|
|
|
|
|
|
||
| إعلانات منتديات ألم الإمارات |
|
|
|||||||
| مجلس الحوار و المقالات مناقشة القضايا الإنسانية والفكرية و الأحداث الراهنة ، يمنع نشر المشاركات المنقولة . |
 |
|
|
LinkBack | أدوات الموضوع | تقييم الموضوع | طرق العرض |
|
#1
04-04-2005, 12:36 PM
|
|||
|
|||
شوفو الموقف الفضيع إلى صار قبل يومين !!!
هلا إخواني وأخواتي
ما عارفه كيف أبدأ  من يومين رحت أنا وإخواتي السوق وحنا في محل للعطورات تخيلوا شو صار ؟؟؟ كنا مشغولين نوعا ما وشوي وبسيارت (بي إم ) توقف عند المحل ونزلت منها حرمه عيوووووووووووووووز ودخلت المحل بروحها طبعا ويلست على الكرسي بصراحه أنا تحريتها طلابه " سمحولي بس من شكلها " بس إلى يحير الواحد كيف سياره روووووعه تنزل منها حرمه عيووووز فقيره راعي المحل هندي يوم شافها تحراها يايه تتطلب فقال لها نعم ماما شويريد ؟؟ قالت له مابه شئ ياوليده أنا بس أتريا ولدي إستغرب راعي المحل وقال ماما وووين ولد مال إنته ؟؟!!! قالت له هو بيروح يشترى لي عطور من المحل إلى عدالك وبيرد إن شاء الله غمضتنا الحرمه وسلمنا عليها ويلسنا وياها وسألتها ليش ما رحتى معاه تشترين عطور قالت وهي تضحك والله هو يحب يسويها لي مفاجأه عشان عيد الأم ويلست تضحك بصوت واطي وبعدين يلست تصيح قالتلها إختى الصغيره هي في الإبتدائيه أمي ليش تصيحين وأحين بيرد ولدج ومعاه هديه عشانج إشعليج إحنا ما يبنا هدايا حق أمهاتنا ويلست إختى تضحك قالت العيوز والله يابنتى هاي أول مره من ولدته إييبلي هديه ويلست تصيح لكنى فرحانه أنه يفكر فينى هو دايما إييب هدايا لحرمته ومره ياب لي غرشة عسل وحرمته زعلت منه لين ما شلها عني وسكتت شويه وبعدين قالت أنا خيفانه عليه من زعل حرمته يوم تعرف أنه بيشتري لي غرشت عطر أنا قلت له لا تشتري لكنه أصر أنه يشتريلي وضحكت والدموع ماتفارق عيونها وقالت بعده في أمل أنه يرجع يحبني مثل أول في هالوقت سألتها ليش ماعندج عيال غيره قالت لالالالا زوجي مات بعد سنتين بحادث وهو رايح يصلي وطبعا ماتزوجت بعده وحطيت حياتي كلها علشان أعيش ولدي وأهتم فيه لين كبر وعرس وخطف علينا الوقت وهي تخبرنا عن ولدها لين المغرب تخيلو من صلاة العصر لين المغرب لو أنه راح يصنع عطر من المصنع شان خلص لكن ما شفنه ولدها ولا سيارته أبدا  قلنالها بعد ماتأخر الوقت تعالى معانا البيت قالت شوتبون ولدي يترياني هنى وما يحصلني المشكله ما رامت تقتنع أن ولدها تركها وراح " حليلها " على العموم رحت البيت وقلت بتصل بالمحل وأتخبره عن الحرمه شو سوت والمفاجأه قال لي الهندي ماما يجلس مني واااجد ووولد مال هو ما ييجي أنا يريد سكر محل الساعه 12 في الليل بس ماما مايريد يروح أنا يشتري ماي وسندويشه حق ياكل بس هو يقول أنا مايريد أهينه ولد مال أنا في ييجي قلت له شو سويت معاها ؟ قال هازا ولد مال هو حرامي وااجد، هازا هرمه كبير عجوز ،ليش يكزب أليها لو يشوف هزا ولد يهتى في سجن قلت له وووين راحت ؟ قال أنا يتصل في شرطة هو ييجي يشل هرمه عند مال بيت مال عجوزه قصده يعنى " رعاية المسنين " شفتو أخواني وأخواتي شفت شو نتيجة أن الأب والأم يربون عيالهم ويكبرونهم ويعطونهم شويبون في النهايه شو يحصلون شو رايكم بالولد وبالهندي إلى في المحل طلع الهندي أرحم عن ولدها إلى من لحمها ودمها حسبنا الله ونعم الوكيل 
|
|
04-04-2005, 12:50 PM
|
#2 | |||
|
حرام والله
امك ثم امك ثم امك |
|||
|
04-04-2005, 01:02 PM
|
#3 | ||||
|
عافنا الله ... الله المستعان .. وين بيسير من عقوبة ربه ...
حسبي الله ونعم الوكيل .... مثل ما تدين تدان ... بيه يوم عياله بيفرونه شرات ما فر امه اللهم ارحمنا واغفر لنا ولا تؤاخذنا بما فعل السفهاء منا ..
|
||||
|
04-04-2005, 02:12 PM
|
#4 | ||||
|
حسبي الله ونعم الوكيل...
هذا شو من قلب عنده ما يحس؟أمه اللي ربته وضحت عشانه يسوي بها جيه؟  حرام والله حرام  عشان حرمته يسوي جيه بأمه  بدل ما يحطها فوق راسه ويخدمها بعيونه اللي سوته مش شوية وطبعا كل أم تضحي عشان عيالها عشان تشوفهم أحسن ناس وبأحسن حال بس بصراحة أنا لاحظت إنه هالظاهرة وايد منتشرة في مجتمعنا..يعني الولد من يتزوج ينسى أهله كلهم وتكون زوجته السبب هيه نعم زوجته ***77*** ..تكرهه بأهله وخصوصا أمه حتى لو لاحظتوا وايد مسلسلات ناقشت هالظاهرة.. ينسى انه هالام هيه جنته وناره والجنة تحت ريولها يفضل الزوجة المصون عليها بعد ما هيه فضلته هو على كل شي حلو في الدنيا بس ترى كما تدين تدان..والله يمهل بس ما يهمل وبييه يوم وعياله بيسوون فيه جيه وأكثر ان شاءالله ما اقول غير حسبي الله ونعم الوكيل... والسمـــــــــــــوحة.. محبتيــ 
|
||||
|
04-04-2005, 02:26 PM
|
#5 | ||||
|
الله يساعدها عليه
بس مثل ما يقول المثل كما تدين تدان اليوم امه باجر عياله بسون فيه نفس الشي (( بالنسبة لعيد الام انا اما اعترف فيه لانه هب مالنا ما انجليز )) تحياتي المعطرة،،، اخوكم العنيــــد
|
||||
|
04-04-2005, 02:26 PM
|
#6 | |||
|
بسم الله الرجمن الرحيم أختي الكريمة ملاك الروح صدقيني لولا تأكيدك بأن هذه القصة حدثت معك شخصيا لآمنت بأنها من القصص التي يتم تلفيقها ونشرها على الإنترنت . أختي الكريمة قصة مثل هذه تستحق أن تذكر في موضوع بر الوالدين للأخت سنو وايت ونرجع لما حدث إن هذه القضية وسواها من عقوق الأبناء لوالديهم لهي مما يشيب له الشعر ونكاد لا نصدق بأنها قد تحدث في مجتمعاتنا ولكن للأسف الشديد فهناك حالات شاذة ينبذها المجتمع ويكرهها فمما لا يخالف عليه أحد من واجباتنا في رعاية وإحترام والدينا وحقهما في ذلك سواء من الناحية الدينية أو الإجتماعية وكل ما أقوله هو لا حول ولا قوّة إلا بالله وسيقتص الله سبحانه لهذه المرأة الكبيرة في السن من ولدها وزوجته وكل من هم على صلة ولم يتدخلوا لمنع هذا العمل الفضيع ونشكرك مرة أخرى أختي العزيزة على تذكيرنا بحقوق والدينا وأظن بأن كل انسان يقرأ هذا الموضوع عليه أن يذهب مباشرة لوالديه ويقبل رأسيهما ويسألهما الدعاء له |
|||
|
04-04-2005, 09:24 PM
|
#7 | ||||
|
السلام عليكم و رحمة الله و بركاته ...
لا حول و لا قوة إلا بالله .. و الله إني أقرى بداية القصة و أنا متوقعة نهايتها ... ياما شفنا و ياما بنشوف .. تذكرت قصة أبوي العود دايما يقولها لنا ... إن فيه واحد متزوج و عنده ولد صغير مل من أبوه العود ... فأخذ حصيرة و لف فيها أبوه و شاله على ظهره بالصحراء (( أيام قبل )) و كان معاه ولده الصغير (( الحفيد )) فقط أبوه بمكان بالصحرا و خلاه .. و هو قاعد يمشي تفاجأ بولده الصغير شايل الحصيرة بإيده .. فسأله قال له يا وليدي ليش شايل هالحصيرة .. تتوقعون شنو كان جواب هالطفل ... قال لوالده .. أنا ماخذها على شان لمن أكبر أنا و إنت تشيب أقطك مثل ما إنت قطيت جدي ... فحس الوالد على دمه و تندم على إللي سواه و رد أبوه معاه للبيت ... بس للأسف مو كل القصص لها نفس النهاية السعيدة ... و أقول لكم .. الحق ممكن يضيع عند الناس .. بس عمره ما يضيع عند رب العالمين ... و كما تدين تدان ... و عقوق الوالدين مو شي بسيط .... و ما أقدر أضيف أكثر .. ما عندي كلام أقوله ... و جزاج الله كل خير إختي العزيزة لأنج شاركتينا هالقصة المؤثرة ... و أنا ما أدري شنو كنت راح أسوي لو كنت مكانج .. الله يعين ذيج المرا و يعوض صبرها و طيبتها كل خير يا رب العالمين ...
|
||||
|
04-05-2005, 11:59 AM
|
#8 | |||||
|
اقتباس:
بس حبيت أوضح بعد إذنك أنا بعد مش مؤمنه بها العيد فعلا لكن كتبت إلى سمعته والأم ما تعرف هالأمور لأنك لو شفتها ماأعرف شو بتقول لكن بصراحه غمضتنى لأنها كبيره وااااايد في السن على العموم السموحه منك ومن إخواني الباجين وأشكركم على مروركم وأتمنى أن نهتم بأهلنا أكثر علشان عيالنا تهتم فينا ووجود كبار السن في البيت إبركه لينا ولعيالنا السموحه من الجميع 
|
|||||
|
04-05-2005, 01:02 PM
|
#9 | |||
|
لا حول ولا قوة لال بالله لو هالموقف مب مستوي معاج شخصيا ما صدقت ،يعني الواحد يستغرب
 من العيال اللي يفرون اهلهم بدون ما يسألون عنهم ، بس الود ودي لو اشوفه واعطيه بالنعال على راسه  الله يعينج لأنك شهدتي الموقف وزين منكم انكم سألتوا عليها ....ومشكورين.... 
|
|||
|
04-05-2005, 05:06 PM
|
#10 | |||
|
بتدور الدنيا عليه وعياله بيسوون فيه نفس إللي سواه في أمه .. وفي نفس المكان
الله يرحمنا برحمته |
|||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
