أوقد النار ياشبابها

....النـــــــــار .. الضو ..
هي نعمه من نعم الله علينا


ياكليب شب النار ياكلب شبه .. عليك شبه والحطب لك يجابي

...

ياوي فنجال يصبه مسويه ... حنا سوالفنا على جال ضوه

...
سألت ابوي عن كيفية شبة الضو قبل اختراع الكبريت .. فقال :

نستخدم قطعة حديد اسمها مقراحه او قراحه ونضربها في قطعة حصاه سوداء اللون وملساء تسمى صلبوخ , ونحضر قطعة قطن او شئ يتأثر بالنار بسرعه وعند ضرب المقراحه في الصلبوخ يتولد شرار
ويمسك في القطن وتبدأ فتيلة النار .
واذا كانت النار موجوده ويعتزمون على الانتقال يضعون الجمر في علبه معدنيه مع الرماد واذا اارادوا ان يوقدون النار وضعوا الجمر على حشيش وعيدان لتشب النار .


وتسمى النار أم عابس اللي تأكل الخضر واليابس ..

والنار ونيسه في وحشة الليل ..

وعادة ماتشب النار في منطقتنا من الرمث او الغضا او السدر او السمر.

هذا اللي جا ببالي عن شبة الضو والسموحه على القصور
على فكره الصوره من تصويري

سلام
قبل لاأنسي موضوع مب منقول ومن كتاباتي

تسلم يا الوافي على ها الموضوع الحلو..

واللي يذكرني بالبر...

وبشب الضو...

لاعدمناك يالشيخ..


الا بتخبرك وين الدلال..

وفي انتظار يديك..

هلا اختي دموعه
هاه الدلال ههه عن الفضايح ياختي ماتشوفين غوري الكرك يكفي هههه
الدلال مدري من سرقهن هههه
مشكوره وماقصرتي

على فكره الكيمره مب شي وان شاء الله باخذ لي كيمره احسن منها

السلااام عليييييكم

مشكور يالشيخ على المشاركة الطيبة

واللى بصورة سعيدان

لووووووووووووووووووووول

الله يسلج ياختي دلع
واللي بالصوره لا مب سعيدان
هذا معزب عم سعيدان ماتشوفينه كاشخ بالبشت ههههه

يعطيج العافيه

في الماضي كان الانسان يشقى ويتعب للحصول على ابسط الاشياء .. فلذلك كاان اعتماده على نفسه في شتى المجالات .. مب شرات اليوم الذي يتوفر فيه كل ما يخطر على البال ...

شب الضو دليل على الكرم فكان الساري المحتاج للزاد او الماء أو لأي حاجة اخرى يقصد صااحب النار ويجد عنده ما يحتاج اليه ...

ما تختار الا المميز من المواضيع طويل العمر ودائما يكون لها طابع خااص

الله يعطيك العافيه وفي انتظار يديدك

يالله حيه...

شو هالمواضيع اللي ترد الروح...

تسلم خويه على الموضوع الفنااااااان...

الله ذكرتني بالبر...

لو تسمح كوب حليب كرك ...ما عليك امر...

تسلم وااافي ...واحلى ما فيه انه مب منقوول...

السلام عليكم والرحمه

نوري الضو بصلوب السدر ولا بالرمث شرى انته ما قلت..

واحلى شيء جانك ساير تبات في البر اف اف محلى الجو

حاط كوار الضو قدامك وتدفباه وتحرك اليمر بالمهباش

في ذمتيه يالوافي أن نيران شبن بين ضلعين صدري بسباب هالصوره الي عاكسنها
" تصدق أول ما شفتها تذكرت المارد الي يطلع من مصباح علاء الدين "

الأخ بطران ينبان عليه؟؟؟

تسلم ع الموضوع الي مش منقول ونتمنى أنك تكثر منهن

" الوافي نصيحه من خاطريه"

قول حق الريال راعي الصورة المعكوسه يدخن بشبه ولبان

اخواني أول ما شافوا الصوره لصقولي ع المونتر

يتخبرون منوه الرياااااااااااااااااااال؟؟؟ يبوك العين حق اخافهم يصكونه بعين من كثر ما هم مستعيبين م الصوره

تسلم الشيخ عالموضوع .. وربي لاهانكـ