مووووضوع للفتيات >>>> ارجو دخولكم والرد على كل من يدخل عليه<<<<<

كذا ببساطه أضيفها !! ليش مو يمكن تطلع أنصب وحده في هالدنيا وتكون بشنب !!

بعدين أنا أستخدم الماسنجر مع ناس أعرفهم في الحقيقة مو عن طريقة النت لأن مهما يكون حذرك وقوة فراستك ممكن تلقين ناس دارسين على أيد أبليس .. يعني بصراحة ما تضمني أبداً

ختاماً أحيك في المنتدى وإن شاء الله تستفيدي وتفيدي يا لارين ..

أشكر كل من دخل الموضوع وافادنا برائيه

وأشكر أيضاً كل من زار موضوعي لكِ يقراءه

تقبلومني أرق التحايا

لارين

مرحبااااا أختي لارين تسلم يدج على هذا الموضوع الحلو بصراحه أنا وحده كنت قبل أستقبل أي إيميل ييني وأشوف منو اللي مسويلي أدد ومن وين ياب الإيميل عسب أعرف كيف وصله الإيميل وأتأكد إذا هو بنت أو ولد بس والله يا جمــــاعه لا تصدقون أي حد بسهوله لأنه والله من وقت قريب جدا أتعرفت على وحده ( على أساس إنها وحده لكن طبعا واحد ) تصدقون إنه كل شي كان يبين إنه بنت وأنا الغبية كنت أسولف وياه وأقوله سوالف عني وعن أهليا بس يعني الحمدلله ما كنت أتمادى أبدا يعني في المحدود بس بعدين أونه اعترف وقالي ترى أنا واحد هب وحده وتخيلوا الصدمه تصدقون إنه حتى من زود فرحتي فيها كنت أخبر أمااااايــــــه عن كل شي بيني وبينها والكل صار يعرف إنه لي ربيعة عرفتها عن طريق النت بس بعدين اكتشفت إنه واحد فنصيحه مني لا تعطون الثقه لأي أحد ولا تقبلون أي إضافات لناس إنتوا ما تعرفونهم صح إنه الكل هب نفس الشي بس من حذر سلم واللي تقولج أنا من نفس المنتدى اللي إنتي فيه أعتقد شي إسمه الرسائل الخاصه لكل عضو في المنتدى تقدر تكلمج عن طريقها بالذات إنه أحن بنات ونخاف على عمـــــــارنا والسموحه جان طولت عليكم

بصراحه انا صارلي هل موقف اكثر من مره واكثر من ايميل تقريبا ثلاث ايميلات وانا ضفتهم لان على بالي حد من ربيعاتي غيرو ايميلاتهم ويوم اتاكدت ان ولد سالته قالي في موقع يعطيكي كل الايميلات وانا اخترت ايميلك وانا على طول بلوك ودليت لان من الاسلوب تعرفي اذا كان بنت ولا ولد مادري شو يستفيدو يوم يضيفو بالغلط

السلام عليكم و رحمة الله و بركاته ..
أشكرك أختي على الموضوع المهم جدا .. اللي دايما نشوفه و خاصة عند اصحاب الايميلات السهلة و اللي تكون مسمياتها تدل على انها بنت .. لكن بالنسبة لي و لله الحمد فايميلي بالاساس صعب انك تخمنين اسمه .. و غير كذا انا ما اضع ايميلي في اي مكان .. و بس اعطيه للاشخاص اللي معي في المنتدى و اعرف انها بنت عن طريق الرسائل الخاصة .. فلذلك ما تجيني اضافات غريبة ..
تسلمين اختي على الموضوع ..
و السلام خير ختام ..