مستشفياتنا الحكومه الى أين ؟؟؟

وعليكم السلااااااام والرحمه




بالاول خلونا نفرق في التسميه والمضمووووون بين المستشفيات الحكوووووميه

عندنا المستشفيات الحكووووميه التابعه لوزارة الصحه والمستشفيات الحكوميه التابعه لحكوووومة الاماره وبالمفتشر التابعه لحكووومة دبي (راشد-دبي-الوصل-المكتوم ولو انه صار مركز صحي ويقولوووون بيبنون مستشفى يديد في القريييييييب العااااااااااااجل متى الله أعلم) ***77*** وطبعا فيه الرعايه الصحيه الاوليه لكل فئه من الثنتين وتحدد المراكز والعيادات على حسب الاحتياجات والكثافه السكانيه لكل اماره وفرييييييييييج..

الشغله المهمه في السالفه هيه السياسه المتبعه في هالفئتين من حيث التوظيف واساسيات العمل والسلووووووك الوظيفي شكلهم محتاجين شهادات من الشرطه والميزانيه السنويه المخصصه لسد الاحتياجات شكلنا بنألف موسووووووعه وبندخل بيت جينز من الدرييييييييشه

بنتفلسف شوي...

القوانين المتبعه :


1-المستشفيات الحكوميه التابعه لوزارة الصحه


دخااااااااتر-نيرسات-اداريين وكتبه

الوظااايف شغلة واسطااااااااات من اولها لتاليها والدختووووور المواطن ميلسينه احتياط او يداوم شفت الليل وكارفينه كراااااااف ومطلعين رووووووحه وهم اذا دخلت على واااحد منهم حط لك السماااااااااااعه وقال لك ابعد هييييييييك وانته مافيك شي او بيعطيك امووول مافيه فايده غيروا اسمه من بندول الى ادووول والحين اموووول على وزن ميغا موووول
وموظفي السجلات ربعنا المواطنين ذاك من ذاك اللي متفيج اذا يعرفك زيييييييييين واذا لاااااااا بيقوووول لك هاااااات فاتورة الكهربه وشهادة رااااااااتب وشهادة دخوووووول على الحرمه ***77*** اذا كنت متزوج وشهاده حسن السيره والسلووووووك من امام المسيد اللي في فريجكم لين يلوع جبدك

الاداريين....

يالسين في مكاتبهم وحاطين ريل على ريل وقابضين التيلفون وهذربان شوووووووه طابخه ياحرمه ولبسي الصغاريه بنسير ميغا مووووووول او يطرش مسجات ونكت لربعه والطبجه

النيرسااااااات...

معظمهن من قوووووووم بونقطه وريييييييييحة الازفره و الجاااااااااول تشمها من مدخل المستشفى ومالهن خلق لشي والهندي امجدم عليك

نشووووووف قسم خدمة العملااااااااااء..

ميييييييييييييييييييح وخرييييييييييييط على الفاضي وصلاحياتهم بس يتخققون عليك لما تطلب غرفه خاصه...حتى اساسيات السلووووووووك الوظيفي ومعاملة المرضى والمراجعين مايعرفونها ولو تعددها عليهم بيفجووووون حلووووجهم والعيوووووووون بقره شااااايفه حرييييييجه...



ولما تطلب شغله او تقووول ملاحظه قالوا لك ماااااشي ميزانيه وماعطووووووونا زكاه من بيت مال المسلمين..

للعلم بان البدلات اللي تصرف للهوامير تغطي احتياجات السووووق الاوروبيه
وفالحين اجتماعات وسفرات وخلافوووووووه والصغاريه حتى سندويجه مايعطونهم


في الحقيقه والواقع ومافيه شك وبلالييييييييييط وخبيص

محد منهم فاهم وظيفته صح وشوووووووه اللي له واللي عليه

لا سيااااااااسه صحيحه يمشووون عليها ولا معامله شراااااات الناس الا من رحم ربي..

والله ثم والله لو فيه قانون يحكم كل قطااااااع بدءا من التوظيف وانتهاءا بالاختبارات والتقارير السنويه لا انصلح الحااااااااال بس شووووووووه نقووووووول الشكوى لله

اذكر قبل كم سنه سووا اختبارات للدخاتر وكان عددهم 200 واللي نجحوا 50 ***77*** والله انها كااااااااارثه الواحد منا قام يخاف على نفسه ومايعرف وين موقعهم علشان يتعالج عندهم والباجين قصابين وحراميه شهادات مزوره من الهند والدول الاسكندنافيه وكلها بالمراسله بصرااااااااحه شي يخوف وياعيييييييييني لو فاتحين عيادات خااااااااااصه ويمكن تصاريح مزاولة المهنه بالوااااااااسطه 50% للدختوووووور و50% للوااااااااسطه...عجبيييييييييييييييييي.

الحكوووووومه مب مقصره...عندنا احسن الاجهزه والمعدات الطبيه الغير متوفره برع لكن الخلل في سياستهم والكادر الفني اللي يشتغل عليها يااما يايبين بايب فيتر والا كهربجي او صباغ ولحاااااااام

والادويه ***77***

بالله عليكم شووووووووه تتوقعووووووون النتيجه


بس تعبت بسير اصلي وبكمل بعدييييييييين ان شااااااااااء الله

بعض المواقف..




شااااااااهد عيااااااااان



1-الوالده الله يخليها كانت تراجع احدى المستشفيات خلونا نسميها مقصب مجرد التهاب فيه مد(صديد) وقالوا لها بنسويلج عمليه في صبع الريل الكبير وعقب العمليه ربطوه جنه عمامة سردار وكل فتره كانت تراجع لتنظيف اليرح ،بعد فتره اتضح ان عندها غرغرينه تعدت اللحم ووصلت لتآكل العظم وخذناها لمستشفى راشد وبتروا الصبع بالكامل والحمدلله عدت على خيييييييييير والسبب التشخييييييييص اللي شراااات ويوووووووهم


2-واحد من الاهل يشتكي من ويع في اذنيه راح(نفس المستشفى) قالوا له عندك طفيليات وبلاااااااوي ويبالك تنظييييييييف.....اول مابدوا الحبيب تم يخمس مكانه حاطنه في الثاني والموتر يحن الظاهر ان الدريل مال الشاحنات، مارام يتحرك ،خلوه امرقد كم ساعه وعقبها تم يمشي على برد وكمل على هالحاله تقريبا مده طويله الظاهر انهم شلوا برغي الميزانيه،وتم يراجعهم ويقولون له بتخف ومنااااااااك هم مايعرفون شي حتى الدختووووره اللي نظفت له فلت


3-كنت في زياره لواحد من الاهل وكان عداله واحد من الاخوان العرب وكان يون ،سألت صاحبنا عنه قال لي انه امسوي حادث وعنده كسر في العمود الفقري وصار له يومين ومحد سائل عنه لا علااااج ولا جبس ويزقر ياسعييييييييد وياسعيييييييد


4-قبل فتره كنت اراجع عند دختووووووره وعطتني تحويل لقسم المناظير في اماره ثانيه ولما حضرت على الموعد نقعووووووووني من الساعه 8 الصبح لين الساعه 2 الظهر ولما دخلت على الدختووووور حط السماعه ويلس يجلب فيني جني كتاب رياضيات وعقب ماخلص كتب لي على ادويه وسرت الصيدليه على عمااااااااي وصرفوا لي طن ادويه مال عمك مايهمك لمدة 3 شهوووووووور ، والموعد كان علشان اسوي منظاااار.


5-وحده من الاهل دعمت ياهل وصار له خلل فني في الراس ورقدووووه في العنايه ولما دخلت عليه شفته بروووحه وعداله حالات الله يعلم فيها واتضح انه محتاج لاخصائي ومب موجود الا في مستشفى راشد ومستشفيات الوزاره تصفر عندهم قحط وماطاعوا يحولونه لانه مافيه تعاون وتنسيق وخربطاااااااان ...مب مهم المرييييض المهم الاجراءات


والمآسي حدث ولا حرج





2- دائرة الصحة في دبي(راشد-دبي-الوصل-المراكز والعيادات)..




الحمدلله ان الخدمات المقدمه عندهم تحسنت من 3 سنوات وصار فيه اهتمام وقانون(مبدأ الثواب والعقاب) يحكم الكل في جميع القطاعات،ونسبة التوطين في ازدياد(وراهم شيوووووووخ الله يطول في اعمارهم)


وفيه اختبارات دوريه للفنيين(الدخاتر-الممرضين وغيرهم)
والبقاء للأصلح،حتى المواطنين تحت المجهر وتنظم لهم دورات توعيه ودورات في مجال العمل والسلوك الوظيفي وياويلهم لو حد اشتكى مافيه شي اسمه المواطن مايتفنش الحق حق

ماننكر انه فيه سلبيات لكن مقارنة بمستشفيات وزارة الصحه هم احسن بواااااااااايد


من المواقف ...


قبل كان اللي يدخل مستشفى راشد مفقووووووود والخارج مولووووووود اما الحين الحمدلله فيه تحسن واهتمام بالمرييييييييض..





الحل:


وزارة الصحه بحاجه لقانوووووون ونوووووووته تضبط الايقاعااات لعلاااااج الخلل وقبضه من حديد ومحاسبة المتسيبين(الله يخلي الكتبي اللي ضبط وزارة العمل) ..





بس تعبت





السموووووووحه طولت عليكم