ظاهرة (( الشردة )) من المدارس ..

السلام عليكم و رحمة الله و بركاته ..

تخيل نفسك << هو موجود فعلا مب تخيل .. انت و الربع .. شاد الهمة و بتشردون من المدرسة .. و بتسيرون تتمشون << .. و انتوا ها بتنقزون من فوق السور الا شوي ..... (( صااااااادوووووه )) .. زخوكم ..


شو كان شعورك فهذي اللحظة ؟؟

بشو فكرتك ؟؟خفت؟؟ اذا خقت من شو خفت ؟؟ (( العقاب .أو ان اهلك يدرون خاصة الأب ))

كم مرة حاولت تشرد ؟؟

كم مرة زخوك و انت ياي بتشرد ؟؟

عقب ما زخوك .. شو كان عقابك ؟؟ خبروا الأهل ؟؟


شو هدفك من الشردة و انت تروم تظهر أي وقت ؟؟ هل هو (( الملل من الدراسة ؟؟ أو أسباب ثانية ))؟؟


خبرنا موقف صارلك .. (( هاااا و لا تقول انا ماشردت ))


انا ماقول ان كلللل الشباب يشردون من المدارس ... بعضهم ..



أخوكم // اماراتي و النعم

تسلم امارتي والنعم

بيما ان انا بنت الشردة والنقزة من فوق السور شوية صعبه ولو ان في ناس مسوينها

جي من سنتين كنا شاردين من الحصة السادسة وكنا تقريبا 8 بنات. قبل الجري بخمس دقايق يفتحون البوابة واحنا ما قصرنا بس فتحوها طلعنا..

مصدقين روحنا.. ومسمينها شردة

هههههههههههههه تذكرت ايام المدارس والله...

سبحان الله كل اربعاء لازم الادارة تشكنااااااا...

خخخ

حلووو الموضووع ذكرتنا بايام المدرسة


عني حدي اشر د من الحصص وحتى موهاك الززوود بس يووم ادق في راسي وطفرت اشرد ,,

يلى اتريا نقرى اردوود باقي الاعضااء

مشكوور الشيخ اماراتي على الموضووع ,,,,,, بس وين ماكتبت شي ,, اونك يعني مااستوالك موقف !!

السلام عليكم ورحمة الله وبركاته


مشكور اخويه على هالموضوع....




ههههههه ليش من اليدار.....قول من الباب الرئيسي....عني انا اظهر من الباب الرئيسي <<<<<<ماشي حارس لمدرستنا


انجــــــــــــــــــــــاز


ليش الخوف؟؟؟؟؟؟

دوووووووووم اشرد وارد البيت....يعني اذا كشفوني اقوووول ادارة المدرسه عاطيه اجازه او الدوام اليوم قصير......لين ادبوني وحطوني في سجن ((مدرسه خاصه))....


لا تعد ولا تحصى يوم كنت في مدرسه حكوميه وفي الخاصه ما قدرت لانه كل شي متوفر من مدرسين....اداره....وليش اشرد يوم التوفير موجود


مره


لا....نقلوني لسجن المركزي<<<<<<<مدرسه خاصه


ظاهرة الشرده.....ماتي جيه.....اقصد يعني الطالب ما ايي يشرد جيه

يمكن ملان شرات ما قلت او عايف المدرسه او الاسلوب........او حتى الادااااااااااااااااااااره شرات حالتي <<<<<ها احلى شي يدومون حق التوقيع بس ولا دواااااااااام يوم كامل لا


***77***


هاللي امهم داعيتلهم

.
.
.

في الحقيقة أنا شردت من المدرسة لكن موب شردة وقت الحصص، أنا شردت مرة يوم كنت في ابتدائي آخر حصة كان الأستاذ غايب قاموا كل الطلاب اتفقوا على الشردة وشردت معاهم.

ولو صادنا المدير ما ادري ويش كنت باسوي.

هذه كل القصة

مع التحية..
Q6100

السلاااام عليكم ..,,




تسلم اخوي ع الموضوع..,,


ووووووووينك من زمان لا حس ولا خبر ..؟!؟!؟



جوف عاد انا عجبني موضوعك وقلت الا اشارك




اذا ماعجبتك مشاركتي لاتقوول




انا ماجربت اشرد من المدرسه <<--- ياحليلي من يتخيل بطبطه ع السووور شي عجيــب..,,






بس مره شردت من الحصه وانا اتمشى <<--- عيني عينك شارده




مسكتني انا وربعي عاد انا الكذب على لساني الفت لها قصه وكسرت خاطرها قامت قالت لي تعالي حبيبتي وعطتني ورقه وقالت لي روحي الصف مع اني ميننتها بس سبحــان مغيــر الاحوال



بس في واحد يصير لي كان بيشرد وكان معاهم واحد دب من قلب وخوااااف كان مطرود معاهم وابتلشوا فيه وقالوا انهم بيروحون المعصره عند بابو وهوماصدق على الله وهو بيشقح تم فوق الطوفه شاير خايف مايبي ينزل تم يصيح لين ماصادووه وهو نازل انشق ثوبه وسرواله وطبعا انتوا ماتجوفون غير غبرة الربع ولا جنهم يعرفوونه..

بس بعدين الكل خذا فصل








سنقبـــاسي الله يهنيك بالسجــن اليديد ... اقصد المدرسه لوووول













تحياتي ..,,

وعليكم السلام ورحمة الله وبركاته ....

مشكور أخويـــه إمــاراتــــــي ع طرحكــ للموضوع او لازم يباله نقاش او إحراجات

لـــوولز .....


^____^ ههه حتى الشـــرده استووت ظاهره !

زين ...


يلا نبـــدأ ...


1. تخيل نفسك << هو موجود فعلا مب تخيل .. انت و الربع .. شاد الهمة و بتشردون من المدرسة .. و بتسيرون تتمشون << .. و انتوا ها بتنقزون من فوق السور الا شوي ..... (( صااااااادوووووه )) .. زخوكم ..


شو كان شعورك فهذي اللحظة ؟؟

لوووووووول ... اصلاً ولا فـ حياتيه نقزت من ســور المدرسه اصلاً حاطين شبكــ هههههههه مانقدر لوووول ^______^ بس النااااطوور الله يطول فـ عمره دوومه ينقص !

او حتى لو زخونــــــا مثلاً لوووووول شعوور عااااادي ....



2. بشو فكرتك ؟؟خفت؟؟ اذا خقت من شو خفت ؟؟ (( العقاب .أو ان اهلك يدرون خاصة الأب ))

مممم ما اخاااف عادي .... بيعني املدرسه ماتسوي فصل او عقاااب اللهـــم عقب الدواااام او الحممدلله اتجنبتهم .... او إذا على الأهل شوي اخرط هههه يعني صح أنا ما أشرد إللا فـي سبب معين يعني مثلاً إذا المدرس غايب والله عندنا نشاط والله محاضرات والل مخلصين املنهج او قاعدين فـ الصق ماعندنا شغله .. اقول حق ابويه ماعندنا شي انسويه فديـــته باباتي مايقولي شي


3. كم مرة حاولت تشرد ؟؟

كم مرة زخوك و انت ياي بتشرد ؟؟

عقب ما زخوك .. شو كان عقابك ؟؟ خبروا الأهل ؟؟



ههههه حـــــــــــاولت ... وايد بس مرات مايصيــــر ! ع حسب مزاج الناطور ولا يكوون المشرف واااااااقفــ بين الصفوف حشى ليـــزر ^_^


زخوونــــــــي ههههه هيه مره بس يوم كنت فـي ثاني ثانوي كان عنديه أخر حصتين عربـــــــي وا شردنا او عقب زخنـــــا نائب المدير لوووووووولز

او عقب قال يلا ع صفكووووووون

ههههههههههههههه خديه ماسوا شي ^_________^


او مره زخونيــــــــه كنت فـ الدكااااان ههههههههههههه المشرف وصل هناك .. ^_^ او بعد ماقال شي عطيته سنيييكرز هههههههههههههههههههههه قال ماتعيدها مرو ثانيه !!


4. شو هدفك من الشردة و انت تروم تظهر أي وقت ؟؟ هل هو (( الملل من الدراسة ؟؟ أو أسباب ثانية ))؟؟

مممممــ ع حسب مثلاً يعني يوم اييك ايكون المدرس فاضي او ماعنده شغله او لازم عاد تيلس فــ الهدف نظهر نشم هوا برا ولا ايكوون غايب ايبوون مدرس بداله عاد ع حظكــ ايكوون مدرسك يمكن يدرسك ... هالمشكــــــــله !!


يعني ماشي هدف بســـ ملل الدواااااااام ...

بالنسبه للوقتـــ صعبه يعني إذا عنديه فراااغ فـ اول الحصص ماقدر اسير المكتبه او ايلس ع النت ولا اسير الكانتييين اما عقب الفسحه الأولى اقدر اشرد بس عاد بطريقتنا لوووووول



ع العمممممممممممووم


يسلمممموو إماراتي ع الموضوع

يعطيــــــك العافيه



او السموووووحه ^_^


فمان الله

إماراتــــي والنعم

:: يسلمو على المشاركه الطيبه ولك الاجوبه ::

تخيل نفسك << هو موجود فعلا مب تخيل .. انت و الربع .. شاد الهمة و بتشردون من المدرسة .. و بتسيرون تتمشون << .. و انتوا ها بتنقزون من فوق السور الا شوي ..... (( صااااااادوووووه )) .. زخوكم ..


شو كان شعورك فهذي اللحظة ؟؟

:: لــــوووول ,, الصراحه انا ماقد نقزت من السور شو وين ابا انقز لووول ماقدر مخلين هالمهمات للشبابناا الكرامــ لووول ::

بشو فكرتك ؟؟خفت؟؟ اذا خقت من شو خفت ؟؟ (( العقاب .أو ان اهلك يدرون خاصة الأب ))

:: طبعا كم مره شردنا نحن من الحصص ( مب من المدرسه ) بس ماخبروا اهالينا لين الحين .. قمت هالسنه اشرد بس اما قبل لا << استقويت البنت ::


كم مرة حاولت تشرد ؟؟

:: أنا ماأحاول وبس أحاول وانجح فالشرده ولكم أحلى دليل أني اليوم شردت من حصت الفيزيا >> لو يكون في معلوماتكم اني من الاربعاء الي طاف ماشفت رقعت ويه ابلة الفيــــزيا وجودها والعدم واحد طمه ماتفهم ولانفهم شي ::

كم مرة زخوك و انت ياي بتشرد ؟؟

:: ممم لين الحين ولا مره ::

عقب ما زخوك .. شو كان عقابك ؟؟ خبروا الأهل ؟؟

:: لين الحين هلي مــــادرووا !! ::


شو هدفك من الشردة و انت تروم تظهر أي وقت ؟؟ هل هو (( الملل من الدراسة ؟؟ أو أسباب ثانية ))؟؟
:: انا ماشرد من الحصص الا من حصة الفيزيا والانجليزي لاني الصراحه امل من الحصه والدرس خاصه لا الابله تشجع ولا الدرس اطلع احسن بدال مجابل ويووهم .. صح كل ها هذا يأثر بس الله كريم ::

خبرنا موقف صارلك .. (( هاااا و لا تقول انا ماشردت ))

:: لــــوووول .. موقف موقف .. مادري والله بس مره كنا 8 بنات ( الشله لوول ) كنا شاردين من حصة الفيزيا ويالسين فمختبر الاحيـــاء .. ودشت علينا الفراشه >> أكبر فتانه فالمدرسه .. شافتنا وسارت تخبر المديره نحن مادرينا انهاا جيه سوسه تمينا يالسين فمكاانااا لين مايت المديره وفتحت الباب وتمت تطالعنا بنص عين ونحن هنيه نطلب والله تيبسناا وقالت اونه انا اتحرا بنات غيركن شاردات وماهقيتكم تسون جيه !!! حسينا بتأنيب الضمير طشووونه مب وايد وتأسفنا وكتبتنا تعهد وقردناهاا وكملنا مسيرة الشردات لـــول ::

:: تم بعون الله ::

___________________
+->عين الله ترعاكم <-+


!!!!! :: !!!!!