|
|
|
|
|
|
||
| إعلانات منتديات ألم الإمارات |
|
|
|||||||
| مشاهدة نتائج الإستبيان: تقيم مستوى الكاتب: Emaraaaaty | |||
| ممتاز |
   
|
91 | 72.22% |
| جيدجداً |
  
|
31 | 24.60% |
| جيد |
  
|
4 | 3.17% |
| المصوتون: 126. لا يمكنك التصويت على هذا الإستبيان | |||
 |
|
|
LinkBack | أدوات الموضوع |
التقييم: 
|
طرق العرض |
03-24-2005, 02:39 AM
|
#1 | |||
  
|
موضوع الإسبوع للكاتب: Emaraaaaty
السلام عليكم ورحمة الله وبركاته أول بادي أبارك لكم إفتتاح المجلس الجديد وإن شاء الله من خلال هالمجلس نقدر نناقش مواضيع القصص ويكون في توجيه للكاتب بحيث تصبح القصص ذات هدف ومضمون يخدم المجتمع ويستفيد الأعضاء من طرح الملاحظات والأخطاء اللي يمر فيها الكاتب .. وضيف الاسبوع الكاتب: Emaraaaaty محور راح نتكلم عن أخطاء الكاتب اللي مر فيها أثناء تجربة مع كتابة القصة كما سيتم التطرق إلى قصص الكاتب وذكر الأخطاء والملاحظات فأتمنى من الأعضاء عدم التردد في طرح النقد البناء والهادف والتخلي عن إسلوب المجاملات ومناقشة الكاتب بروح الحب والإخاء للإرتقاء بكُتابنا للمستوى الأفضل والأحسن إن شاء الله .. قصص الكاتب: -----------صفحه الم 06-01-2003, 06:50 AM صفحه الم ----------- أه يا زماني 05-05-2003, 06:00 PM أه يا زماني ----------- بدايـــــ النهــــايــــــه ـــــــه 07-23-2004, 04:28 PM http://www.alamuae.com/vb/showthread.php?t=84069 ----------- Emaraaaaty المنحوس 04-16-2004, 05:56 PM قصه Emaraaaaty المنحوس (حقيقيه واقعيه من معانته في الغربه) ----------- بإمكان الأعضاء مناقشة أي وجهة نظر أو طرح أي نقد بناء على القصص السابقة بحيث يتم الحوار والنقاش مع الكاتب Emaraaaaty بهدف تصحيح الأخطاء إن وجدت كذلك بإمكان العضو تقيم الكاتب وإختيار أحد الخيارات الثلاث ( ممتاز ، جيدجداً ، جيد ) .
|
|||
|
03-24-2005, 03:20 AM
|
#2 | |||
|
السلام عليكم ورحمة الله وبركاته أخوي Emaraaaatyأول بادي أحب أشكرك لقبولك الدعوة وإن شاء الله الكل يستفيد من الحوار والنقاش معاك عن نفسي ما راح أطرح عليك وجهة نظر أو نقد لأني وبصراحه ماقريت لك قير قصة وحده واللي هي قصة : صفحه الم وماشاء الله كانت القصة في المستوى المشرف فإن وجد فيها أخطاء أو ملاحظات أكيد الأعضاء مابيقصرون بطرحها لكن عندي بعض الملاحظات أو خلنا نقول الإستفسارات واللي أحب أطرحها عليك من خلال الموضوع .
هذا اللي عندي الحين ولي عوده بمجموعة ملاحظات أخرى بس إن شاء الله غيري ما راح يرحمك يالدب  الرجاء عدم المجاملات بشكل نهائي النقد البناء والملاحظات وطرح الأخطاء مطلوب ردود المجاملات والشكر سيتم حذفها الرجاء البحث عن الجدية
|
|||
|
03-24-2005, 04:34 AM
|
#3 | |||
  
|
بسم الله الرحمن الرحيم
اخي اماراتي كتبت في تواجدك بين صفحات الم الامارات 4قصص ( ماشاء الله ) فهل انت راضي عن نفسك؟؟ وهل تعتقد بانك في قصصك قد اديت واجبك على اكمل وجه؟؟ قصة صفحة الم .. ابنتك الصغيره هذه القصة منذ ان سجلت في المنتدى وهي تواجهنني بعيني الاتهام لاحساسي بالذنب لعدم انهائها ولا اعلم لماذا اتحدت مع هذه القصه اتحاد عجيب.. كانت لك الماء والهواء.. فما هو حالك من بعدها؟؟ ولماذ اخي دائما ما تلجا الى الشر والجريمه والافكار المخيفة في اجزاء قصصك؟؟ ولي عوده بالمزيد من المناقشات والحوارات .. تقبلها بصدر رحب تمنياتي لك بالتوفيق اختك القلب الحزين
|
|||
|
03-24-2005, 06:39 AM
|
#4 | ||
 
|
السلام عليكم
احب اشكر ابونا الم على هالمجلس ياللي راح يساعد الكل على انه يقول ياللي في خاطره للكاتب | الكاتبه ويا سعد من يكون اهني لانه بوصوله اهني يكون يعرف انه تحت المجهر وانه ما عاد فيه نفاق ولا عاد فيه رياء مثل ما يسوون بعض الاعضاء . وبعد احب اشكر اخوي اماراتي على سعه صدره وانه قبل بالمقابله ياللي يدري انه اكثر الاعضاء بيطيحون عليه واتمنى انه ما يحط في خاطره علينا لو نقول الصدق له واتمنى انه ما يزعل ويخذ النقد ياللي بنقوله بروح رياضيه وانا نشوف له المزيد من بداعاته اخوي اماراتي احب اول شي اشكرك على تعبك وعلى المجهود ياللي تبذله لنا في كتاباتك وادري اني ما قد رديت عليك وانه هذا اول موضوع ارد عليه في هالقسم رغم اني ضيف عليكم من زمان تقريبا من سنتين وانا مسجل بس يوم شفت انه الموضوع فيه لقاء معاك احببت اشارك واقول ياللي في خاطري وابري ذمتي قدام الله وخلقه واتمنى منك اخوي ما تزعل ولا تحط في خاطرك واتمنى انه النقد ما يحبط من معنوياتك اخوي ..وتناقشنا .. لاننا في مجلس لا نفاق .. ولا مجاملات فيه مثل ما قال الم .. اماراتي عندي كمن سؤال احب اقولهم لك ويا ليت تجاوبني بصراحه وتتقبل نقدي بكل طيبه قلب • انا راح اعلق على قصه صفحه الم ياللي قريتها لك بس ابا اعلق على قصه( اه يا زماني) اول شي اه يا زماني : عندي نقطه بسيطه يا ليت يا مبارك تبرد خاطري وتقولي. في موقف في القصه انته كتبته وكان الصراحه صدمه ليه وخصوصا انك من الكتاب ياللي يحبون يحافظون على العادات العربيه الاصيله والموقف كان لما خاطره طلعت صدمت محمد بالغلط ونوره اخته كانت معاه ويلست تبكي قدامه. امارتي : ممكن تشرح لي ليش كتبت هالموقف !!! رغم انك تقدر تتفاداه بمليون طريقه وعندك الف موقف تقدر تكتبه ليش بالذات خليت محمد يتعلق بخاطره بهالطريقه ياللي صارت رخيصه !!!!؟؟؟ هذا كان بالنسبه لاه يا زماني لانها بكل اختصار هيه اولى بداياتك في عالم الكتابه والحين ببدى في كمن نقطه في قصه صفحه الم اول شي احب اهنيك على هالقصه واقولك انك اسرت قلوب الناس ودخلت قلوبهم وبيوتهم بدون استأذان وانا واحد منهم بس اماراتي فيه اغلاط كثيره انته غلطتها منها : - حياه شوق مع ميثا واعيالها (هل هذي حقيقه وتصير ) - حياه سعيد مع امه في بيت ميثا كيف تبرره رغم انه شخص غريب عنهم وغير محرم ليش انته سويت هالشي في قصتك رغم انك تدري انه غلط ليش انته خليت سعيد يعيش فتره في بيت مطر (على ما اظن هذا اسمه) وشو الحكمه من هالشي في نظرك - وصفك الابطالك كان يطغى عليه طابح الوصف الحسي والكل على ما اظن قالك انك خليته شي اساسي في قصتك صفحه الم ممكن تناقشني في هالنقطه!؟ - فيه غلطه لاحظتها وهيه منتشره في كل المنتديات وهيه الغلطه ياللي انته غلطتها وياللي هيه انه شوق طلعت من الاربعين وهيه حامل وهذا غلط شرعي يا اخوي ليش ما حاولت تتفاداه قبل لا احد ينقله لمنتديات ثانيه وتحط الاثم عليك . هذا ياللي عندي الحين وليه رجعه لك اخوي اماراتي اتمنى من الله انك ما تزعل او تحط في خاطرك وتأكد لو اننا ما نعزك ما طلعنا نقاط في قصصك وبدينا نناقشك فيها ويا عساكم على القوه التعديل الأخير كان بواسطة : أخت ألم بتاريخ 07-21-2007 الساعة 01:11 AM. |
||
|
03-24-2005, 09:14 AM
|
#5 | |||
|
السلام عليكم
الله يعطيكم العافية على المجهود اللي تبذلونه... اخوي اماراتي... بالنسبة لقصصك عندي كم ملاحظة ... اه يا زماني كنت تكتب بالعامي وفجأة تقلب فصحى...مادري انت كنت متعمد هالشئ ؟الاسلوب كان غريب شوي في هالقصة  وفي صفحة الم... بالنسبة لعبدالله لما قتل الخدامة...صراحة احس انه موب واقعي الموقف...مادري يمكن لاني موب متخيلة ان في حد ممكن يقتل بهالبساطة...واحس انه بهالموقف كنت تبي القراء بالغصب يتعاطفون مع عبدالله...شو رايك؟ وبالنسبة لطول الاجزاء..برايك اتشوف انك اتطول وايد في الوصف وتصوير المشاهد؟ ولو انك عدت كتابة صفحة الم هل كنت بتختصرها او بتحذف اشياء منها بس لان البعض يشوفها طويلة وايد؟ بصراحة كرأي شخصي احس ان في فقرات تتضمن فكرة وحدة لكن انت تستخدم اكثر من جملة عشان اتوضح هالفكرة...يعني لو اكتفيت بجملة كان وصل المعنى...فهل انت تتعمد الاطالة؟ وبرايك هل المواقف الحزينة اهي اللي تحبب القراء في الشخصية...فارس في صفحة الم وغبيشة في بداية النهاية؟ يعني اتحس ان لو حياتهم مأساوية هالشئ بيخلي الكل يتعاطف وياهم وبينجذبون للقصة بهالشكل؟ والسموحة  والله يوفقك ان شاء الله...
التعديل الأخير كان بواسطة : أخت ألم بتاريخ 07-21-2007 الساعة 01:12 AM. |
|||
|
03-24-2005, 10:48 AM
|
#6 | |||
|
i will be back tomorrow .. i don't know what the problem with my Keyboard..
but i promise i will be back with all the answers .. yours Emaraaaaaty
|
|||
|
03-24-2005, 11:48 AM
|
#7 | |||
|
الأخ الغالي : ناصر
شكرا على خطوة النقد الجريئة وبلا نقد لا تطور ... وكما قلت فإن النقد يجب أن يبتعد عن المجاملات ولكن ايضا احبذ ان يثبت في مجلس النقد البناء مقاييس نقد القصة .. لان القصة فن أدبي له عناصره ومقاييس نقده ورغم اني لست مشاركا في منتدى القصة بكثره رغم كتابتي لها .. واحتفاظي بعدد من القصص لكنني ايضا لا اميل الى كتابة القصة باللهجات وأرى ان يكون هناك قسم للقصة كفن راقي يكتب بلغة عربية فصحى ... اما بخصوص نقد قصص الاخ اماراتي فانا قد مررت على قصة المنحوس ... ولم الحظ فيها فن قصصي بقدر ماهي حكايات او مذكرات يوميه وربما قصد منها الاضحاك اضافة الى انه لم يعتمد اللغة العربية الفصحى في السرد واحس كذلك بتفكك الاجزاء اي ان الروابط الداخلية في القصة غير متماسكه ... واذا عرفنا ان القصة فيها عقده تصل الاحداث فيها الى ذروتها وبعدها نبحث عن لحظات التنوير وحل العقدة .. فانني لم اجد شيئا من ذلك هنا ... لست هنا محاربا للاخ اماراتي .. فانا هنا ادعوه الى ان يطور مستواه بالقراءة للقصص والروايات ودراسة القصة كفن ... واذا كان يهواها فسيبدع ... وليبتعد عن محاولات الكتابة الاعتيادية .. التي لاتحفز القارئ لمتابعة القصة حتى نهايتها .. واتمنى لكاتبنا الاخ اماراتي الارتقاء ومشوار الالف ميل يبدا بخطوة صغيره لكم ودي نهر الشوق
|
|||
|
03-24-2005, 12:09 PM
|
#8 | |||
|
بسم الله الرحمن الرحيم..
السلام عليكم ورحمة الله وبركاته نشكر الأخ الأستاذ ألم الإمارات على هالمجلس البناء واللي يبين مدى اهتماام الراعي لمصلحة الكتاب في هالمنتدى.. يعني الاطراءات المزيفة واللي ما منها فايدة راح تنجلي وتبين افكار الناس عن هالموضوع..<< ياليت ما يحطوني لاني بنوكل بثيابي ... best of luck emaraaaaty وكل اللي عندي اياااه سؤال واحد... قصتك صفحة ألم عاشرناها وقرينا فيها الروعة والسير الهاديء .. بس يوم ييت اقرى النهاية لقيتها مسرعة... اتظن ان خطوتك هذي كانت صحيحة؟؟؟ لاني والله اتمنى اذا القصص كانت تمشي بسير هادئ انها تنتهي بهدوء.. السرعة تجلب الندامة.. وهذا كل اللي عندي ايـــــاه من نقد... توقيعك عجبني صراحة..
|
|||
|
03-24-2005, 01:11 PM
|
#9 | |||
 
|
السلام عليكم و رحمة الله و بركاته ..
شحالك الشيخ ..؟؟؟... ربك الا بخير ...؟؟؟.. ربي يعينك ... بينتفون لحيتك  .. هههههههههههههههههههههه .. حبيت اني اسلم عليك طويل العمر .. و عندي بس استفسار بسيط .. انت كتبت حول 3 قصص و حاليا تكتب فالرابعه .. ما تشوف نفسك اتطورت من اول قصه لرابع قصه ..؟؟.. يعني اسلوبك ما تشوفه تطور عن قبل ..؟؟؟.. يعني انت ما تنتقد نفسك من قبل لا غيرك ينتقدك ...؟؟؟..  بصراحه .. اسمحلي الشيخ .. بس ماعتقد انك انت بالذات من بين كل كتاب و الا اعضاء ألم الي بتلقى حد ينتقدك .. فليش حطيت نفسك فهالموضوع ..؟؟؟..  بكل صراحه .. انت الشخص الغلط فهالموضوع .. كان المفروض اييبون غيرك من الي المفروض انهم من كتاب القصص فهالمجلس .. (( بتتكنسل الويزه اللحين  ))و اسمحلي طويل العمر جني الا غثيتك و الا زليت عليك بمزله الشيخ .. و يا مرحبا الساااااااااع ملايييييييييييييييين وزووووووووود .. ختك الصغيرونه ..  منطوق_قلبي
|
|||
|
03-24-2005, 04:58 PM
|
#10 | ||
|
بصرااااااااااحه الله يعين انا دخلت الموضوع علشاني قريت صفحة الم للكاتب المبدع اماراتي, و ما كنت اتوقع انك بتتلقى هالقد انتقادات بناءه
انا اكثر شي لاحظته انه اسلوبك معظمه وصف (عيون و وجه و طول و عرض....) ولغتك اللي شوي كانت (كيف اقولها) اممممممممممم ........ هييه فيها غلط هجائي (اسمحولي ما اعرف اعبر بالعربي وايد) المهم غير الاملاء , نهايه القصه كانت سريعه و ما اعرف... ما توقعت انه سعيد بياخذ ساره و هو ما يحبها بس عناد في هند و تضحيه منه... و خليفه (رفيج سعيد الروح بالروح) كيف ممكن ياخذ اللي يحبها رفيجه (سعيد) فهمت شو اقصد ؟؟؟ و ما حبيت وجود سعيد في بيت مطر ولو لفتره قصيره النهايه مووووووووول ما قنعتني سريعه و عبد الله ما كان لازم يطعن الخدامه يعني ما توصل لدرحة القتل اتمنى اني ما غثيتك و سلاااااااااااااااااااامي نجوم الظهر |
||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
العرض العادي
