|
|
|
|
|
|
||
| إعلانات منتديات ألم الإمارات |
|
|
|||||||
| مجلس الحوار و المقالات مناقشة القضايا الإنسانية والفكرية و الأحداث الراهنة ، يمنع نشر المشاركات المنقولة . |
 |
|
|
LinkBack | أدوات الموضوع | تقييم الموضوع | طرق العرض |
|
#1
03-22-2005, 10:40 PM
|
|||
|
|||
منو السبب ؟؟ موقف حدث أمامي عن المغازل والترقيم !!
السلام عليكم ورحمة الله وبركاته
ماكنت احب ان اول مشاركاتي في هذا المجلس تكون بهاي القصة بس للضرورة احكام بقولكم القصة في البداية ومن عقب بطرح عليكم القضية.. واسمحولي اذا برمس بالعامي .. اليوم انا واختي كنا سايرين المول .. وف محل من المحلات استوت ها السالفه.. حدر شاب سبحان الخالق مابذكر شكله لانه حرام بس بقولكم انه ها الانسان من طلته وشخصيته ولبسه ماتقولون عنه الا انه شيخ او شخصية هامة في المجتمع.. دخل المحل .. واغلب اللي يدشون ها المحل هم من الحريم .. يعني مثل مايقولون فيه صيد وايد .. واعتقد انه اغراض المحل اللي يبيعونها اغلبها شموع وتحف وما الى ذلك من الاشياء اللي تلفت انتباه النساء وغير ها وها فيها مكياج .. صح ما اقول مخصص حق الحريم بس لا .. بس يعني 100% من رواده بنات .. الاخ دخل وشاف مجموعه من العبايات السود واقفين في ركن من اركان المحل يطالعون اغراض يبون يتشرونها .. طبعا راحلهم وبدا يرقم .. الشيخه الرقم ###... وعيد يا الاخو مره وثنتين .. لين ماتييك وحده يمكن هي مع ها الحريم او بروحها بس انتبهت لها الانسان.. وتعالي يا الاخت وسبي الريال وعلي حسج لين ماكل اللي في المحل يو صوبج يشوفون السالفه " انت ماتستحي...., ماعندك خوات...، ماتخيل ..." اوكي من حقج توجهين للريال ها الكلام .. بس عقب ها الموقف ... تخيلوا شكل ها الانسان .. والله انه الواحد يصيح على شكله من القفطه.. صح هو الملام في الاول والاخير .. بس بعد الحرمه هاي مامكانت تروم توجه الريال باسلوب افضل .. في اسلوب للنصيحه.. شو استفادت يوم خلته فرجه للي يسوا ومايسوا.. وهو شو استفاد يوم عرض نفسه لها الاحراج.. اعتقد من عقب اليوم ها الانسان مابيدش المول في حياته .. بس ها الانسانه بصراحه مب اسلوب تتعاملين معا الناس في الشارع بها الطريقة .. اقل مابينقال عنها ان اسلوبها اسلوب حقير + رخيص.. شو الفايده يوم انا سمعت الكل وخليت نفسي عرضه للاهانه.. فرضا ها الانسان مب محترم وتطاول بالكلام عليج.. شو بتستفيدين ساعتها... بصراحه انا طرحت ها القضية ابا رايكم يا الشباب في الاول والاخير ليش تعرضون نفسكم لمثل ها المواقف .. ولاسباب تافهه ورخيصه اقل مايقال عنها محترمه وانتن يا البنات .. ما قول ارمسوا او دافعوا عن انفسكم بس والله الانسان الحشيم اللي يبا الحشمه بيمشي ولا حد بيروم يرمسه.. حتى الريال بيستحي انه يطالع الحرمه اللي صاينه عمرها .. ومسويه حمايه لنفسها.. حتى لو كانت كاشفه ويهها .. ولاتتحرون ان ارمس عن عمري لا والله احمدالله اني ما ظهر من بيتي الا ولابسه النينجا مثل مايسمونه اخواني اللي هو يشبه البرقع السعودي .. بس في فئه الله يعيننا عليها لابستنه بس بلاه احسن والله والسموحه منكم وايد انقهرت من السالفه وقلت بطرحها عليكم وبشوف رايكم اختكم القلب الحزين
|
|
03-22-2005, 11:06 PM
|
#2 | ||||
|
أولا أشكرج على الموضوع الغاليه
وأنا معاج ان اسلوب البنت كان غلط اقل شي كانت تقدر تسويه انها ماترد اصلا يعني تسويله طاف ولا جنه في احد يتكلم هو بهالطريقه بيستصغر نفسه بدال ماتسوي سالفه والكل ينتبه بس هذا مب معناته انه هو مب غلطان لا بالعكس هو السبب في كل هذا لو انه محترم عمره وفي حاله جان محد يقدر يدوس له على طرف والكل يعرف انه الشي اللي سواه غلط فخليه يتحمل اللي صابه والسموحه عالاطاله سلامي rouvana
|
||||
|
03-22-2005, 11:21 PM
|
#3 | ||||
|
مرحبا الغاليه القلب الحزين...
انا بصراحه لو كنت منها.. والله مارد عليه..واخليه يتحرطم لين ما يشبع... وبسير عنه... يعني هيه شوه استفادت غير انها..طلع ماعندها اسلوب في التعامل ..والحوار... وهوه الله يهيديه..بعد..ِوه اللي مخلنه يربع ورا البنات.. الله يهدي اخوانا وشبابنا..وامة محمد اجمعين.. و لاهنتي ختيه القلب الحزين...
|
||||
|
03-22-2005, 11:28 PM
|
#4 | ||||
|
السلام عليكم ورحمة الله وبركاته
الموقف صعب جدا وبصراحة ما اتخيل نفسي اصرخ على شاب افرضي مثلا كان اكثر وقاحة من هذا الشاب واخذ يكيل لها الشتائم هل ممكن ان تتحمل فتاة ان تتبادل الشتائم مع شاب غريب وفي مكان عام !!!! <<<حتى لو انها كانت ملتزمةباللباس الشرعي وعلى حق >> اعتقد انه كان من الافضل ان تتجاهله او تطلب من صاحب المحل ان يتصرف او يستدعي الامن تحياتي
|
||||
|
03-22-2005, 11:58 PM
|
#5 | ||||
|
اختي مشكورة على الموضوع
ترا من ها المواقف الكثير الكثير مرات مش شرط ان وحدة قصدها انها ترد او انها تلفت نظر حد بس مرات يكون من الارتباك وفج غيظ مثل مايقولون وهذا اللي ياه شوي من اللي ايي حق غيره يمسكونه الاداب ويسجنونه وعلى اشياء تافهة الله نجاه وسمع صريخ بس والله فيه من تحقير النفس الكثير الكثير ان ها الشخص ينزل نفسه عشان بنية لاراحت ولايت ويرقمها وشو بيستفيد نار وعار وعضب الجبار ========= بس بعد اختي البنات لهن دور في هذا مش الشرط ان الوحدة لبست عبايتها وشليتها ونقابها خلاص ====== خلها تلاحظ لبسها من راسها الين ريولها شو من المفاتن اللي فيها شنطتها نعالها مشيتها عبايتها الضيق والوسع نقابها وشكله قبل لاتحاسب الريال اللي يغلط عليها تحاسب نفسها بالاول انها اضهرت مفاتنها لها الناس ومن المفاتن [i] =========== عباية الكتف .... الغشوة اللي تظهر اكثر الصدر ..وشفافيتها . حجم الجسم الايدين وبياظهن برع الخواتم مبينة الاقدام مبينة صوت الكعب مسكة الشنطة الشيلة المنقشة واللي كاشفات ها الويه ........ اعتقد الخاطب يوم يخطب اللي يبا يشوفه ويها صح والويه فتنه والله المستعان وربي يهدي الجميع والسمووووووحة
|
||||
|
03-23-2005, 09:43 AM
|
#6 | |||
|
يعني اختي القلب الحزين تبغين الحرمه تشوف الغلط وتسكت اذا انتي بتسكتين عن احترامج جدام الأخرين بس غيرج ما بيسكت ..
اوكيه اذا قلنا ان هالحرمه ماعندها اسلوب في الرمسه وانا معاج في هالشي لان الناس لما بيفرجون على المنظر اكيد بيقولون ان هالبنيه مب محترمه ترد على هالانسان حتى لو سكتت وما قالت شي بعد بيقولون انها مب محترمه ... هاي نظرة المجتمع .. بقولج سالفه صارت لي انا واختي اذكر كنا سايرين ماكدونالز عسب نطلب ونروح البيت على طول عقب ما تشرينا من المركز .. المهم يوم كنا في المكدونالز اشوف واحد ورايه يالس يرقمني .. وانا من عادتي اني ما ارمس ولا ارد على السفهاء امثال هالشباب الفاضين اللي لا شغله ولا مشغله .. اختي من نوعها عصبيه يعني ما تسكت اذا شافت الغلط .. على طول صدت صوبه وقالت له بصوت شوي هادي عسب محد يتم يبحلق عينه .. وانتي تعرفين زحمة ماكدونالز جيف .. المهم قالت انته ما تستحي على ويهك .. شو ماعندكم خوات شو ماعندكم ام .. شو مب متربين .. جان يرد عليها الولد:والله انا مب قصدي شي .. بس عجبتني ورقميتها اختي جان ترد عليه : حلوه هاي ..جيه تتحرا الدنيا فوضه يالله فارجنا .. والولد مب طايع يروح .. يعني بالذمه منو الغلطان اكيد الشاب لانه الحين الشباب صاروا ما يخافون من شي .. عيل من فتره كنت سايره مع اخوي وخواتي الكبار القريه ..تصدقون اني كنت اتمشى انا واختي واخوي كان جدامنا .. ياهل ياي صوبي يالس يقولي خذي هذي الورقه جان اشوفه وانا ماعرف شو السالفه قلت له شو تبغي وقالي خذي الرقم جان اقوله رقم شو جان يرد عليه بوقاحه اتصلي بنتسلى بالليل تخيلوا ياهل جذي يرمس بكل وقااحه جان اقو سير كبر عمركم بعدين تعال يهال آخر زمن .. واخوي مايدري شو السالفه يتحسب ياهل يبغي شي ولا ضايع .. عقب ما هزبت هالياهل جان يقولي هذا مب رقمي رقم عمي تخيلوا يطرشون يهال عسب يرقمون البنات بدل ما يعلمه احترام الأخرين قام يعلمه على المغازل وهالسلعات الرخيصه .. الحين من الغلطان الحرمه اللي تدافع عن نفسها ولا الريال اللي ماعنده ضمير يغازل بنات الناس .. من حقها الحرمه تعصب على واحد تنفت منه الكرامه يستاهل ويهه يصير قد النقطه من القفطه ... اذا نحن سكتنا وغيرنا سكت اكيد هالشباب بيتمادون في هالتصرافات من حق الحرمه تعصب وان شاء الله تلم الناس على كشت هالريال اللي ما يستحي ولا عنده ضمير حتى لو ويهه اتسوى قد النقطه من كثر الفشيله .. عسب يودر هالحركات الصغيره مالت اليهال المراهقين .. عيل هو يفضح المسكينه على شي هي مالها ذنب فيه وتبغين الحرمه تسكت خله يتقفط مشكلته عيل لا يفضح بنات الناس لانهن بنات عرب واصل .. وعسيب هالحركات المراهقيه .. اللي تفضح هله هم مايرضونها على خواتهم جيف يرضونها على بنات الناس .. بروحهم شو يسون يوم خواتهم يطلعون يوم يشوفون بنات الناس يتخبلون ترا خواتكم بعد بنات اكيد شباب غير يغازلونهم يوم يطلعون ماتروضنها على هلكم ولا خواتكم ليش ترضون على خوات الغير حتى اخو هالبنت اللي تبغي ترقمها ريال يقدر يسوي شرات ما انته تسوي يوم تشوف واحد يتعرض لخواتك اصلا هالحركات عيب واحد محترم من عايله معروفه بأدبها واحترامها جذي يسوي جيه نحن وين عايشين في اوروبا عسب البنيه تطلع من حشمتها وادبها وترمس شباب ولا هذي الحين الحضريه .. اللي تسود ويووه العوايل المتربايه ... مشكوره اختي |
|||
|
03-23-2005, 10:28 AM
|
#7 | |||||
|
اقتباس:
ما اتفق وياج اختى ....اسلم للبنت اذا تعرضلها اى حد انها اطنش واطوف .. لانها اذا لاسنت وخذت وعطت .. راح تفتح مجال ويالمغازللجى لللاخذ والرد ..(انت قلت انتى سويتى شوفي شولابسة ماتستحى لا انتى اللى تستحين .).............. اشو لها بعوار الراس تسكت عنه واطنش ... وترا اخرتها هو بعد بيطنشها وبيسير ايدورله على صيده يديدة .... بالعكس انا من رايي انها يوم بتحقرة بتحشم عمرها اكثر ..... ولاتقولون انه بس اللى كاشفة عن ويها ايغازلونها يبوكم حتى المنقبات واللى متسترات مايسلمن .............. ليش ماادري انزين عنبوه مااتشوف منها شئ .. ماتدرى اشو شيفتها بس بعد لالالالالالالالالالازم ايغازل ...القضية مب قضية ساترة والا كاشفة عمرها ولاهى قضية حلوة والا خسفة القضية قضية تسلية+تكملة عدد+وتضييع وقت والسمـــــــــــــــــــــوحة منكم
|
|||||
|
03-23-2005, 12:26 PM
|
#8 | ||||
|
..
لا حول ولا قوة .. .. انا الصراحه .. افضل انه اي بنت تتعرض لهالمواقف .. انها تطنش .. كم بيلحقها يعني ؟؟ طول الوقت ؟؟ مستحييييييييل .. اصلا الولد .. يحوط له دورتين على الصيده اللي طاحت عينه عليها .. ان تفاعلت وياه .. ما خاز .. ولا هي صخت .. وان لبسته .. ما بيتم لاصق .. لانه بيسير يدور له بديل عنها .. والبنيه اللي تحشم عمرها .. تتغشى ع الاقل .. وما اتكشخ جنها سايره عرس .. محد بيي صوبها .. والصراحه هم يمرون .. لانه المهم عندهم صيده .. لكن المثل يقول .. طنش تعش تنتعش .. طنشوهم وانتهى الامر .. .. وبالنسبه للموقف اللي طرحتيه عزيزتي .. هالحرمه الصراحه .. موقفها كان غلط .. المفروض تسكت وتطنش .. مب تعلي صوتها .. وتفضح الريال .. حتى لو غلط .. هالمواقف .. ما يبالها حد يضاربهم .. ويرد عليهم الكلمة بعشر .. !! .. تسلمين الغاليه على هالطرح الطيب ..  .. دمتمـ بود .. .. نور القمـــر .. ..
|
||||
|
03-23-2005, 05:32 PM
|
#9 | |||
|
السلام عليكم
مشكوره اختي على الموضوع ....طرحتي قضيه مهمه!!! مثل ما قالن خواتي البنت اللي تحشم وتلبس لبس حشيم هي اللي ما بتتعرض لهذي المواقف بس المشكله ان الشباب قاموا يلحقون المتغشيه والمنقبه واللي ساتره عمرها ....صدق انهم ناس فاضيين ...وما عندهم شغله ....اكثر اوقاتعم يحوطون في المولات ويرقمون البنات الله يرحمنا برحمته (غريبه ما سمعنا رأي الشباب لين الحين) الفصول الاربعه |
|||
|
03-23-2005, 06:11 PM
|
#10 | |||||
|
اقتباس:
انا ما انفي غلط الشاب بس بعد هي غلطت وطولتها وهي قصيره وهو يستاهل ماياه ماقولج مايستاهل بس العتب على البنت صح ان الضغط يولد الانفجار بس اتخيل شكلها لو زودها ها الريال معاها وطول لسانه شو بيكون موقفها ومشكورة اختي على حضورج وردج وتمنياتي لج بالتوفيق اختج القلب الحزين
|
|||||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
