أقسام الموقع
شموخ الامارات لن تنساك المدونات
الحقيقه العربيه الغايبه !!!!
تمت الإضافة في 04-15-2008 الساعة 09:39 PM بقلم لست أنساك
تم التحديث يوم 04-21-2008 في 01:09 AM من قبل لست أنساك
تم التحديث يوم 04-21-2008 في 01:09 AM من قبل لست أنساك
المشهد الاول
انا المذيع شالح بن شيلويح الشلوحي
واحييكم على مسرح طعس الوناسه
في المسابقه الشعريه من سيربح الرشرش
وتأهل معنا عدة شعراء لعدة جوائز وعدة دلوخ
وعلى فكرة انا انسان شاعر وترا فيه فرق بين الانسان الشاعر
والي ماهوب شاعر ؟؟على حسب ماسمعت من احد العلماء في حارتنا
ان الانسان الشاعر يكتب شعروالانسان الي ماهوب شاعر مايكتب شعر <-- ياهو عالم هذا
المهم جمعت كم شاعر من حارتنا واخترت لجنة لها باع طويل في ساحة الشعر
عشان ارجع هيبة الشعر وقيمته المفقوده وعشان تستفيدون وتعلمون الشعر
ولاني ادري ان الشعر يمين وانتم يسار <-- كنه بدا يغلط
الى متى وانتم ماتعرفون شعر هااااااه
الجوائز الاخرى: طقم بيالات السيف
وشرشف وطاقيه زري 22 ومحزم ذهب
وغوايش عيار 22وشماغ البسام بصمة 2
الا اقول يمديكم على الثوب الي لابسه
مفصله عند خياط ماكالندوز
وادري من بكره اعضاء اللجنة بيقلدوني
اعرفهم بس ماراح تصير كراعينهم مثل كراعيني تهبل
تعرفون من هم الاعضاء ؟؟؟
حتى انا ماعرفهم تصدقون
نتعرف عليهم من خلال الروبرتاج
والله مدري نطقتها صح ولا غلط
ماعليه نروح يمهم ونشووووووووف
يالله اركبوا وتمسكوا وياويل الي يهز الوانيت
ان
ان
ان
طيط
طيط
بيب
بيب
كوخخخخخخخخخخخخخخ
انزلوا يالربع وصلنا
^
^
سيرة اعضاء اللجنة
الدختور : فتحي دغدغني
الاشتاذ : مرزوق شكسبير
الاشتاذ : فيثاغورس بن ملعقه
الاشتاذ : عليان البطه
الاشتاذ : مساعد ابو كشه
][ 1 ][
الدختور فتحي دغدغني حاصل على الدختوراه في الشعر النبطي وألف عدة كتب من ضمنها كتابه الشهير علاقة الشعر النبطي بالنبيطه وانصحكم بشراء هذا الكتاب ومتواجد في محلات كل شي بريالين والكتاب مرسوم عليه جاموسة لها اجنحة وفوق شجرة صمم المؤلف على وضعها على واجهة كتابه ليثبت للقاريءان الشعر له علاقة بالاقتصاد وارتباط بالسياسه والعلم نور كما تعرفون وله مقوله شهيره عن الشعر الشعر يشبه الماء بوسط الكوب وتخيل انك جيت طاير وامك تلحقك بالمكنسه وصدمت الكاس وش يصير في الماء بكل تأكيد سيقع الكوب وتخيلوا ان الشعر هو الماء والانسان الكوب ماذا سيحدث وكيف يغتسل الانسان بلا وجود ماء
وكيف تخرج الشمس كل صباح اذن الشعر لاغنى لنا عنه
" لله درك يافتحي دغدغني اشهد انك فلته "
][ 2 ][
الاستاذ مرزوق غني عن التعريف وعاصر عدد من الشعراء الكبار
امثال المتنبي وسيبويه وجابر بن حيان وتعلم منهم عزف الربابه
ومن شدة اعجاب الجمهور به وبقصائده اطلقوا عليه لقب مرزوق شكسبير
عندما سجل هدف التعادل للهلال في مرمى حارس فريق كنتاكي
في البطولة الاوروبيه عام 1859 واعتزل اللعب واتجه للشعر
وابدع في الشعر مثل ابداعه في كرة الماء وله بيت مشهور
خلو عنكم يابنات الميك آب ..... وعليكم بالتمر تراه يزين الوجه
هذا البيت يدل على رقة الشاعر واحساسه المرهف وتمكنه العجيب
" التعريف هذا على لسان الشاعر ولست مسئول عنه "
][ 3 ][
الاشتاذ فيثاغورس بن فلقه متواضع جدا للدرجة انه يرقص
في كل لقاء نجريه معه واول مره يمر علي واحد يرقص
بدون دف او موسيقى وهوكثير الهوايات ومتعدد المواهب ومرح
بالمصري يعني بتاااع كلووو وحاصل على جائزة نوبل للتفحيط
لانه في صغره كان يسرق سيارة ابوه ويفحط فيها في حارتنا
واكتسب الشهره منذ صغره ماشاء الله عليه تبارك الرحمن
وبعد وفاة احد اصدقائه وهو يفحط تغير الرجال وتبدل
وصار يكتب شعر ويرثي صديقه وبدون مايدري او يعرف
لقى نفسه من اشهر الشعراء في الساحة الشعبيه
][ 4 ][
الاشتاذ عليان البطه شارك في حرب الخليج الاولى والثانيه
وكان يصد الصاوريخ بقبضة يده واحيانا يصقعها براسه ويرجعها للعدو
احترف الشعر عندما كان رئيس تحرير مجلة على الفحم الشعبيه
واول قصيدة له كانت بعنوان ياحلو الجريش من يد حبيبتي
" الله لايحطكم جريش بين يدينه "
ويعد من الشعراء المخضرمين في الكرش الاوسط
وهذه الصورة التقطت له وهو يقرأ مقالي ......)
واذا ماشفتوني بكره تأكدوا انه قضى علي
][ 5 ][
الاشتاذ مشاعد بو كشه يتميز بوسامته وطلته البهيه وكشته الغجريه
ومدلل الى ابعد حد ومتأثر بالافلام البوليسيه ويحب اخوه مبارك بشده
ورفض يصور الا اخوه معه محتفظاً بوصية والده قبل وفاته وصاه على مبارك
كان احسن واحد في حارتنا يلعب مصاقيل اي تيل ولكنه تراجع مستواه
في الاونة الأخيرة وفي لقاء مع محطة اغسل يدك الفرنسيه بعد هزيمته
من الطفل ابو صلعه ذكر مساعد ان سبب هزيمته لانه لم يتدرب جيداً
وانشغل في الامسيات التي يقيمها كل ليله في زاوية الحاره عند بقالة فالح
وله قصيده مشهوره بعنوان طوط طوط كانت هي من احد اسباب معرفة الجمهور به
^
^
اتحدى واحد يسوي مثل هالحركه
همسة
مابقى في العمر كثر الي مضى
ارسم البسمه على الوجه الحزين
حاول انك تاخذ الدنيـــا رضــــى
وكل قاسي ياهوى بالي يليـــن
"
انتظروني
عدد التعليقات 8
التعليقات
|
اووووووووووووووه رجعنا للضحـكــــ زين لقينا شي يونسنـــا هالايام  بس خطيــر هالدختــووووور يانه فر راااااااااااااااااااسي بقووووووة بسيرته من هاليوووووووووم حبيت الشعر النبطي بس عساي الحق كتابه قبل مايخلص ::: ::::: ::: ::: <<<مابقى في العمر كثر الي مضى ارسم البسمه على الوجه الحزين حاول انك تاخذ الدنيـــا رضــــى وكل قاسي ياهوى بالي يليـــن >>> تعنيلـــــي بقوووووووووووووووووة  ننتظـــــر باقي الاعضــــ  ـــاء لك كل احترامي وتقديري اختك / قمووور |
تمت الإضافة في 04-15-2008 الساعة 11:40 PM بقلم قمووور
|
|
|
مرحبا قمووور وحياااك الله وان شاء الله دوووم مستانسه وخليك مثلي كل ابو 24 ساعه مستانس <-- باين واذكري الله على الدختور ترا ماعندنا غيره في الحاره دختور ونتحدى فيه دخاترة العالم كلهم صحيح انه يدخن ومنحرف بس نستفيد منه وكتابه وصلني خبر من مصدر غير موثوق فيه انه نفذ من محلات ابو ريالين وبعطيك الكتاب الي عندي تصورينه <-- ملخص الميموني ولا اوصيك انتبهي وسلميه لي مثل ماستلمتيه بالضبط كفايه المرق واللبن المكبوب عليه مو ناقصين بعد يتلطخ زياده ......) اقتباس:
تعنيلـــــي بقوووووووووووووووووة
فالك الابتسامه ياوخيتي  |
|
تمت الإضافة في 04-16-2008 الساعة 02:45 AM بقلم لست أنساك
|
|
|
المشهد الثاني  المذيع شالح : الآن نبدأ مع اول الشعراء الحلوين لكن قبل نبدأ بسأل اللجنة وبالتحديد عند الاشتاذ مشاعد بو كشه شو تقول في بداية المسابقة يابو كشه ؟؟ الاشتاذ مشاعد : اقول مالت عليكم وعلى الي يجي عندكم مرة ثانيه لنا ساعتين جالسين لاقهوة ولا شاهي ولا مكسرات حشى جالسين في ورشة مو مسابقة المذيع شالح : انثبر بس وانا غلطان الي سألتك وعشان كلامك هذا وعشان تبطل هالحركات بحرمك من المويه بعد وبخليك تموت من العطش ياورع  الاشتاذ مشاعد : احتج وبشده على هالتعامل واعلن انسحابي اروح عند ام العيال ابرك على الاقل القاها مسويه لي مرقوق ومقاريص المذيع شالح : بلي مايردك وسلمني على المقاريص ياجعل تقرصك الداب السودا اما الآن نرحب بصاحب الوجه الملاك والملامح البريئه الشاعر واااااااااااااااااااااااااااااااااااائل ^ ^ ][ 1 ][  انا : بسألك ياوائل ممكن !! وائل : اكيد ممكن تفضل يالغلا <-- ذوق انا : كم كتبت قصيده حتى الآن !!! وائل : قبل السؤال ولا بعد السؤال انا : ليه مدخل قصايدك البورصه أنت !!! وائل : لا بس انا اكتب كل دقيقه قصيده وحتى وانا اتكلم معك اكتب انا : بس اشوفك ماسك القلم وترسم ماشوفك تكتب وائل : هاذي حركه تمويه مابي احد يسرقها اذا رسمت شجره يعني حبيبتي فوق الشجره واذا رسمت بحر يعني حبيبتي عند البحر .....) انا : اخس والله انك خطير وائل : ايه مايمديك حركتات احم احم انا : وش رايك تفضل لتعطر زاويا المسرح وائل : ماجبت عطر ينفع دهن عود انا : اقول دحدر ولا يكثر تراك غثيتني وائل : كش عليك انا : عادي لاتشرهون عليه واتجه شاعرنا الكبير المتوسط الصغير للمسرح ويمشي على خطوه ونص وهاهو يصل بالسلامة الى ارض الوطن وائل بن عماش القطو بسم الله الرحمن الرحيم ولاحول ولا قوة الا بالله وان لله وان اليه راجعون امسي على اللجنة بالخير واحب ارحب بالشاعر نايف الفشار والقصيده مدح في شيخ قبيلة القطو وقبيلة القطو معروفه وفرسانها تعرفونهم بعد مثل عنتر بن المهلهل وابو زيت الهلالي يعني قبيلة قويه مره مره ومحد يقدر يتكلم عليها وكل ابناء القبيله يشربون لبن كل يوم عشان يصير عظامهم قوي لحظه بطلع القصيده من الكرتون <-- حشى حمامه مو قصيده القصيده تقول : ياشيخنا يارافع رأسنا في البطولات يامسجل كل اهداف قبيلة القطاوه ويامغششنا كلنا في حزة الاختبارات ويامشربنا المويه البارده من المطاره والله انك رهيب مره وكلك حرررركات وقاهر قبيلة التيس وقبيلة الفاااااره تذكرني باعلان بايس في المحطااااات انا اشهد مافيه زيك في كل الحارررررره وياويل من يعاديك والله نذبحه بالسيفات ونعضه مع خشمه ونطرده من الحاررره حنا القطاوه لامن زعلنا مانرضى بسرعات يصير لونا احمر ويهبل ويجنن مثل الاشاره ولا فيه اي قصور في كل القبايل والقبيلات لكن حنا احسن منهم وقدرنا فوق العماره وسلامتكم اللجنة ][ 1 ][ الدختور : فتحي دغدغني اولاً : ارحب بالجمهور الكريم واقولهم لو سمحتوا نبي هدوء خلاص وقفوا تصفيق والله لاجيكم واتوطا في بطونكم ماصارت فجرتو اذني استحوا وخلو عندكم دم ياهوووووه وبالنسبة لعصيدة وائل كانت البدايه مميزه ورائعة ومدحت قبيلتك واتت العصيده مباشره ولا يوجد صور شعريه فيها كثيره ولدي ملاحظة عنتر ليس اسمه عنتر بن قيس وانما اسمه عنتر بن الفرزدق ولم اسمع عن ابو زيت الهلالي من أين اتيت به انت تقصد ربما الزيت الخروع الي مغرق شوشتك فيه وماشاء الله عليك اعجبتني بالبيت الي تقول فيه وياويل من يعاديك والله نذبحه بالسيفات ونعضه مع خشمه ونطرده من الحاررره وفالك الوايت الي يقطع مصراينك قول امين تفضل اخي الاستاذ فيثاغورس بن معلقه ][ 2 ][ اولاً : استغل هذه المناسبة وابارك للنصف الثاني والتي هي الحرمه بمناسبة اليوم العالمي للحرمه السنعه واقولهن خلوتس سنعات واطبخن ذبحتنا المطاعم والوجبات السريعه وبالنسبة لقصيدة وائل وائل مبدع ولا اشك في شاعريته لكنه مصخها يوم مدح شيخ القطاوه وهو مايستاهل اعرفه زين انا ومانسى يوم فقع كورتنا يوم طاحت في بيتهم واذا مو مصدقيني اسألوه وهو يعلمكم واذا فيه خير ينكر السالفه والله لعلمه الادب واكسر سيارته الي فرحان فيها وائل :اقول احترم نفسك وكل شي الا شيخ القطاوه فيثاغورس بن فلقه : ياشيخ روح انت وشيخكم الي ازعجتونا فيه وائل :على الاقل احسن من شيخكم الي يلبس ملابس رياضيه على ثوب فيثاغورس بن فلقه : ضحكتني ماشفت شيخكم يوم كان لابس جزمات اذا مشى تولع نور وائل :وش عرفك هاذي الموضه ياقروي حدك جزمات ام جزمه فيثاغورس : امسكوه لي مابقى الا هذا يتكلم على شيخنا والله ماخليه وائل : اعطوني السيفات يامعشر القطاوه يا انا ياهو القروي   ^ ^  شي ماشفتوه تضارب مرزوق شكسبير مع فتحي دغدغني لانه نساه وطمره وقال تفضل يافيثاغورس ومرزوق عصب لانه قبله وماعبره فتحي |
|
تمت الإضافة في 04-16-2008 الساعة 02:48 PM بقلم لست أنساك
تم التحديث يوم 04-19-2008 في 12:38 AM من قبل لست أنساك |
|
|
المشهد الثالث والاخير رسائل SMS رمز البلد السعودية : 111 الكويت : 222 الامارات : 333 قطر : 444 عمان : 555 اليمن : 666 مصر : 777 الجزائر : 888 بنغلاديش : 999 باكستان : 1010 قطوه وافتخر : واضحه ياللجنة سويتو كل هذا عشان تبعدون وائل منكم لله بندر الملعقه : قبيلة الملاعق معك يافيثاغورس وحقك ماراح يروح .....) حسن الميكرويف : اقول اهجدو يالقطاوه والملاعق مافيه مثلنا يالميكرويفات دحيم الركبه : يناس فضحتونا قدام الناس عيب عليكم يالبى قبيلة الركبه بس نوره الفتوشوب : لاتعبون انفسكم بالتصويت ماراح ياخذها الا سعيد الفتوشوب سليم القطو : اقول يابندر اركد قبل يجيك ماجا فيثاغورس حقكم ههههااااي بندر الملعقه : ياسليم بالغدر ضربتوه ولو كنا فيه بدري عليكم تمسون شعره منه قطوه وافتخر : يابندر تراك مانت قدنا ولو اجيب شغالتنا صفقتك كخخخخخخ بندر الملعقه : ياربعي يالملاعق وينكم ماتشوفون القطاوه يسبون !!!!!! فايز القطو : خايف الضعيف وراح ينادي قبيلته خلوه مسكين رحمته والله خان الملعقه : كلو قطاوه مافي كويس ومخ مافيه فايز القطو : وين رايح يالباكستاني انت تراك مضيع يابو الشباب خان الملعقه : انا روخ في عين مال انتا يافايز القطو يابتشه فهد المعلقه : احلى تحية لكل الملاعق ولايهمكم الملاعق تسير والقطاوه تنبح احمد الصلعه : مايجوز الي تسونه ياشباب خافوا من ربكم كلنا اعيال تسعه فايز القطو : اقول رح وراك يالصلعه ووفر نصايحك لصلعان المنحرفين خالد الصلعه : حدك يافايز ولاتغلط ترانا ماغلطنا عليكم ولا تجبرنا نغلط فايز القطو : كخخخخ خوفتني يابو صلعه مابقى الا الصلعان يغلطون علينا شيخ الصلعان : حنا الصلعان حنا يافايز واذا ماتعرفنا اسأل ابوك يابابا قطوه وافتخر : وخير ياطير يالصلعان يافايز ياولد عمي تعجبني حيلك فيهم تركي الصلعه : نداء عاجل لكل الصلعان تعالوا عشان نعلمهم من الصلعان بندر الملعقه : قبيلة الملاعق تنضم لقبيلة الصلعان في حربها ضد القطاوه فايز القطو : نداء عاجل لكل الملاعق تعالوا الحرب قامت ياربعنا لاتخلونا دلوعة الملاعق : اكره القطاوه بشكل ماتصورونه ولو الموت بيدي فكيته عليهم بندر الملعقه : تكفين يالدلوعه حبينا ياشيخه روحي بس اطبخي لابو اعيالك بس فايز القطو : يابندر اعقل وكل شي الا حريمنا لاتقرب فيه ولو انك رجال ماتكلمت على حرمه بندر الملعقه : بتكلم واتكلم ولاهميتوني يالقطاوه المعفنين فايز القطو : اذا كنت رجال قولي وين ساكن بس او واعدني في اي مكان بندر الملعقه : انا ساكن في القسطنطينيه كخخخخخخخخخخخخ فايز القطو : شفت انك مانت رجال وجبان بس تكلم هنا فهد الملعقه : يافايز انا انوب عن ولد عمي واذا كنت ساكن عندنا قابلني بندر الملعقه : يافهد لاتوسخ يدك فيه تراه مايستاهل من يروح له خله فهد الملعقه : لا بعلمه بس كيف يتكلم على اسياده وانا ولد ابوي فايز القطو : قال ايش قال اسياده اسمعوا يناس والله ضحكني ههههههههههاي فهد الملعقه : ايه اسيادك وحنا احسن واقوى منكم فاااااااااااهم انا المذيع شالح بن شيلويح الشلوحي ارجع مرة ثانية بعد المصارعه الحره الي شفناها وكنت اتمنى افزع لان خوالي من الملاعق بس مشكلتي ثوبي ضيق وخايف ينشق ودافع عليه دم قلبي بس عشان اكشخ قدامكم وياليت الخياط يقبل يرجعه ويعطيني دراهمي وهذا نموذج مصغر عن حال العرب اذا اجتمعوا سواء في شعر او رياضه او سياسه لاتضايقون واكتشفت ان اعيال حارتنا ماهم كفو احد يحط لهم مسابقات ويطورهم ويثقفهم اذا حطينا مسابقه خاصه بالحاره تهاوشوا واذا حطينا مسابقه خاصه بكل الحواري تهاوشوا والحين الي في القسم والي في المستشفى الله لايعيدها من مسابقه تسوي كذا فيهم ونفكر حالياً نسوي مسابقه خاصه لكل واحد فيهم يعني نخلي كل واحد يشارك بمسابقه لحاله عشان نضمن مايصير مثل الي صار تو وتوبه اذا فكرت اصير مذيع مره ثانيه يسبوني ومايخلون شي الا يحطونه فيني ويقولون نقد واذا رديت عليهم صفقوني والله حاله برجع للسوق الحمام اصرف على الاقل هناك الحمام مايتهاوشون عشان وحده من القبيله الفلانيه والثانيه من البلد الثاني خذوا عبره من الحمام ياعيال حارتنا الكبيره وبصراحه مدري من الغلطان ومع الي معه حق كالعاده الحقيقه غايبه !!!!!! ولاتلومنهم مدام في القمة العربيه تهاوشوا كيف عاد بمسابقة شعريه لاراحت ولا جت وصدق من قال اتفقوا العرب ان لايتفقوا وانا اقول اتفقوا العرب ان يتحاربون وقليل اشوف عربي مافي خشته مشوخ وفي راسه فلقات يعني لا احد يستغرب او يزعل حنا كذا رضينا ولا انرضينا وسلاااااااااااااام عليكم وافلقوني ان شفتوني مره ثانيه ....) ونذهب للمخرج عصمان لنرى ماذا اختار لنا الى اللقاء ياحلوين العرب  هنا جذوري هنا قلبي هنا لغتي فكيف أوضح هل في العشق إيضاح ^ ^  خمسون عاما وأجزائي مبعثرة فوق المحيط ومافي الأفق مصباح ^ ^  ما للعروبة تبدو مثل أرملة أليس في كتب التاريخ أفراح ؟ ^ ^ والشعر ماذا سيبقى من أصالته ؟ إذا تولاه نصاب ومداح ^ ^ وكيف نكتب والأقفال في فمنا وكل ثانية ياتيك سفاح ^ ^  حملت شعري على ظهري فأتعبني ماذا من الشعر يبقى حين يرتاح ^ ^ ^ همسة هذا العمل مر بمراحل وتحولات عديده حتى ظهر بهذا الشكل الذي ترونه وقت وفكر وجهد وخيال ......الخ و من اضخم المقالات التي كتبتها اتمنى من يمر من هنا ان يركز ويتعمق في كل مشهد ويبحث معي عن الحقيقه الغائبه !!؟ ويردد معي ياحقيقه يامطولك ^_^ ^ ^ ^ مع اصدق أمنياتي اخوكم فيصل لستُ أنساك |
|
تمت الإضافة في 04-17-2008 الساعة 04:25 PM بقلم لست أنساك
تم التحديث يوم 04-29-2008 في 12:45 AM من قبل لست أنساك |
|
|
والله مادري شقول الواحد يضحك ولى يبكي
بس مثل ماقلت ياحقيقه يامطولك وشكلهاااااا بتكون طويله حيييييييييييل تسلم اخوي ابدعت ماعندي شي اقوله على هالابداع |
تمت الإضافة في 05-02-2008 الساعة 03:03 PM بقلم دمعة السنين
|
|
|
لاتقولين فإحساسك بالحقيقه الغائبه يكفي الحقيقه التي لايعرفها هؤلاء ومهما كانت الحقيقه طويلة لأبد ان يأتي يوم ونصل اليها اقتباس:
سلم اخوي ابدعت ماعندي شي اقوله على هالابداع
وشكراً لتواجدك وحياااك الله |
|
تمت الإضافة في 05-02-2008 الساعة 06:53 PM بقلم لست أنساك
|
|
|
شي من هذا يبقى متعلق بين السماء والأرض وشي من ذاك تطاردة الأماني كل صباح ومساء لله درك ... |
|
تمت الإضافة في 05-09-2008 الساعة 06:23 AM بقلم بصمة في دروب الحياة
|
|
|
اقتباس:
شي من هذا يبقى متعلق بين السماء والأرض
اقتباس:
وشي من ذاك تطاردة الأماني كل صباح ومساء
 الأخت بصمة شكراً لأنك هنا حقاً |
|
تمت الإضافة في 05-09-2008 الساعة 06:53 PM بقلم لست أنساك
|
أخر مقالات: لست أنساك
- ارحلي !!! (05-06-2008)
- زفاف ليلى العامريه !! (05-03-2008)
- فوق هام السحب !!! (04-26-2008)
- مذهــــــــــــــــلة !!! (04-25-2008)
- هذا اليوم !!!! (04-24-2008)
