|
|
|
|
|
|
||
| إعلانات منتديات ألم الإمارات |
|
|
|||||||
| مجلس التراث والحضارات مجلس مخصص للمشاركات التراثية العربية والغربية على سبيل المثال الحِكم وأمثال الشعوب + الألعاب والمسابقات التراثية ، للعلم يمنع نشر المشاركات المنقولة |
 |
|
|
LinkBack | أدوات الموضوع | تقييم الموضوع | طرق العرض |
|
#1
03-09-2005, 12:58 AM
|
||
|
||
أسمحولي .. والمعذره لو قصرت في حق حد فيكم ..
أخواني الأعضاء والمراقبين ....
أتمنى أنكم تسامحوني ما أدري ليش كنت واااااااااايد مستانسه في مجلس التراث وهو المجلس الوحيد ألي كنت أحب أشارك فيه .. بس خلاص وقت الرحيل حان .. وما باليد حيله .. خلال فترة مرضي كنت رافضه أني أسافر برا البلاد بس علشان ما أخلي هلي وربعي وبلادي الغاليه .. ألأي ما أستغنى عنها .. ما أطلب منكم شي غير أنكم تدعولي أني أرجع بالسلامه ما حد يدري أرجع مشيا على الأقدام ولا مرفوعة على الأكتاف .. صح ما كنت من الأعضاء المعروفين وايد بس كنت وايد مستانسه معاكم .. دعواتكم لي . والسموحه مره ثانيه ..
|
|
03-09-2005, 01:12 AM
|
#2 | ||||
|
الله يسمح ذنوبج اختى ..
انتى وحده منا وفينا واعتقد بأن الكل يعرفج في هالمجلس بحكم تواصلج الدايم وياانا وبمشاركااتج المميزه ولو انج الفتره الاخيره تغليتى علينا شوي  الغاليه الانساان المفروض انه يكوون متفائل بالخير وان شااء الله بتشوفينه وعسى الله يوفقج في كل خطوه وبإذنه تعاالى بتردين مشي على الاقداام وبخير وبصحه وعاافيه ... الله يحفظج في سفرتج ويردج ساالمه غانمه ياا رب .. اللهم احفظها واجرهاا خيرا واشفهاا وشاافها .. اللهم آمين .. اللهم آمين
|
||||
|
03-09-2005, 01:14 AM
|
#3 | ||||
|
وعلــــيج السلام والرحمه...
أفا كيــف ما نعرف بنت الظفره  ...مســـموحه بالحل الغاليــه ..دام انه رايحــه تتعالجين ... وان شاءالله ما راح ننساج من دعائنا ... ولو ما طريناج الغاليه تراج في القلب... وخــلي ايمانج بالله قــوي ... فــي غــيرج عـــارف انه داخــل عمليه للقلب ..ولا يعرف اذا بيطلع منها حـي او مــيت ..ومع ذلك ما خاب ظنه في مقسم الارزاق ..هو اللي يابنا لهالدنيا ..وكــل شي مكتـوب في اللوح... عــلى العمــوم الله يشفيــج..وان شاءالله بتردين لنا وانتــي بخيـر وعـافيه ...وعلى قـولتج مرفوعه الاكتـاف.. 
|
||||
|
03-09-2005, 06:27 AM
|
#4 | |||
|
  اختي الغالية والعزيزة /  بنت الظفره هلا باللّي نهلّي به وشوفه يشرح البالي ولي رحبت ما تكفي الهُم مليون ترحيبه هلا باللّي نرحب به وشانه عندنا عالي وحبّه في زوايا اليوف نصبح به ونمسي به تراحيب أخص ابها عزيز واحد غالي وفي عارف المعروف من حسنه وطيبه غزا قلبي بجيش الحب والميدان غزالي تشربك مغزلي وياه هو ينقض وانا اطوي به وداده حل واحتل البقايا من جسم حالي وخامرني وحتى الواش لاعرفه ولا ادري به عريب الذوق والمنطق نجيب العم والخالي فريد الجنس له شخص على غيره نماري به لطيف الملتقى حلو الشمايل زين لجبالي يزول الهم عني يوم يثني تراحيبه انا في شوفته واجف ولو حولين باكمالي وم الواجب يكون الضيف في شوفة معازيبه ولو حالت جبال العين عن ميراه ما حالي ولا عن وصلته لي دون لو روحي تولي به الى من شفت زوله قلت ياهلا حي ذا الفالي وارحب ابهم ترحيب من عاين محابيبه انا من قبل ما اشوفك بعيني يالغضي سالي ومن شفتك تنقض جرح في قلبي اعدي به يقولون النيا والبعد للمشتاق قتالي ولولا الشوق للمشتاق مالذت مشاريبه عذاب الحب عذب أو راحته سقم وغربالي ولا يدرس فنونه غير من مارس تجاريبه أرى يا سيد فرقاكم علينا هم وانكالي وتوحش عقبكم لاوطان لي طولتوا الغيبه وانا من عقبكم يازين كني في خلا خالي ويا سعد الليالي يوم يدني الشمل تجريبه بديناها ونختمها من الأول الى التالي إلى رحبت ما تكفي الهم مليون ترحيبه اهداء حقج يالغالية ,,, وبعدين تعالي هينااا ,,, كيف مانعرفك ,, وانتى اختى عزيزة وغالية ,,, ولك مكانه بقلوبنااا ,,, صحيح زعلت لم عررفت انك تعبانة بس هذا قضاء وقدر ,,, ونحن مايهون فراقج علينااا ,,, الله يشفيج ويرجعج لانا ولااهلج ولاكل اللى يحبونج ويعزونج ,,, مشفافيهاا معافيهااا ,,, اللهم احفظها واجرهاا خيرا واشفهاا وشاافها .. اللهم آمين .. اللهم آمين وماراح ننساج من الدعاء يالغلاااا  دمتم بود
|
|||
|
03-09-2005, 10:32 AM
|
#5 | ||||
|
حتى لو ما نعرفج بتكونين وحدة منا وفينا
مب لازم اتكونين مشهورة كفاية مواضيعج وتواصلج ويانا المهم تسافرين وتردين لنا بالسلامة وانشاءالله تشفين والسموحة
|
||||
|
03-09-2005, 01:31 PM
|
#6 | ||||
|
بنت الظفره
اختي انتي منا وفينا والله اني ادعيلج انج ترجعين بالسلامه وعسى الله يشافيج ويعافيج من كل شر وعسى الله يحفظك اخوك اوتار
|
||||
|
03-09-2005, 01:47 PM
|
#7 | |||
|
 بنت الظفره اترووحين وتردين بالسلامه حبيبتي واتاكدي انج اخت عزيزة وغاليه علينا وراح نفتقدج في الفتره الياايه بس هذي ارادة رب العالمين وخلي ايمانج بالله قوي لا اله إلا الله العلى العظيم لا اله إلا الله رب السماوات السبع و رب العرش العظيم اللهم إنا نسألك زيادة في الدين وبركة في العمر وصحة في الجسد وسعة في الرزق ونصيبا من الجنة اختج جرووح الحب 
|
|||
|
03-09-2005, 01:47 PM
|
#8 | ||||
|
اسأل الله العظيم رب العرش العظيم ان يشيفك ان شاءالله ويرجعك حق اهلك سالمه وغانمه يارب ...
قال تعالى في كتابه على لسان نبيه ابراهيم : وَإِذَا مَرِضْتُ فَهُوَ يَشْفِينِ (80) الشعراء . الله سبحانه هو الشافي والمعافي ... ادعي الله بالشفاء وانتي موقنه بالاجابه .. اتمنى لك الشفاء العاجل يارب واجر وعافيه ان شاءالله ...
|
||||
|
03-11-2005, 06:11 PM
|
#9 | ||||
|
أشكركم من كل قلبي .. صدق أحس انكم أخواني والله يخليكم يااااااااااااااااااااااارب ..
وتسلمون والله .. أنا باجر مسافره وحبيت أودعكم .. ومن كل قلبي أقولكم أسمحووووولي .. ودعاوتكم لي .. دموع عيني تسبق كلماتي .. بس هذا القضاء والقدر صدق فراق البلاد والأهل صعب بس نحن ما نعترض على حكمة الله .. والله معاكم .. ولا تنسوني .. مش أرجع من السفر وتقولون منو هاي بنت الظفره ما نعرفها .. مع السلامه ..
|
||||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
