دور النشمي والنشميه

بسم الله الرحمن الرحيم

هذا موضوع خفيف على الطاير ..

طبعا لايخفى عليكم الدو المتكامل بين الرجل والمرأه منذ ان خلق الله الخلق, وأود ان أعرض عليكم دور المراه البدويه والرجل في الفتره الماضيه .

دور المرأه البدويه:

* رعي الغنم وهذا دور البنات الصغار بالذات .

*تروي الما ( تدحب القربه من العين).

*الطباخ( بابا غنوج , فته , كبه, مشاوي , كنتاكي ... الخ الخ الخ>> احم ).

*واذا بيشدون تهد البيت وتطويه وتزهب الاغراض .

*واذا وصلوا تبني البيت .(طبعا صنع بيت الشعر من شغل المرأه نفسها).

*تجمع الحطب .

هذا دور المرأه البدويه في الماضي.

اما دور الرجال :

*يرعى الابل .

*يسير دفة البيت.

*يطرش لجلب مونة البيت ( يروح الجمعيه والاكارفور , والا المخازن الكبرى .. الخ الخ>> احم).

*يوفر الحمايه لزوجته وعياله ( تلقاه هو أكثر واحد يضربهم >> حاميها حراميها :d هههه ).

*( الصيد) يصيد الضب على قولة( مريم***) عشان حرمته تسويه كبسه .
(هذي حركات القطري)

*واذا الرجال فيه رحمه بيساعد حرمته في الشي الثقيل .( أعتقد هذي ميزة بوقليب )

طبعا محد يسوى القهوه غير الرجال, لانها كيف الرجال.(اويلي على قهوتك يالرومنسي).

شفتوا يابنات كيف الحين نحن معطينكم الراحه

ام جسومي شوفي الشغل والسنع مب يالسه تصورينا في الرحله ومخليه كلشي على سعيدان المسيكين .

والسموحه منكم والموضوع قابل للزياده والنقاش.


اخوكم وااافي

سلام

السلااام علييكم ورحمة الله وبركاتة ...






اخي العزيز ...


واااافي

تسلم يالشيخ على ها الموووضوع الطاير والحلووو ...

ماشاء الله عليك اخوى عن جد عجبنى ...


دور المراة يالشيخ ::

بقول الاشياء اللى ماقلته اوكيك...

تاخذ الخيش مال الشعير وتخيطه في بعض علشان تغطى بها حواش الابل او الاغنام من البرد ..


دور الرجل ::

القنص وكان عشقهم قبل ولا زل ناس الحين يحبون القناص بس قبل كان بكثرة ...

<<< اخورط عليكم ههههههههههههههه

هههههه لالالا جد كل كلامى


الله يعطيك العافية ..

واذا طلع في بالى شي برجع ارد


دمتم بود ..

ياعيني على هالرد اللي يثلج

بدينا نتحرر من كلمة مشكور .. يعطيك العافيه .. تسلم .. ماقصرت
ونسكت عليها

تعجبني الردود اللي تضيف على الموضوع

تسلمين يالشيخه على الاضافه ولاهنتي

سلام

مرحباا الشيوخ ...

ومن دوور الحرمه في الماضي ايظا انها ترحب بالضيف وتقرب به في غيااب الرجل مب شرات اليوم حتى الريال ما يظهر بيطرش الشغاله والا حد من اليهال

وان شااء الله برد اذا تذكرت شي ولو انه واافي كفى ووفى ..

تسلم طويل العمر على اختيارك وفي انتظار يديدك

السلام عليكم



موضـــــــوع جــــــدا رائـــــــــــــع

والله يعطيك العافيه



بالنسبه لدور المراه البدويه في الماضي



تقريبا انت ذكرت اغلب الاعمال


وهي انها تغزل الصوف


وتسدي بيت الشعر


الاضافه هي انها :تخيط الثياب والبراقع


اما بالنسبه لدور الرجل:


كان يروح يقنص طبعا مب للترفيه


القصد منه الحصول على الطعام


بالنسبه للقهوه :



هي من اختصاصه حتى ولو كانت بتنقدم


للحريم,ويكون في طرف بيت الشعر مكان


مخصص لقعده الرياييل(ممنوع دخول النساء)


يسمونها الربعه .



هذا اللي اتذكره الحين من سوالف يدتي


ولي عوده ان شاء الله

وافي

تسلم على الموضوووع الحلوو


ومثل ماتفضلت اخووي وتفضلوا الاعضااء
بأنه الادواار في الماضي كانت رائعه وعظيمه والمرأه كانت تكمل على الرجل وتشااركه في تربية الابناء..

والرجل كان يظهر في فترات الغووص ويغيب عن البيت مده طويله بس ماكان يخااف على بيته وعلى عيااله لانه متأكد انه حرمته بتكوون قد المسؤووليه


وطبعا الادواار بدت تتغير مع تغير وتطوور الحيااه...
يعني الحرمه كانت تهتم بتربيه عياالهاا وترتيب البيت بس الحين الحال تغير لماا دخلت الحرمه مجال العمل وبعد ماقمناا نجلب الخادماات من الخاارج

لي رجعه مع الموضووع

ياسلالام على ردودكم الحلوه والتفاعل
فديت قلوبكم والله

الرومنسي ..
هههه ضحكتني .. اي والله مافي غير الشغاله تظهر لك وتقول: بابا مافي بابا مافي
تسلم الشيخ ولاهنت

هميان ...
اقول لك انتي راعية عرف

جرووح الحب ..
صدقتي ياختي تغيرت الامور بعد دخول الخدم للبيوت
ولكنهم شر لابد منهم

يعطيكم العافيه

سلام

والله يا وااافي اني امس كنت اسولف في هالسالفه مع ربيعتي كويتيه
والخلاصه اللي وصلنالها انه الحرمه البدويه كانت تسوي كل شي خخخخخخخ والريال بس يقنص ويكفخ هههههه
بس بس لا تعصبوا

***77*** ***77*** ***77*** ***77*** ***77***

تسلم أخوووووووي وربي لاهانكـ ^_^