|
|
|
|
|
|
||
| إعلانات منتديات ألم الإمارات |
|
|
|||||||
| مجلس الحوار و المقالات مناقشة القضايا الإنسانية والفكرية و الأحداث الراهنة ، يمنع نشر المشاركات المنقولة . |
 |
|
|
LinkBack | أدوات الموضوع | تقييم الموضوع | طرق العرض |
|
#1
04-18-2005, 08:00 PM
|
|||
|
|||
وين المنطق .. إذا البنات اللي ..... تزوّجــ !! ــن ..؟؟
.
. السلام عليكم ورحمة الله وبركاته .. / \ / طبعاً هذا أول موضوع لي في هالقسم .. والشي اللي خلاني أكتبه بتعرفونه من خلال الكلام اللي بيي .. وأول شي .. اسمحولي اذا العنوان .. شويه ..  بس الله العالم .. اني قررت اكتب هالموضوع .. بعد ما احترت من اللي يصير حواليه .. . . المهم .. شو اللي صاير في الدنيا ..!! كل شي يمشي بالمجلوب هالأيام .. أو نحن اللي عايشين في سوالف أول ..!! ومب راضيين نطّور ..!! 6 أعراس في شهر واحد .. وكل اللي تزوجوا .. كان تعارفهم عن طريق التيلفون .. يعني علاقات محرمه .. وغير مشروعه ..!! طيب كيف صار هالشي ..!! ونحن كلنا انعرف انه الشاب من يكلم وحده مستحيل يفكر انه يتزوجها .. يا ترى هل شباب الايام هذه .. بيعكسون هالمنطق ..؟؟ هذا غير عن زيجات انا اعرف اصحابها .. وصار لهم فتره تتعدى الـ 10 سنوات .. وكانت عن طريق تعارف .. ومغازل بعد ..!! .. وللحين مستمرين باحسن حال ..!! والثقه وكل شي موجود الحمدلله .. . . من يومين كنت اتناقش مع وحده من البنات .. في هالموضوع .. فقلت لها .. انزين شو المطلوب .. من البنات اللي ما تزوجن للحين .. المفروض ايروحن يكلمن شباب ويتعرفن على فلان وعلان .. عشان يقدرن يعيشن حياة طبيعيه .. وما ينظرولهن الناس على انهن عوانس ..!! يعني والله اعرف بنات ويايه في الشغل .. ما شاء الله عليهن .. احسن من اخلاقهن ما فيه .. وجمال وطيبه .. وبنات اصل .. أعمارهن وصلت 35 .. لكن للحين ما تزوجن .. شو السبب ..؟؟ عشان ملتزمات يعني .........................!! . . ما اعرف بصراحه .. كيف صار تفكير الشباب في الايام هذه ..!! يعني اللي يسوي الحرام والعيب .. مرغوب .. واللي يراعي ربه .. ويحافظ على اخلاقه .. صار العكس ..!! / \ / اذا كان الزواج بيي عن طريق هالطرق الملتويه .. فالشخص يتم عازب .. أو عانس مثل ما يسمونه .. أحسن له .. وأشرف له ..!! والقهر .. السبب اللي خلاني اكتب هالموضوع .. وحده الله يستر عليها ( القصد هنيه ضرب مثل بس .. مب التشهير ) .. اتكلم 7 شباب وباعتراف منها .. وبكل وقاحه كانت تفاخر بعددهم .. والصدمه اللي عرفتها امس .. انها انخطبت .. واللي خطبها واحد من اللي تكلمهم ..!! مع العلم انه كان عارف بسوالفها ..!! هذا طبعا غير البلاوي الثانيه اللي ما يهمني اتكلم عنها .. لأنه انا قصدي موضوع معين ..  يا ترى .. هالانسان اللي بيتزوجها وين كرامته ..؟؟ وين رجولته ..؟؟ يعني اللي خلق هالبنت .. ما خلق غيرها ..؟؟ . . يمكن بعضكم يشوف الموضوع تافه .. أو ما ادري بعد اذا مكرر .. لكن أبااااااااا حد يفهمني .. وين الصح .. طبعاً بعيد عن مسأله الحرام والحلال .. لأنه ما بنختلف على كون هالشي حرام .. والا يمكن هذا هو التطور اللي نسمع عنه ..!! أخاف في السنوات اليايه الواحد يعرف وحده ويظهر ويرد وياها .. وبرضى الاهل .. وعقب فتره .. طبعا بعد ما يقرر حضرته .. ايي ويخطبها من اهلها ..!! الله يستر بس .. والله يهدينا ويهدي الجميع .. قولوا آمين ..  . . السموحه منكم على الاطاله .. واعذروني .. لكنها غصه في قلبي وحبيت اظهرها .. . .
|
|
04-18-2005, 08:22 PM
|
#2 | |||||
|
 اقتباس:
ما ادري شو الفايده اللي بيحصلونها يوم يكلمون البنات اوك الواحد تكلم مع وحده وعقب؟؟؟؟ تطلع معا ويطلع معاها وعقب؟؟؟ ندددددددددددددم!!!! يظطر انه ياخذها عشان ما تكون فضيحه ليش من الاساس اصلا تتعرف وتبلي عمرك بشي انته تعرف نهاية وانت ماحطيت رجلك الاولى عليه استغرب الصراحه من الشباب اللي يكلمون البنات لا وكل واحد منهم يتفاخر بانه عنده بدال الوحده ثنتين؟؟ انزين ما سألت نفسك هي ما تعرف غيرك بعد ؟؟؟ ما ادري ما احس اي متعه من اللي يصير والله العالم يتغير وناخذ من الغرب الشي اللي هم بنفسهم قاموا يودروونه لاوازع ايماني ولا حتى كرامه ورجوله ؟؟ >> حبيت اطلع حرتي شوي هع الله المستعان شكرا لكِ اختي على الموضوع الطيب.. الممـــــ AvIp ــــيــز 
|
|||||
|
04-18-2005, 08:26 PM
|
#3 | ||||
|
السلام عليكم ......
الموضوع الصراحه شدني ونا أقراه ... حبيت أقولج ...هالشي مرتبط بعزة النفس والكرامه ... وماحد يسوي الغلط ويقول ماكنت ادري .... والهدايه من رب العالمين يهدي من يشاء ... لا أنا ولا انتي بنقدر نغير شي فهالكون .... وبعدين ماقريتي قول رب العالمين الي يقول فيه بمعناه الطيبون لطيبات لين آخر لآيه والقول الي يقول الطيور ع أشكالها تقع .... وماقول الا .... الله يهني سعيد بسعيده ... وليس ثمت ألم اقسى من أن تحب بصمت ...
|
||||
|
04-18-2005, 08:46 PM
|
#4 | |||||||||
|
.
. هلا ومرحبا اخويه vip .. . . اقتباس:
يعني تحصل الواحد حتى لو يغلط .. ما يرجع ويقول بتوب .. بالعكس يستمر بغلطه .. لا ويفاخر به بعد ..!! . . اقتباس:
وسوالف فاضيه .. امممممم .. يعتبرونها تسليه ..!! . . اقتباس:
الواحد يلعوز عمره .. ويظهر .. والله العالم شو يترتب على هالشي .. يا اما ضياع مستقبل .. أو فضيحه ..!! وبالاخير بينجبر انه ياخذه .. وانه يعيش وياها .. مثل المغصوب على شي ما يحبه .. . . اقتباس:
كيف ما يقدر ينزل راس هالبنت ويلعب بعقلها .. كيف ما قدر يكلمها ..!! يعني بنت تغلبه ..!! ما يصير .. . . اقتباس:
. . مشكور اخويه على ردك الطيب .. الله يهدينا ويهدي الجميع .. والحمدلله ..على كل حال .. . .
|
|||||||||
|
04-18-2005, 09:44 PM
|
#5 | ||||
|
اختي
:: طفلة الحب :: باعطيج رايي الشخصي.. الحب لا هو عيب ولا حرام.. بس اللي اقصده الحب الطاهر العفيف.. يعني انا ما امانع اني احب واحد شرط ان مستقلبي مع هذا الشخص مضمون.. يعني يكون هو جاد في العلاقة مو مجرد تسلية.. ما في بنت في هالزمن تتزوج شخص ما تعرفه او ما كلمته.. او عن طريق خطبه.. الحين عصر الانفتاح يعني البنت تشوف وتختار.. وهذا الشي مو جديد.. يعني انا امي تزوجت ابوي عن سابق معرفة.. ونفس الشي خالتي تزوجت بعد 10 سنوات حب.. وعلى فكرة الشي اللي قاهرج قاهرني.. في بنت عندنا في المدرسة اللي يستر عليها تقريبا حالتها مثل ما ذكرت ويمكن اسوأ وبعد كم يوم عرسها.. وفي بنات وايد تعدوا ال 40 وبعدهم ما تزوجوا.. يمكن للاسباب اللي ذكرتيها ويمكن لاسباب ثانيه.. هذا رايي الشخصي.. اتمنى انكم تتقبلونه ولو انه فيه شوية تحرر.. تسلمين اختي على الطرح.. تحياتي
|
||||
|
04-18-2005, 09:58 PM
|
#6 | ||||
|
هلاااااااااااااااا اختي
انا اللي اعرفه ان الواحد ان جاء يخطب يسئل عن اخلاق البنت قبل شكلهاااااااااا بس بصراحه اللي اللحين تقولينه فجعني اللي تقولين وحده متزوجه صارلهاااا 10 سنين وسعيده الله يوفقهاااا مااقدر اقول عنهاااا شي على ان الموضوع من الاساس غلط بس غريبه فعلا يعني يقولون الزوج يشك ومدري شنو بس اللي تكلم 7 واللي اخذها وهو داري عن سوالفها ماادري ايش اقول عنه اذا هو اخذها وداري عن سوالفهاامع احترامي الشديد مو رجال بس اذا قصده يصلحها او يستر عليهااا لانها ممكن تكون تقربله تصرفه حلووو انا ماادري افكاري مو مرتبه بس احس ان الوحده قبل ماتفكر تسوي شي زي كذا تحط الله قدامهااااااا لانهاااا اذا ماحطت هاالشي بااعتبارها الله ماراح يوفقهاااا وتحط امهااا وابوهااا بعد قدامها هذا جزاتهم اللي تعبوا وسهروا علي اسوي شي يسيئلهم وبعد الشباب اتمنى يصير عندهم وعي وانهم يحاولون لو في يوم جتهم بنت يصدونها وينصحونهااا لان للاسف في كثير بنات جاهلاااااااات البنت دايم للاسف تكون مغفله وتصدق على طووول والبنات عاطفين يعني ممكن كلمه تجيبها وتوديهاا والبنات اللي وصلو 35 هذا نصيبهم والله اكيد له حكمه فيه مولانهم ماكلموووا يصيرون مايتزوجون مو مهم الزواج قد مو مهم رضاء رب العلمين والشرف والسمعه وزسوري ترى افكاري مو مرتبه وكتبته بسرعه
|
||||
|
04-18-2005, 11:11 PM
|
#7 | ||||||||||
|
.
. أخويه الكريم .. بو جسيم .. عليك السلام والرحمه .. و يا هلا ومرحبا فيك .. . . اقتباس:
. . اقتباس:
فيه نفوس ضعيفه .. وفي هالحاله الشيطان يكون شاطر في الوصول لها .. يعني ماشي اسهل من اغوائها .. خصوصاً بالنسبه للبنت .. اللي تكون بطبيعتها رومانسيه .. وخاطرها تعيش قصة حب .. . . اقتباس:
ما لنا غير نحمد الله ونشكره .. والله يهدينا ويهدي اخوانا المسلمين .. . . اقتباس:
فعلاً .. وسبحان الله يعني في هالحالات .. يكون الشاب والبنت من نفس العينه .. يعني نفس الذنوب .. نفس الأخطاء .. والجزاء من جنس العمل .. فإذا كان عملك كله خير .. ما راح تجني الا الخير .. لكن .. اللي يعرف الغلط ويدمن عليه .. أكيد خطواته كلها بتكون غلط .. في غلط ...........!! . . اقتباس:
. . اقتباس:
والشي الراقي .. لازم ثمنه غالي ..  / \ / مشكور اخويه على الرد الطيب .. ولا تحرمنا تواصلك .. . .
|
||||||||||
|
04-18-2005, 11:27 PM
|
#8 | ||||||||||||
|
.
. دلوعه حيل .. هلا ومرحبااا عزيزتي .. . . اقتباس:
بس .. هل ممكن اني اكلم شاب غريب .. واعتبر هالشي حلال ..!! طبعاً لا .. . . اقتباس:
كلنا ممكن نغلط .. وكلنا ممكن نمر بتجارب مثل هذه .. نشوفها هيْنه في وقتها .. لكن لو ترجعين لها بعد ما تنتهي .. وتفكرين فيها بضمير الانسان المؤمن .. بتلقينها حرام .. و عيب .. ولا هي من عاداتنا ولا تقاليدنا ..!! حتى لو كان الغرض منها شريف .. فيه بعض علماء الدين .. حللوا كلام البنت مع الشاب الغريب .. في حالة الخطوبة بس .. واللي الغرض منها التعرف عليه .. وتوطيد العلاقه .. أما غير ذلك فهو حرام .. . . اقتباس:
أما عندنا هنيه .. فهو ممنوع .. من حقها تختار .. ما قلنا لا .. لكن في حاله وحده بس .. لما يتقدم لها شاب .. يكون من حقها توافق أو ترفض .. لكن انها تروح تكلم واحد بغرض انها تتعرف عليه .. وبعدين يخطبها .. فهذا شي يرفضه ديننا ..!! عموماً .. اعتقد عندنا في بعض دول الخليج .. عادات مختلفه عن الامارات .. يعني يمكن فيه تحرر أكثر .. خصوصاً في الكويت والبحرين .. . . اقتباس:
. . اقتباس:
. . اقتباس:
وله حكمه في هالشي .. عموماً الزواج قسمه ونصيب .. بس اللي مستغربتنه انه اكثر الملتزمات .. ما يعرسن بسرعه ..!! . . اقتباس:
والاختلاف في الاراء .. لا يفسد للود قضيه .. . . اقتباس:
. . مشكوووره على الرد .. ومشكوره اكثر على صراحتج .. ويا هلا ومرحبا فيج .. . .
|
||||||||||||
|
04-18-2005, 11:51 PM
|
#9 | ||||
|
السلام عليكم
في البداية أشكرج إختيه على هذا الموضوع الطيب.... من موضوعج فهمت إنج محتره من شي وااااحد....ليش الناس تستمر على الغلط.... وخلاف تنهيه بشكل سهل كأنهم ما غلطوواااااااا... طبيعي الناااااااس مب واااااااحد...وأساليبهم مختلفه... 7 7 البنت ....حالها بتتزوج...بس منو تتزوج....؟؟؟؟ الله يعلم....>>>> نحن ما نقدر نقول إلي بياخذ بنيه كان يرمسها يعني سوو شي...ولا بيغطي على الفضيحه... لا...منو قال....؟؟ نحن دامنا نشوف الجانب السلبي من هذي الأمور...تعالوا نشوف الجانب الإيجابي الغااااااااامض إلي يبين بعد فتره في قلب واحد من الطرفين.... إذا واحد من الطرفين كان الشاب ولا البنت...يبا يتوب بمعنى يصلح الغلط ويرد لربه....إذا رجع لربه..وتاب والله يتقبل توبه كل المسلمين... بالله عليكم...إذا كان يحب الطرف الثاني بكل صدق بس الشيطان زينله سوالف التلفون والصور...ما بيروح لحبيبه وبيقوله ليش ما نرزجع لله ويا بعض.... ألحين أي وحده تقول حق واحد هالرمسه....والله ثم والله...من صميم قلبه بيعجب فيها....إذا كان هدفه اللعب في هذي الحاله بيودرها البنت بتوب وهو ما بيخرب عليها...وإذا كان في نفسه إيمان بيسبقها..<<< في حالات هب راضيه تستجيب لهذا الأمر وكل إنسان وظميره... إذا انت تحب شخص...فعرض عليه الخير في كل مره... عشان جيه نحن ما نقدر نظلم إلي كان يغلط..ونقول ليش إلي يغلط يحصل ويحصل...ونحن إلي ما نسوي شي ..هب محصلين هذا اعتراض على القدر إختي...حتى لو نحن شفناه في ناس ثانين.. (( كل إنسان له عيوبه وأخطاءه ويمكن الإنسان يبتلى من الله بطرق مختلفة أو يعاقب بطرق غير واضحه بالنسبة له )) إن أروع ما قرأته في تفسيره قوله تعالى " الطيبون للطيبات " قال ينبغي أن يكـون الطيبون للطيبات ، هذا معنى ، يعني احرصوا أن يكون الطيبون للطيبات ، يعني أمرًا تكليفيًا ، وليست أمراً تكوينياً كل طيبة بياخذها طيب....إن شاء الله بس لازم الإنسان ما يعترض على قدر غيره ولا على قدره.. وبالنسبة لهذي إلي بياخذها واحد من إلي كانت ترمسهم... هوه وظميره يمكن تكون طريقة لأنتقام ... ولا الريال عيبته البنت شكليا<<<<عادي الريال ينغري بسرعه أو..أو.........أو...........إلخ.. بس ما نقدر إلي نقول الله يهديها ويهديه ويهدي جميع المسلمين ويسر عليهم حياتها.... (( ملا حظة : فضيحة الدنيا أهون من فضيحة الآلآلآلآلآلآلآلآلآلآلآلآلآخرة )) والسلام عليكم ورحمة الله....
|
||||
|
04-19-2005, 12:19 AM
|
#10 | ||||
|
تسلمين إختي (طفلة الحب) على هذا الطرح المتميز
 للأسف هالشي وايد منتشر افمجتمعنا  الشاب الحين ما قام يدور البنت إلي معروفه بالتزامها ابدينها وأخلاقها الطيبه وأدبها وحشمتها لااا يدور الحين على البنت الفري على قولتهم شو هالتخلف  طبعا مب كل الشباب يسوون جي .وبعدين ها إلي بياخذ وحده جي أخلاقها ،أكيد مثلها وأخس عنها  وخاطري أسأل هذا ما فكر يسأل نفسه :ــ  أنا ليش خذت هاي الانسانه من بد البنات كلهم مع إني أعرف ابسواياها؟؟ كيف بتكون حياتي مع وحده مثلها؟؟؟ شو العلاقه إلي بتربطني ابوحده مثلها والثقه معدومه ابينا؟؟؟ كيف وحده مثلها اتربي اعيالي مستقبلا وهي روحها مب متربيه ؟؟؟ كيف بتكون نظرتي لها ؟؟(أكيد مب نظره فخر إن زوجتك جي) لهدرجه مشغول حتى ما قدر يسأل نفسه هالأسئله عافانا الله من هالناس تسلمين إختي مره ثانيه على الموضوع إختج الخواطر 
|
||||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
فقدتـــــــــــــــــــــــــــــــــــــــــك 
ـوبنا مــــــع اللــــــــــه 
العرض العادي
