موضوع الأسبوع للكاتبة : سهر الليالي 84

دبي 85

شكرا حبيبتي ..

عاشقها .. شكرا .


وصيت قلبي ..

شكرا حبيبتي لهالكلام الجميل ..


هل في قصه من القصص اللي كتبتيها تتكلم عن شخصيتك ...!


ههه .. سؤال جميل .. أقولج في كل شخصية من الشخصيات اللي كتبتها تحمل شي مني .. تحمل افكاري وفلسفتي .. بس مافي شخصية محددة ..

القضايا اللي تعرضينها في قصصك هل هي من واقع مجتمعك..أم هي من نسج خيالك!!

نصها من الواقع .. والنص الباقي خيالي ... بس شبه واقعي ..

ريجيم أول أسبوع)أسم الموضوع مشوق جدا..ياليت تذكرين نبذه عن القصه..!!

أختك وصيت قلبي عليك


للاسف هالقصة ماانكتبت لها الولادة .. ومابكتب نبذه حاليا ..
شكرا للاسئلة الرائعه ..


الدكتورة هديل ..


شكرا عزيزتي .. كلام كبير علي .. وانا واثقة أن المنتدى فيه الكثير من الموهبين والموهبات ..

سؤالج الاول ..

لمااكتب اي قصة .. مااركز على العنوان مثل مااركز عليها .. وعناويني الثقيلة أحب ألأنها تكون غريبة .. أو بسيطة ..

سؤالج الثاني ..
السبب أني أبدأ قصة .. والقصة لازم تكون لها بديه حقيقة نشوف من خلالها الرياكشن عند الابطال وشلون تعاملوا معه .. وعلى اي اساس كملوا حياتهم والصعوبات اللي واجهنهم ..

شكرا للتعليقك الجميل اللي احرجني

السلام عليكم ورحمة الله وبركاته...

تحية مني للأخت سهر الليالي..

أنا ما قرأت ردود الأعضاء لأني مستعجلة ولا أدري شاللي دار بينكم من كلام...

ولكن أنا بقول لك رايي عشان تستفيدين.. لأن كل كاتب يبي يعرف راي القراء فيه ولو إرضاء لغروره فقط...

ع العموم أنا قرأت قصة وحدة من قصصك بس..اعترافات رجل يكره يحب يعشق يبغض النساء ..

القصة رووووووووووووعة وأكثر من رائعة...

بس... وأدري بس تزعل حتى اللي ما يزعل... وأنا ما أحب أزعل أحد... بس أحس إني لازم أقول لك رايي...

اللي قاهرني في القصة واللي منزل مستواها... اهي المفروض تصير أعلى من هالمستوى بس انت نزلتيها بشي واحد وبغض النظر عن أي شي ثاني...

إن رغد حامل من راشد...
ليش؟؟؟، هذي تعدت الحدود بشكل لا يقبل الجدل...
أنا عندي استفسار وأرجو إنك تجاوبيني...
ليش دائماً في القصص الخليجية يصيرون الشباب كلهم صايعين قبل الزواج؟؟؟؟
ليش كلهم يكلمون بنات قبل؟؟؟ وبعضهم يطلعون معاهم؟؟؟ والأكثر ليش رغد حامل؟؟؟

أنا معاك في إن في بعض الشباب صايعين بس مو الكل...
يعني مو لازم كل القصص يذكر فيها هالصايعين...
تصرف يوسف البطل كان عدل، حتى يوم حب ليال.... وطبعاً ان هذا ردة فعل لأني كرهت رغد من كل قلبي...
شروط القصة الناجحة والمثالية
البطلة تكسر خاطر القراء والبطل بكيفك إذا حلو أو لا....
بس لازم يجي وقت نكره فيه البطل وبعدين نرجع نحبه من جديد...

انت غيرتي هالمقاييس وهذا شي حلو إنك غيرتي القوانين... بس مو كذا...
يعني حتى لو خليتيها تكلم راشد بالتلفون أو طلعت معاه أهون ولا كذا...

هذي نقطة...
والنقطة الثانية إنها بتنزل الجنين..
طيب هذا حرام.... يعني كل شي يصير حرام في حرام...
ويوم حملت من يوسف... تحاول تنزله بعد!!!!!! هذا شي غير منطقي...

وبس...
وأتمنى ما يكون كلامي زعلج بأي شكل كان...
القصة بعد كل هذا حلوة، بس هذا، مثل ما قلت من قبل، نزل من مستواها...

تحياتي..