلـوهـ الـحـيـآهـ !!


المشهد الاول
وحدة مزيونة بالحيل و حبيبة
بس تخون!!!!
وش اسوي بجمالها؟؟
بياخذها الزمان و تبقى عجوز
عادي طاح الحطب و حلوة الحياة


المشهد الثاني
ملتزم
يصلي كل الفروض
و اذا تعب فوت صلاة الفجر
واذا شبع راحت صلاة العصر
و عنده دش و يكذب كثير
و اذا صحى الصبح مشط اللحية
عادي طاح الحطب و حلوة الحياة


المشهد الثالث
غني و ظالم
يطرد المساكين و يستغل الضعوف
مغرور و فاسق
و مجلسه عامر
كلٍ يبهر له
و مع ذلك يجمع حسنات من كثر اللي يسبونه
عادي طاح الحطب و حلوة الحياة


المشهد الرابع
يكد يدرس و يشتغل
لاجل يبني مستقبله
تزوج و جاب عيال ثم تقاعد
صار يسكن في مكان و أم عياله في مكان
والسبب العيال
صار دار المسنين بيتهم
عادي طاح الحطب و حلوة الحياة


المشهد الخامس
تغازل و تاخذ ارقام
و تطلع مع هذا و تواعد هذاك
و يوم طاح الفاس في الراس
بكت
و راحت تشكي لامها غدر الزمان
طبطبت عليها امها وقالت:
ولا يهمك سفرة لمصر وشوية سيولة
و ترجعين بنت
عادي طاح الحطب و حلوة الحياة


المشهد السادس
مرفوع الكفن أبيض
وصاحبه وسط البياض
بعضهم يبكي و بعضهم عادي
دفنوه و تبكبكوا شوي
و اخر الليل سكارى
عادي طاح الحطب و حلوة الحياة


المشهد السابع
سيارة مسرعة
و تدعس لها واحد
مسكين هندي
و العسكري صديق الطايش
والخطا نصه على الهندي
والباقي على أبو الطايش
و في الليل الطايش يلعب بلوت
عادي طاح الحطب و حلوة الحياة


المشهد الثامن
فتح الكمبيوتر
و دخل للمنتدى
و كلامه ما يتعدى ان الموضوع روعة و رهيب
و هو ما قراه و لا يعرف كاتبه
بس يبي يزيد المواضيع موضوع
ويزيد همومنا هم
علشان يصير صاحب الألف موضوع
و يتميز
والمشكلة انه يتميز
عادي طاح الحطب و حلوة الحياة


المشهد التاسع
اهم شي الثوب نظيف و الشماغ مكوي
و القلم ماركةوالساعة تضوي
و الجزمة جلدوالسيارة عجب
و تلفونه ما يسكت
إما بنات
أو البنوك تبي فلوسها
عادي طاح الحطب و حلوة الحياة


المشهد العاشر
سطحية و مغرورة
غبيةو متكبرةو يا ريتها حلوة
تبي زوج مواصفات
ما يقول لاويكره الاستراحات
لازم وسيم و انيق و متعلم و دخله ممتاز
و يحب السفر
و بعد سنين تلاقي نفسها في الانترنت
تدور واحد يقبل بها
عادي طاح الحطب و حلوة الحياة


المشهد الأخير
الكذب اثم ومع ذلك نستخدمه
و ندري ان هذا حرام و مع ذلك نجربه
نتذكر السهرة و الفرح و السفر و ننسى الجالسين على كتوفنا
و نتناسى ان معهم كتاب يسجل افعالنا و نيات ناكل شي محسوب
حتى النظر
نسينا ان ورانا يوم علاماته قربت
ومع ذلك كلنا ناسين
أن بقيت على حالك تتناسى لازم تعرف
إن ذاك اليوم مهوب عادي
وانت الحطب
و ما به حياة

مـجـمـوعـة مـن الـمـشـآهـد للـشـآعـر الأمـيـر عـبـدالـرحـمـن بـن مـسـاآعـد..

منشورة في ‏تصنيف غير محدّد

المشاهدات 327 التعليقات 3

التعليقات

1. 	صح لسان شاعرها والامير عبدالرحمن بن مساعد نار على علم شكراً على هذه القلائد ودمتي بخير
   	تمت الإضافة في 02-28-2009 الساعة 09:43 PM بقلم خالد النهدي

2. 	مشاهد واقعية ووو عادي طاح الحطب و حلوة الحياة سعدت بالقراءة
   	تمت الإضافة في 03-10-2009 الساعة 12:02 AM بقلم سحايب خير

3. 	تسلموون ع البصمة =) أسعدني مروركم^^
   	تمت الإضافة في 03-24-2009 الساعة 08:49 PM بقلم اماراتية مرتبشة

اماراتية مرتبشة

• تاريخ التسجيل Jul 2007
• الإقامة امآرآتي ۈ هذي الڱلمـ‘ه تڱفييني =)
• المشاركات 2,853
• المقالات 2

• ابحث عن مقالات اماراتية مرتبشة

  كلمة البحث: البحث في العناوين فقط

  البحث المتقدم
• تصنيفات المدونة

  تصنيف غير محدد

  • تصنيف غير محدّد
• التعليقات الجديدة

  • كـمـاآ تـديـن تـدآن.. بقلم الخيال الأبيض
  • عـاآدي طـاآح الـحـطـب وحـلـوهـ الـحـيـآهـ !! بقلم اماراتية مرتبشة
• المقالات الجديدة

  • عـاآدي طـاآح الـحـطـب وحـلـوهـ الـحـيـآهـ !!
  • كـمـاآ تـديـن تـدآن..
• الزوار الجدد

  • الخيال الأبيض
  • بنوته حساسة
  • ملاك القلب والروح
  • موآزي

• الأرشيف
  <      مايو ـ أيار 2012
  Su	Mo	Tu	We	Th	Fr	Sa
  22	23	24	25	26	27	28
  29	30	1	2	3	4	5
  6	7	8	9	10	11	12
  13	14	15	16	17	18	19
  20	21	22	23	24	25	26
  27	28	29	30	31	1	2