|
|
|
|
|
|
||
| إعلانات منتديات ألم الإمارات |
|
|
|||||||
| مجلس الحوار و المقالات مناقشة القضايا الإنسانية والفكرية و الأحداث الراهنة ، يمنع نشر المشاركات المنقولة . |
 |
|
|
LinkBack | أدوات الموضوع |
التقييم: 
|
طرق العرض |
|
#1
03-24-2005, 11:45 PM
|
|||
|
|||
شو رايكم بطلعة البنية ويا ربيعاتها.....
================
السلام عليكم و رحمة الله و بركاته..... شحااااااااالكم ؟؟؟ بصراحه انا حابه اناقشكم اليوم بموضوع ....و اتمني اعرف رايكم بصراحه...  .الموضوع الله يسلمكم هو.....  طلعة البنية ويا ربيعاتها (يعني شلة بنات).... سواء كانت للسوق ، او للأماكن الترفيهيه.... هل تؤيد او ما تأيد هالشي؟؟؟ سؤالي للشباب.... هل تأيد انه اختك او حرمتك تطلع ويا ربيعاتها السوق او الأماكن الترفيهي؟؟؟ اذا كنت ما تأيد ليش؟ اذا شفت شلة بنات في الموول او في حديقة شو بيكون انطباعك عنهن؟؟؟ سؤالي للبنات... تفضلين تطلعين ويا ربيعاتج و الا ويا الأهل و ليش؟؟ هل يوافق اهلج على طلعتج ويا ربيعاتج؟؟ و اذا ما يوافقون شو السبب؟؟؟ في انتظار ارائكم....  =============
|
|
03-25-2005, 02:38 AM
|
#2 | ||||
|
مشكورة اختي دنيــا على طرحك لهالموضوع
من ناحيتي انا احب اطلع مع الاهل واحب اطلع مع الصديقات لكن احيانا افضل طلعة البنات لسبب: انه ما عندي اخت واطفش لما اطلع مع اهلي لاني اكون لوحدي والاحظ ان اهلي يوافقون اني اطلع لاسباب _ ماما تعرف امهات صديقاتي اللي اطلع معهم _اللي اطلع معهم صديقات اعرفهم من زمان علاوة على الاحترام اللي يتمتعون فيه في المحلات العامة _____ واولا واخيرا لان الاهل يشوفون سلوكياتي و نظرتي للمواضيع هذا يخليهم يعطوني الثقة (( طبعا تجي الوالدة طلعات وماتوافق علي اطلع ؛؛؛؛ لكن انا اعرف من خوفها علي .. الله يحفظها تخاف علي :: واغلب نقاشاتنا على هالخوف لاني ما عدت صغيرة عشان تخاف علي كذا )) نظرة للموضوع بشكل عام .. ارى ان البنت تطلع او ماتطلع يتوقف هذا على حسب طبيعة البنت و احترامها للثقة لكن ما يعني هذا ان البنت اللي ما يوافقون لها اهلها تطلع ان اهلها غير واثقين فيها قد يكون خوف عليها وليس عدم ثقة
|
||||
|
03-25-2005, 03:03 AM
|
#3 | ||||
|
هلا ختيه..
اولا مشكوره على هالموضوع..اللي لفت انتباهي.. بصراحه وبكل صراحه... انا هليه مايخلوني اسير واطلع مع اربيعاتيه..معنهم واثقين فيهن وفي اخلاقهن..وخوان اربيعاتي ربع اخواني..والحمدالله..ماشي اي مشكله.. يمكن لانهم يخافون عليه..لاني البنت الوحيده.. وبعد العادات والتقاليد وااااايد تأثر في الانسان..يعني عادي اربيعتيه تطلع معايه انا وهليه يوم بنكون سايرين مكان.. بس انا ما اقدر اسير فيا حد..من اربيعاتي... بس شي واحد يخلوني اسويه..واني اسير بيت اعز اربيعه عندي..وهيه تي بيتنا..وطبعن ما اسير غير برضا هليه.. وما يخلوني اسير بيت حد من اربايعيه..غير اربيعتيه وايد اللي تظهر معايه..في السنه مرتين او3 مرات اسير الها.. وهيه تبني بعد 3 او 2 في السنه..وهاي الوحيده اللي وايد معايه..ومايخافون عليه يوم اكون عندهم.. وحتى يوم تظهر معايه انا وهليه...مانسير اللى القريه العالميه يوم الحريم..يعني مكان للنساء فقط.. ولا ماتسير معايه مراكز..او حدايق..يعني اماكن مختلطه مانظهر مع بعض.. ومره وحده خلوني اسير اسلم على وحده من اربيعاتي اللي اعزهن وايد..قبل عرسها سرت اسلم عليها..لمدة 2 ساعتين بس..واخويه مودني..وهوه اللي يايبني.. وعادي...صح بعض الاحيان احس بالظلم..لاني ما اقدر اظهر مع اربيعاتيه..بس اغلب الاوقات يوم ارد افكر بيني وبين نفس..اقوول الحمدالله رب العاليمن..اللي هليه يحبوني ...ويخافون عليه..وان اخواني يغارون على اختهم.. وانا بصراحه بصراحه..ما احب اني اشوف لمت بنات مع بعض في مركز..او في حديقه عامه ومختلطه..لانهن بها الطريقه يلفتن النظر الهن..والشباب عاد حدث ولا حرج..يتريون يشوفون بنت.. ولو هالبنات مب قصدهن شي.. بس الشباب ونظرتهم.. وانا رمست بصراحه..لان الموضوع شدني... والسموحه لاني وايد طولت...
|
||||
|
03-25-2005, 10:54 AM
|
#4 | ||||
|
مررحبا اختيه دنيا الوله...
تسلم يمناج ع الموضوع اللي طرحتيه.. انا من ناحيتي ما عندي اي فرق بين اني اظهر مع ربيعاتي و لا هلي ... بس يمكن تكون الظهرة ويا شلة بنات احلى لانهن بيكونن كلهن من نفس السن و فاهمات بعض اكثرمن الظهرة ويا الاهل لانه يمكن ما يكون موجود معاي حد من سني ... و الاهل ما يعارضون ظهراتي و يا ربيعاتي بالعكس فهم يشجعوني بس بحدود و اماكن معقولة و لي وقت محدد للطلعة و لازم ما اخلف فيه و طبعا لازم تكون الظهرة بمحرم موجود ويانا لكن مب فكل مكان .. وهلي يعرفون ربيعاتي و طبايعهن بالاضافة لمعرفتهم لاهاليهن ...و الثقة موجودة بينا و بين الاهل لكن هذا مب كل شي فالحياة لان يمكن هاذي الثقة اللي تضيع البنية بس مب اي ثقة لان الثقة العميا هي سبب الدمار و لكنو الحمدلله انا نحن ما نتعدى الحد الفاصل اللي نتنبه عليه قبل كل طلعة.. و على هذا كله ظهراتنا تكون بين فترات متقطعة و بعد اشهر ...يعني مب حلوة البنية تظهر كل يومين و الا ثلاثة و يا ربيعاتها لان رمسة الناس ما ترحم..
|
||||
|
03-25-2005, 11:16 AM
|
#5 | |||||
|
اقتباس:
وعليكم السلام ورحمة الله وبركاته بصراحة الموضوع فنان من الدرجة الخامسة ...... يعني يستاهل خمس نجوم ولو صواريخ يكون أحسن .. نأتي على الأجابات ... هل تؤيد .......................... لا أويد  اذا شفت شلة بنات شو بيكون انطباعي .................. يعتمد اذا كان معاهم معسل أو دخان مالبورو أو دخان بالنعاع يمكن نعسل معاهم ونأخذ سيجارة ومشي حالك ...  يارب سترك 
|
|||||
|
03-25-2005, 11:43 AM
|
#6 | ||||
|
ما فيها شيء واسمحي لي عزيزتي اجاوب على اسئلتك
تفضلين تطلعين ويا ربيعاتج و الا ويا الأهل و ليش؟؟ مع الاثنين.. عادي ما تفرق، كلهم استانس بطلعتي معهم، احب اطلع مع اخواني واخواتي ونفس الوقت احب اطلع مع ربيعاتي هل يوافق اهلج على طلعتج ويا ربيعاتج؟؟ و اذا ما يوافقون شو السبب؟؟؟ هيه يوافقوا لأنهم يعرفون ربيعاتي واسمحي لي اختي اجاوب على هالسؤال مع انه خاص بالشباب اذا شفت شلة بنات في الموول او في حديقة شو بيكون انطباعك عنهن؟؟؟ بالنسبة لي الحكم على هالبنت يعتمد عليها، يعني مثلا لو وحدة طالعة وضحكاتها ويا ربيعاتها لاخر المول وكل تصرفاتها تقول انها طالعة عشان تتظاهر اكيد بيكون الانطباع سيء بس اذا الوحدة طالعة ويا ربيعاتها وماشية باحترام وكل هدفها انها تغير جو ويا ربيعاتها من غير ضحكات مالها داعي وتمايل في المشي اتصور بيكون الانطباع جيد انا مؤمنة بالمثل القائل " امشي عدل يحتار عدوك فيك" وشكرا عزيزتي على الموضوع
|
||||
|
03-25-2005, 01:05 PM
|
#7 | ||||
|
مرحبا اختى دنيا الوله ... موضوعج خطيييييير
 طلعة البنية ويا ربيعاتها (يعني شلة بنات).... سواء كانت للسوق ، او للأماكن الترفيهيه.... هل تؤيد او ما تأيد هالشي؟؟؟ عادي وما فيها شئ اذا كان بعلم اهلها وبمعرفة اهلها للبنات اللى معاها ... بشرط ماتكثر هالطلعات لانه كل شئ زاد عن حدة انجلب ضدة تفضلين تطلعين ويا ربيعاتج و الا ويا الأهل و ليش؟؟ مع الاثنين ...ماتفرق ...هذى حلوة وطلعات الربيعات بعد حلوة هل يوافق اهلج على طلعتج ويا ربيعاتج؟؟ و اذا ما يوافقون شو السبب؟؟؟ مايعارضون .. لعدد من الاسباب .. سبب الطلعة , معرفتهم بالبنات , والاهم معرفتهم وثقتهم في بنتهم وبرز ويهي وبجاوب عن هالسوال بعد اذا شفت شلة بنات في الموول او في حديقة شو بيكون انطباعك عنهن؟؟؟ على حسب تصرفات هالمجموعة .. اذا كانن حاشمات عمارهم محد يتعرضلهم ولا بياخذ فكرة مب زينه عنهم .. والعكس صحيح والسموحـــــــــــــــــــــــــــة
|
||||
|
03-25-2005, 07:42 PM
|
#8 | ||||
|
اختي
:: دنيا الوله :: وعليكم السلام ورحمة الله وبركاته.. طلعة البنية ويا ربيعاتها (يعني شلة بنات).... سواء كانت للسوق ، او للأماكن الترفيهيه.... هل تؤيد او ما تأيد هالشي؟؟؟ سؤالي للبنات... تفضلين تطلعين ويا ربيعاتج و الا ويا الأهل و ليش؟؟ طبعا ويا ربيعاتي او اهلي من البنات اللي في عمري.. ما ادري ليش مااحب اطلع ويا اهلي الكبار احسهم يمللون.. هل يوافق اهلج على طلعتج ويا ربيعاتج؟؟ و اذا ما يوافقون شو السبب؟؟؟ لا ماشي مرة قالوا لي لا.. اصلا انا ما اقول حق احد لما اطلع.. تسلمين اختي على الطرح.. تحياتي
|
||||
|
03-25-2005, 08:03 PM
|
#9 | |||
|
السلااااااااااام عليكم و رحمة الله و بركاته
شحااااااااااالج غناتي ؟؟ ربج إلا بخير !! بالنسبه لموضوعج الغاوي و المهم بنفس الوقت .. انا بصراحه ما اايد هالشي نهائيا .. يعني هيه ليش تبغي تظهر ويا ربيعاتها .. وشو السبب اللي يخليها تفضل سيرتها ويا ربايعها .. الغاليه انا لي تجربه خاصه في هالموضوع انا ما عمري ما ظهرت إلا ويا امايه او اختيه العوده و طبعا بنسير ويا الوالد او واحد من اخواني يعني ويا ريال .. ومره ظهرت و يا بنت اختيه وبيني و بينكم و الله ثم والله كرهت حياتي من يوم ما ظهرت من البيت لين ما رديت .. اول شي الشباب ما يصدقووون يحصلون بنات ارواحهن .. وغير جذه انا من النوع الخواااااف وايد .. بيني و بينكم تم بطني يعورني كل ما يطوووف عدالنا واحد .. يعني الوحده منا ما بتحس بالراحه و هي ظاهر ويا شلة بنات (( ربايعها )) اكيد بتحس انه في شي غلط .. و إذا صار شي هب زين لا قدر الله من بيكووون وياها غير ربايعها يعني من بيدافع عنها .. وغير جذه كيف بتكوون نظرت الشباب لهل البنيه .. انا اسمع اخواني شوو يقوولووون عن هالبنات و ما احب اي حد يقووول عني هالرمسات بصراحه انا ما اايد هالشي نهائيا واسمحووولي على الإطاله خويتكمــــ ميثاني |
|||
|
03-25-2005, 10:21 PM
|
#10 | ||||
|
موضوع متميز تبين الصدق
بالنسبه لي أنا أنا اجوف أنه ما فيها شي البنت اذا ظهرت مع ربيعتا للاماكن الترفييهيه المخصصه للنساء في حالة ان اهالها موافقين و متقبلين هالشي و البنت تكون حاشمه عمرها و حافظة غيبة اهلها وثقتهم فيها و سالفة انها تطلع مع ربيعاتها للسوق هاي شوي فيها تحفظ انا ما اجوف في الها حايه تروح مع ربيعتاها السوق اذا كان في حد يقدر يروح معاها بالنسبه لزيارتها لبيت صديقتها ما اظن ابدا ان فيها شي خصه لو كانوا الاهل يعرفون البنت و اهلها و محد بيفج راس بنته تروح عند ربايعها اذا هو هب عارف هي سايره عند منوه و واثق فيها و في سيرها و اعتقد ان البنت اصلا تحتاج انها تنمي حياتها الاجتماعية بالصوره الصحيحه و سلامتكم و السموحه
|
||||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
