بليز ابا رايكم في هالسالفه

السلام عليكم


اخواني واخواتي في المنتدى انا عندي مشكله يعني يمكن تقولون انها صغيرة بس والله بالنسبه لي مب هينه .


مشكلتي ان عندي سيارة وانا ما اسير مكان الا من البيت للشغل ومن الشغل للبيت ومرات اطلع اذا فيه شئ يعني بشتري شئ انا وخواتي


بس للأسف فيه واحد من الأهل كل يوم يقول لي بتطلعيين اليوم؟ انا طبعا اقول له ما بطلع لانه هو يعرف اني نادرا ما اطلع . يقول لي انزيين ابا السيارة وصار له على هالحال شهر وانا ما اقول شئ عادي لين اكتشفت انه اصلا ساحبين عنه الليسن لانه متعدي اشاره حمرا وداعم واذا شافوه يسوق اي سياره بيحجزون السيارة وانا ما عندي غيرها .

تصدقون اني ما اقدر اقول له ما اقدر اعطيك السيارة احس ان لساني ينربط انا وااااااااااايد استحي وااااااااايد واحس اني يمكن اجرحه والله صعب علي اني ارفض طلب شخص طلب مني شئ




قولو لي شو اسوي والله الموضوع مأثر علي كل يوم احاتي هالسيارة وما اباها تسوي بيني وبين اهلي حساسيه

حرام ليش ما تردون عليه والله اني متضايقه

ما اقدر اصارح حد بهذا الشعور الا انتوا

انا في الإنتظار

تعرفين المستحى هذا بيكون سبب في حجز سيارتج واداومين على التكااسي

فليش اتييبين لعمرج كل هالمشاكل والبلاوي !!؟؟؟

استخدمي اسلوب المواجهه والنقاش المؤدب

قولي انته محجوز ليسنك وخايفين عليك اتروح في مشاكل وهالشي ما نرضاه و و و و ......

في حالة انه ما استجاب لنقاش .. استخدموا اسلوب

وقولوا سياره ماشي سياره لاني موب متفيجه اراكض ورا المرور عسب يطلعوون موتري

تخيلي انج اداومين على تكسي

عيل لحقي على عمرج قبل لا يفوت الفوووت ولا ينفع الصوووت

اخوي uae والله ان كلامك صح بس ما اقدر يعني هو ما خبرنا ان ليسنه محجوز عرفنا من الناس وهم متأكديين لانهم مسؤلين عن هالسوالف بس انا كيف بقول له يعني كأني اقول له انت كذبت علينا



والله تعبت بس بحاول اقول له (قولي انته محجوز ليسنك وخايفين عليك اتروح في مشاكل وهالشي ما نرضاه و و و و ...... ) هذا الأسلوب حلوو بس يحتاج جرأة بعد

ومشكور اخوي على الرد والله يوفقك

ودري عنج الحيا صدقهuae

السلام عليكم ورحمة الله وبركاتة .........


انا مع موت غاوي ومن قبله uae ......... لانج اذا بتمين على مستحاج انتى الوحيده اللى بتضررين .... وبتتلعوزيين ويا التكاسي .... هذا حقج ومحد يستحي والا يزعل من الحق ...........وعلى قولة المثل جلمه تستحي منها بدهــــــــــــــا

اخويه قاسي القلب مشكور على وقفتك ويايه

اخويه موت غاوي والله كلامك صحيح واشكرك يا اخويه على ردك المهذب

صدقتي اختي بنت العربي الكلمه الي تستحي منها بدها . بس شو تسوين ويا وحده تخاف تجرح اي شخص واذا حاولت تتكلم ما تعرف وما تحس بنفسها الا وهي تعطيه سويج السيارة.


مشكورة الغاليه على اهتمامج بمشكلتي