ابوكي بيتزوج وحدة ثانية..وش تسوين؟؟؟؟؟

سؤال موجه للبنات ..
لان الاولاد اجابتهم معروفة مسبقا...
اذا ابوكي ( لا قدر الله ) قرر يتزوج وحدة ثانية على امك...
ساعتها شلون بتتصرفين؟؟؟؟
اتمنى اعرف ردود الفعل بكل صراااااحة

بسم الله الرحمن الرحيم
السلام عليكم ورحمة الله وبركاته


عزيزتي
وردة فرح


جزيتي خيراً على الطرح الطيب ,,

اقتباس:

سؤال موجه للبنات .. لان الاولاد اجابتهم معروفة مسبقا...

يمكن جوابنا يكون شرات الأولاد ,,

اقتباس:

اذا ابوكي ( لا قدر الله ) قرر يتزوج وحدة ثانية على امك... ساعتها شلون بتتصرفين؟؟؟؟

بصراحه الشرع حلل للرجل الزواج بأربع إن استطاع الإنصاف فقط ,,
فإن كان الوالد قادر على الإنصاف ماشوف انه الشي عيب ولا حرام ,,
وبباركله بالزواج بس أهم شي مايفرق بين الوالده والزوجه اليديده وطبعاً ينصف بعد بين عياله كلهم ,,

هذا رأيي بصراحه


احترامي
شموخ الإمارات

والله هذي الساعة المباركه!!

بابارك له وبارقص في عرسه بعد..

اذا امي نفسها تقول له تزوج واذا تبي انا باخطب لك بنفسي انا اعارض ليش؟؟

...>>السلام عليكم ورحتة الله وبركاته<<......
في بادي كل شي... احب اسألج اختي بصراحة اذا ما كان في مانع؟؟؟؟
بكل صراحة جاوبيني انتي راظية عن اللي ايسويه ابوج؟؟؟؟؟؟؟؟!!!!!!!!!!!!!!!!!!!!!
والله لو انا لا صمح الله استوالي ها الشي اني اول شي بسويه اني راح اروح عند ابوي واساله بكل ادب وعقلانية عن السبب اللي ايخليه يتزوج على امي لانها ما اتهون علي....
واذا مابغى ايرد علي على اساس انا اموره الخاصة.... فهذا الشي راجع ليه بس اني بساله انه اذا اتزوج انه يعدل بين الثنتين... وما ايفرق بين زوجة وزوجة على أساس الحب..
لانه ما باليد حيلة مثل ماتعرفين.... لانه الشرع حلل عليه الأربع.... يعني سواء انتي وافقتي ولا رفضتي ما بتغيرين شي .... الا اذا كان خايف عليكم..
وهذا بيتم رايي والسموحة على المغثة..
ولي رجعة معاكم..
مع تحياتي:
عاشقة الإمارات

شكر
وعسى ان تكرهوا شيا وردة لطرحك هذا الموضوع بالنسبة لي انا وايد متعلقه بابوي اكثر من امي فاذا قرر يتزوج راح ازعل طبعا لاني بحس ان في وحدة ثانيه بتشاركنا في ابوي فبحاول اعرف ابوي ليش يبي يتزوج وبحاول اخليه يعدل عن هذه الفكرة باباي طريقه واذا ما اقتنع فهذي حياته والله يبارك له فيها << وعسى ان تكرهوا شيئا وهو خير لكم >>



أختكم : صـــ الفجر ـــــوت

اختي شموخ توقعت ردك هذا يوم تدخلين
شكرا عالمشاركة

بس بعد البنات بيخافون من عدم العدل حتى لو امهم موافقة

انا عن نفسي مستحيل ارضى او اوافق على ها الزواج

لاني احب ابوي واااايد وما بتحمل اشوفه يدلل حد ثاني غيري واخواني... يمكن تقولون ان هاي انانيه مني بس لويينا للعدل الصراحه امي هب مقصره فيه ولا فينا ماشالله عليها شاله البيت واصلا البيت مايسوى بدونها وابوي اول واحد يشهد بها الشي... عسب جي ما له اي حجه او عذر للزواج مره ثانيه

هلا وغلا ورده فرح موضوع رهيب

بس فى السعوديه عننا عادى بس لازم يذكر اسباب لى الزواج من وحدة ثانيه
بس لو انها ابوي تلقيني فى المستشفى وميته قهر

اختك :

سما نجد

مشكورة اختي عالموضوع

وبعدين لو احنا عارضنا وقلناله يغير رايه

آخرته بنرضا بلالي مكتوب لنا

وسلامتكم

فيه فرق واضح بيكون بين اجابتي عن هالسؤال ولو قلتي
لو زوجك بغى يتزوج شو راح تسوين؟