موضوع الأسبوع للكاتبة : aNeeNalsmT

السلام عليكم ورحمة الله وبركاته

رواد مجلس القصص والروايات ..
بعد ان انتهت جولتنا مع العضوه والكاتب:سهر الليالي 84
نعود لكم اليوم مع ضيف جديد وصفحة جديدة
ليتجدد الحوار والنقاش من خلال النقد البناء مع أعضاء وكُتاب مجلس القصص
موضوع اليوم مع العضوه: aNeeNalsmT
في رصيدها ثلاث قصص ... هي:

1- !i!i! .. رحـــلة العمــــر .. !i!i!
رحـــلة العمــــر

2- ..( ..قطــرة من الأمـــل ..)..
http://www.alamuae.com/vb/showthread.php?t=71853

3- <<.. ذكـريات طفلة فقـيره ..>> ( قصه قصيرة )
<<.. ذكـريات طفلة فقـيره ..>>


أختي الكريمة نبتدي الموضوع بالأسئلة التالية:



نترك المجال للأعضاء للمشاركة في الموضوع والحوار والنقد الهادف بعيد عن التجريح ولا ننسى أن الهدف من هذا الموضوع وهو الإرشاد والتوجيه ...

الرجاء عدم المجاملات بشكل نهائي
النقد البناء والملاحظات وطرح الأخطاء مطلوب
ردود المجاملات والشكر سيتم حذفها الرجاء البحث عن الجدية

وعليكم السلام ورحمه الله وبركاته

ياهلا والله اختي القلب الحزين ..

وشكرا لج على هالاستضافه ..

وان شاء الله استفيد من موضوع النقد واقوي نقاط الضعف ..

ونبدأ بالاسئله بسم الله ..

والله في ردود استانس عليها وانطرها بفارغ الصبر تكون ردود مشبعه بالتعليق وبالنقد ان وجد ومدى تأثير الجزء على القارئ وانطباعه عنه .. ولكن في ردود يعني ما تثري القصه .. تتضمن شكر او كلمه بانتظارج او شيء من هذا القبيل .. ولكن المستوى العام مرضي ولكن نطمح بالمزيد من القراء ذو الطراز الاول .. !

--


يمكن بنسبه متوسطه المجامله موجوده .. لكن في مرات اشوف مدح مبالغ فيه .. بحيث اني ما اصدق ان هالمدح فيني .. يمكن ماعندي ثقه يمكن تندرج من باب المجاملات ما عندي علم لكن لا يخفى على الجميع ان في مجاملات احيانا وليس غالبا تكون في الردود اتكلم عن القصص اللي كتبتها طبعا ..

--
إدراه هالمجلس بالذات لا .. ولنكن صريحين .. مابي اظلم كل طاقم هالمجلس لكن نرى اهتمام البعض بالمجلس والبعض الاخر لا نجد له بصمه او اثر .. وهالشي مأثر بالسلب على المجلس .. مما اعطاه طابع الضمور ..

--
طبعا السبيل مفتوح .. لكن وفق شروط ودراسه .. اذا تبين مجلس قصص راقي متطور بقرائه وكتابه لازم تنوعين من الطاقم الاداري لهالمجلس .. مثلا تحطين ناقد من الدرجه الاولى تحطين كاتب يوجب التنويع .. لان رواد المجلس اكيد ماراح يكونون من فئه معينه .. واذا بخصص مراقبين راح اخليهم شبه متفرغين للمجلس .. ولازم يكونون متعاونين واي خطوه تقام بالمجلس الكل على علم بها .. اخلي المراقبين يدخلون القصص ويقرونها ويعلقون ويشجعون .. نكسر عامل الطبقيه بين المراقب والعضو .. لان بالاساس الفرق بينهم تكلفه اداريه .. يعني المفروض المراقب يدخل كل القصص ويقرى ويعلق ويكون مع الكاتب على الخط .. مو تنكتب قصه كامله مخالفه ومايلحقون عليها الا بأخر جزء ويكتشفون انها مخالفه من الاساس ويغلقونها وتصير الضجه !! خلاصه الموضوع يجب بناء المجلس لبنه لبنه .. ومشوار الالف ميل يبدأ بخطوة !

---

يمكن معظم الجواب كان مشابهه للسؤال اللي قبله .. ولكن لو اصبحت لدي مطلق الصلاحيات .. راح اعمل التالي

1/ اسوي تصفيه على القصص الموجوده كلها واخلي القصص التي يرتضيها ديننا الاسلامي وعاداتنا وتقاليدنا .. واحذف كل ما شذ عن القاعده الصحيحه .. وكل قصص الاسفاف وألا اخلاق المتخفيه بستار الحب !

2/ اسوي حوارات مع الكتاب والقراء .. ونتعرف عليهم عن قرب

3/ القصص المثاليه الغير مخالفه للقوانين اثبتها لمده اسبوع .. كنوع من التقدير ..

4/ الاعضاء المخالفين واللي تكررت ردودهم المخالفه اكثر من 3 مرات راح انحولهم الادراه وتنلغي العضويه ..

5/ ما تنزل ولا قصه جديده الا مكتمله عند الكاتب .. ويكون له حريه الرأي بتقصيدها على دفعات .. هذا عشان ما تكثر المشاكل والزوبعات في المجلس لان المجلس بغنى عن المواضيع الجانبيه ..

6/ تغيير او اضافه للطاقم الاداري للمجلس وبث روح جديده فيه ..
--

وان شاء الله اكون جاوبت على الاسئله بالشكل المطلوب وشكرا لج ..

اختج / انين

ملاحظه : هالرد كنت بحطه امس بس انغلق المنتدى :\

صـبــاح الـورد

شكرا على هالاستضافه الحلوه ..
وحبيت ارحب بالاخت انين ..

بصراحه تمنيت هالموضوع يكون لقاء اكثر منه نقد
عشان نقدر ننطلق بالاسئله على راحتنا ..

قريت قصتج القصيره .. اللي بالفصحى
وكان في بعض الاخطاء الاملائيه .. لكن المضمون لا غبار عليه
كانت روعه .. عجبني المعنى اللى تحمله بسطورها ..
وقريت لج خاطره ايضا بالفصحى .. وكان واضح انج متمكنه من اللغه
ماشالله عليج ..
فحبيت اسأل ليش ماجربتي تكتبين قصه طويله بالفصحى ؟
ومن تجربتج هل تجدين العاميه احسن بالتعبير والوصف ام الفصحى ؟

بالنسبه لقصتج الاولى .. قطره من الامل ..
قريت اول خمس او ست اجزاء ..
ولاحظت ان للخدم "جاندرا" و"كانتي" اعتقد .. تواجد ملحوظ بالقصه
اكيد هالشي واقعي والخدم نوعا ما صاروا جزء من حياتنا ..
لكن حسيتج ركزتي عليهم بالبيتين وحسيت انه نوع من التكرار ..
يعني لو مركزه على وحده ودورها جان صار احسن ..
خصوصا اللي فبيت منى .. لانها خوش شسمه

بس هذا اللي حبيت اقوله ..

وانشالله اذا كملت القصه بتشوفين ردي فيها ..

والف مبروك الاشراف .. انتي قدها وقدود

موفقه غلاتي

ياهلا والله اختي جنز

اولا اشكرج على الاطراء الحلوو ..

وانا سعيده بتواجدج بهالموضوع ..

قصتي ذكريات طفله فقيره .. كاتبتها من زمان ..

واللغه لج عليها اعتبرها اولى محاولاتي اسعدني رأيج فيها جدا ..

صحيح مثل ماقلتي فيها بعض الاخطـاء الاملائيه ..

اما قصتي قطـرة من الامل ..

تفاجأت انج قريتي ست اجزاء ما شاء الله ..

ما شاء الله عليج .. شديده ملاحظه ..

الخدم ركزت عليهم .. لانج لو بتلاحظين اهم جزء من حياتنا اليوميه ..

وخاصه ديرتنا يعني بالبيت مايقل عن خدامتين .. فا انا اشوف انهم يشكلون جزء من محور القصه .. ولو تلاحظين بعد اكثر اني شددت على جاندرا .. اللي هي فبيت منى وخالد وعبود .. بما انهم افقدوا امهم نتيجه انفصالها عن ابوهم سدت الخدامه مكانها من هالناحيه انها حنونه عليهم اكثر من مرت ابوهم .. وانها معاهم عشرت عمر ..

ويمكن كان فيه نوع من التكرار مادري انا ماحسيت فيه .. يمكن كنت مستانسه عليهم لووول :d

جنز شكرا لج عزيزتي على هالمشاركه الحلوة ..

وانا بانتظـار ردج بالقصه ..

اختج / انين

مرحبااااا


مبروووووووووووووووك حبيبتي انين الصمت...
وصراااحه مقفله معي الحين ماعندي ولا كلمه اقدر اسئلك وأنا مابعد قريت لك ولا قصه بقراهم ولو على الاقل وحده وأسالك..

بس ماهنتي علي قلت بمر اأبرك ولي عوووده ثااانيه بس احجز مكااان لووووول<<<ليش بسينما...

ودائماااااا الى الافضل المشرق حبيبتي ...
أختكــ...
أميرة الخيال...

قوه

أشكركم من كل قلبي على انكم استضفتوا الاخت ::
أنين الصمت ..

وأقولها مبروك على الإشراف وانتي قدهــا وقدود ..

أمم انا متابعه لجميع قصصج من اول ما بديتي وكلهم طلعوا بصوره حلوه وتمثل الكويت ..

وبكل قصه يكون لج اسلوب جديد ومتنوع ..لو تلاحظين بالاجزاء الخمس الاولى من قصتج قطره من الامل مختلفه شوي عن الاجزاء الي تليها يعني كان في تطور بالاسلوب ..تعتقدين تنوع اسلوبج عند الكتابه يضيع القارئ او يطور عنده من نمط الاحداث؟؟!


والف شكر للقائمين على هالموضوع ..
والف مبروك مره ثانيه لج اختي انين ..على الاشراف ..



اختكم..
دمدم

أميره الخيال

انا بإنتظـار نقدج عزيزتي ..

ياهلا والله عزيزتي باسوردي ضاع

والله يبارك فيج ..

وتسلمين على المرور الرائع


اي طبعا خلال الست الاجزاء بالاصح تغير الاسلوب ..لاني تلقيت نقد بناء وساعدني لتطوير نفسي ..

ماعتقد تطور الاسلوب راح يضيع القارئ ابد .. والتنوع من قصه لي قصه مطلوب .. هذا لكسر قاعده الروتين ..

وشكرا لج عزيزتي على المرور المشرف ..

اختج / انين

مرحبااااا

واخيرررررررررا قريت قصتك بس بعد ايش بعد ماخلصت دموعي....
أنا أحب انقد والحركات وبكذا ما خليت نقدك يفوتني <<<تبي تلحق على كل شي...
ودي كان اكمل على قصصك لكن الظرووووف والهم....

*تقريبا كل شخصيات قصتك لها طااااابع يامثالي يا نحس متسلط نذل حقوود يعني على طوووووووول شخصيه ماشيه حد الاخير ليش ماتوضحين موقف موثر يقلب الشخصيه من الاسوء للافضل من خلال تدرج الاجزاء .....ولانقلاب بأخر جزء......؟؟؟

وهذا ما أثر على أسلوبك أبدا بس مجرد إلى الافضل .....
بلعكس هذا غلط ومصيبه للكاتبه والكاتب وعاااائق من العووووائق بالله كيف يكتب قصه بدووووووووووون جمهووور ولا اراء ولا تعليقاااات عمرها ماجت حتى كلامك وردووود الاعضاء انتي جربتيه يحمس ويعطي أفكااااااااار حلووووه من صاااالح الكاتب والكاتبه...

وأسفه أح نفسي خرجت من حدووووووووودي..

وفكرتك أن المشرف يقراء القصه من اول ومن البدااااااايه كلام 100%....صحيح..........


تحيااااتي الخياااليه

أميره الخيال ..

ياهلا والله ومرحبا .. نورتي موضوع النقد ..

اول شي الحمدلله القصه عجبتج ..

وعجبني النقد على القصه .. لانه في مكانه ..

الغلطه ان الشخصيات على رتم واحد هذي تجنبتها بقصتي رحـله العمر اذا بتقرينها ان شاء الله .. بتلاحظين الفرق ..

ولو اني حاولت اغير رتم شخصيه عبود واخليه يسمع لكلام امه مره .. لكن هالشي ما شكل نقله نوعيه بالنسبه للشخصيه .. اما برحله العمر بتلاحظين شخصيه مشاري اللي انتقلت نقله كبيره ..

هذا بخصوص النقد ..

اما بخصوص اقتراحي لان الكتاب الحين قاموا ينزلون جزء والشهر اللي بعده ينزلون الثاني .. انزين شذنب القراء يتبهذلون ؟ انا ماتكلمت عن هالنقطه الا اقصد الكتاب المتمكنين اللي مو ببداياتهم ويحتاجون نقد .. وبعدين حتى لو كانت القصه كامله عند الكاتب ينزلها دفعات بسيطه .. ويشوف ردود الناس ويتجاوبون معاه .. يعني ماراح يختلف الامر ..

وشكرا لج عزيزتي على المداخله والنقد البناء ..

يعطيج ألف عافيه

اختج / انين