|
|
|
|
|
|
||
| إعلانات منتديات ألم الإمارات |
|
|
|||||||
| مجلس الحوار و المقالات مناقشة القضايا الإنسانية والفكرية و الأحداث الراهنة ، يمنع نشر المشاركات المنقولة . |
 |
|
|
LinkBack | أدوات الموضوع | تقييم الموضوع | طرق العرض |
|
#1
04-29-2005, 02:01 AM
|
|||
|
|||
مستشفياتنا الحكومه الى أين ؟؟؟
السلام عليكم والرحمه ...
هالموضوع من زمان كنت كاتبتنه وطرحته في منتدى من المنتديات واليوم اطرحلكم أياه .... مع شوية أضافات عليه ... اسمحولي اليوم بتكلم عن موضوع مهم ويعانونه اغلب المواطنين في دولة الامارات ... وهي المستشفيات الحكوميه ... وممكن اني اكون مبالغه شويه بالوضع ... لكن هالشي الي نشوفه ... بصراحه يقهر ويذبح من القهر ... نبدأ اول شي بخدمة المستشفيات ..... الواحد يدخل صاحي يظهر وفيه علل الدنيا  ... يدخل يلاقي كل حد مكشر  .. كأنهم قالوا للموظفين غصب عليكم داوموا او ان المراجعين ياين يطلبون منهم بيت شعبي ؟؟  ... المفروض انهم قبل مايدخلون ويتوظفون في المستشفياتالحكوميه انهم يتعلمون اساسيات التعامل مع المريض . ***77*** ..او المراجع ..وياخذون كورس بالاستقبال والابتسامه...نشوف الحينه الاستقبال ... تدخل الاستقبال وانته تبتسم تشوف واحد ولا وحده يطالعونك من فوق الين تحت كأنك ياي تخطب بنت الي في الاستقبال  ... واول شي يقولك نعم ؟؟؟ ونعامه ماتروم تبتسم شويه .... المهم تقوله ابغي اشوف الدكتور الفلاني ... وطبعاً بيتفلسف شوي الين ماييك رقاد منه ..ولازم يسألك عن اسمك .. واسم ابوك واسم امك واسم ييراانكم وعقب بيقولك تفضل في الانتظار طبعاً انته هالوقت بيغمى عليك من القهر والمرض زاد عليك  ....تدخل غرفة الانتظار ... وتشوف الكراسي كلمة تلوع بالجبد شويه عليها ... اليدران مشققه كأنك داخل كهف مب داخل مستشفى .. وريحة المطهرات والكلور تطلع مخك من مكانه .. تيلس على الكرسي تحصله مكسور .. أعوذ بالله من المكان ..... طبعاً وبعد انتظار لمدة نص ساعه او اكثر ... او تقدر تقول ساعه ونص .. يرأفون بحالك ويدخلونك على بدر الدجا الي هو الدكتور ... تدخل على الدكتور ... تشوف حجرته اعوذ بالله من حجرته ومن الغبار الي فيها ... تحس انك داخل حجره توهم بيبنونها .... اول شي كالمعتاد ياخذولك الضغط علشان اذا كان ضغطك عادي هم يزيدونه  .... ويقولك شو فيك ... اول ماتبدأ تشتكي ... تقوله اذني تعورني يعطيك بندول  راسي يعورني مايقصر بندول .. بطني أي مسكن والسلام ... انزين افحصوا عدل مثل الناس ... ولا بس حاطينكم حق البندول والمسكن ؟؟؟ نخلص من البندول .. ندخل الغرف ... عنبوه تدخل الغرفه تحصل حجره ميلسن فيها 5077 مريض ... عنبوه جي هذا كله .. لا والمفروض بعد تكون الغرفه هاديه ... تحصل اهل المريض وجيرانهم وجيران جيرانهم بعد موجودين.. واحد يكح وواحد يسعل وواحد يصيح وياهل يدور أمه وانته أيلس واسمع .... والله مسمينه مستشفى على الفاضي المفروض يسمونه مستمرض ... لا والمشكله تشوف الغرفه وتحصل المكيف حار  ... والسرير حاطيلك لحاف ريحته واصله الشارع كأنهم كانوا فارشينه في السكه ... ومخلين السيايير تمر عليه ...وماتحصل سرير للمرافق حاطيلك كرسي وياريت لو انه عدل مكسر ويلوع الجبد ...لا ويوم ييونك السسترات تزيغ منهم كأنك داخل سجن .. كل وحده واااااااارمه شوي وبتنقع .... لا والمشكله انك اذا خالفت اوامرها تشوفك بنظره كأنها بتزغدك ... يمكن اكون بالغت شوي بوصف المستشفيات الحكوميه ..ولكن في اغلب الاشيا كلامي صح ... للأسف مانعرف وين بتوصل مستشفياتنا الحكوميه ... الي اعرفه ان الواحد المفروض يتعالج احسن علاج في المستشفيات الحكوميه ... مب بس عطوك بندول والسلام ؟؟؟ اتمنى من الكل يشاركني بالرأي اذا كنت غلطانه ... والسموحه اختكم:: الم قلب...
|
|
04-29-2005, 11:59 AM
|
#2 | ||||
|
بسم الله الرحمن الرحيم
السلام عليكم ورحمة الله وبركاته عزيزتي الم قلب بارك الله فيج وتسلمين عالطرح الواقعي ابصراحه وهذا غيضٍ من فيض ,, ابصراحه عني انا وخبرتي في بعض المستشفيات كوني ادربت في معظم مستشفياتنا الحكوميه والخاصه واشتغلت في مستشفى حكومي في يومٍ من الأيام والحين في عياده ... رايي التالي ::: (بحط رموز بس عسب نكون واقعيين مع بعض المستشفيات والذكي بيعرف عن اي مستشفى ارمس  )(م.ر.) استقبالهم دفش بعض الشي ونيرساتهم لايعه جبدهم من عمارهم وياريت لو يبتسمون في ويهك .. يعني نحن اللي نعتبر موظفين متدربين يوم تعبنا مالقينا منهم اي اهتمام وتعال خبط لزق بالجهاز يقيسون ضغطك ويقولولك سير مافيك شي ,, انزين غير عن جيه يرطنولك بالهندي ولا الفلبيني وماتعرف شو يقولون رغم شكك انهم طايحين حش فيك << هل هذا يعقل ؟؟ مره مسويه حادث ابصراحه زين انه رب العالمين سلمنا وماتعورنا واايد انا وربيعتي بس اربيعتي للأسف كانت تنزف وايد من خشمها ,, وانا ايدي احترقت من الاير باج ،، المهم تخيلوا ونحن في الصندقه اقصد الحجره اربيعتي يالسه على كرسي وتنزف ومحد منهم سوالها شي ويايين لي انا اللي ما انزف بس محترقه، شو هالاهمال قلتلهم وسيروا عالجوا اربيعتي قبل والله بكل برود ساروا عند اربيعتي !!!!  ولا يايني الشرطي ونحن في حاله ويقولي كيف صار الحادث،، يعني بالله عليكم هذي حاله نحن ويين وتفكيري وييين !! قلتله ياخوي اتشوف الوقت مناسب لمثل هاي الاسئله الحين !!!! المهم .. وعن النظافه .. ابصراحه هالمستشفى احسن عن غيره صح اني ماترقدت فيه ولا اعرف كيف خدماتهم للمرضى ولكن في بعض الاقسام وانا شفت هالشي بعيني يوم ايي المريض وايطيح على طاولة الفحص طبعاً يكون فيها شرشف والله يستخدمون ساعات هالشرشف أكثر من شخص !!!!! << ابصراحه لوعت جبد ,, وكم من مريض من مختلف الجنسيات يستخدمونه سبحان الله يكون فيه مرض يعدي شو ذنب المريض اللي بعده !!!! << محد قاله ايي هالمستشفى مثلاً !!! -------------- (م.د) الاستقبال اهون عن القبلي بس ساعات يعطون المرضى لسان ابصراحه وخصوصاً اذا مش امواطن << تفرقه عنصريه !! التعامل يختلف بين شخص والثاني ابصراحه في منهم يعاملون المرضى بكل احترام ويبتسمون في ويهك ويخففون عنك وفي منهم يخلونك ماتسوى بيزه ,, بس المشكله في هالمستشفى الواسطه تمشي واااااااااااااايد ههههه يعني مريض حليله يتريا من ساعه دوره اييك واحد عالبارد ومبرده لوسمحتوا خلصوني بسرعه !!!!! عاد موظف الاستقبال يجدم فايله وتستوي الجتله عاد ان دش واللي يتريا من ساعه بعده ميلس .. وياما صارت شكاوي وياما صارت ضرايب وياما علا الصوت ... إلخ ***77*** وعن النظافه ابصراحه اشهد انه هالمستشفى نظيف ويتشوفهم 24 ساعه يمسحون في الارضيه واليدرات ,, وماشفت شي عليهم ابصراحه وايد غير المعامله المتخلفه في بعض الموظفين ,, ------------ (م.م) ماظن يبالي ارمس عن خدماته لأني ابصراحه ماعرف عنه اشياء وايده غير في القسم اللي انا ادربت فيه وعاد حدث ولا حرج ,, أمة محمد تتيمع في خنخوش شوف الحشره والرطين بالهندي والمالياني والياباني والصيني هههههه  وكله صوووووووووب والروايح بصوووووووووب حاسة الشم عندك اتعطل ابصراحه  << عانت الكثير حتى دهن العود فشل والمعامله بالصريخ في بعض الاحيان او معظمها عما اظن لأنه الواحد مابيعرف كيف يتعامل معاهم مايفهمون عليك وكله بالاشاره << الاخت طلعت من هناك خبيرة اشاره  (مب اللي فالشوارع  )------ عاد الحين برمس عن العياده اللي انا فيها للأسف الشديد << الاستقاله يمكن تكون فالدرب  المهم .. مابعطيكم اشاره عن اسمها لأنه المسأله حساسه شوي المريض يدش العياده من الصبح ومنهم يتم فيها لين الساعه 3 الظهر والله ما ابالغ << شو نفسيته المسكين ,, ياريت لو يسووبه شي والله يتم يالس وكل مايسير عند الدكتور قالوله صبر الحين بيشوفك والحين عندهم يعني بعد ساعات !!!!!!! التعامل وما ادراك ما التعامل، انت ولا شي عندهم هم فوق وانت تحت لو كانوا هنود وفلبينيين والله ماتسوى وانتوا بكرامه الجوتي اللي لابسينه << مايلبسون نعله  وان قالولهم تراني بنشتكي جنك تقولهم ترانا بنسير نمدحك ههههههه والله مصخره ,, عاد ال vip احم احم تشوفهم يتنافضون من فوق لين تحت تقول حاطينهم عالهزاز ههههههه والنظافه وما ادراك ما النظافه ماظن هالشي في قاموسهم وصاخه وأرف طبعاً القسم اللي أنا فيه او ماتوظفت واتثبت ماشوفلكم إلا ذاك الفار اللي طالعنا من غرفة الفايلات هههههههه وين تلقون شموخ ذاك الوقت  لا وحاطيله بسكوت في قفص بو قفاطه وجد زاخين واحد فيه وزاقريني يافلانه تعالي بنراويج شي << حسبي الله على ابليسهم لوعولي جبدي  ,,وكل ما ازقر مسؤول النظافه واراويه يقولي اوكي اوكي وتعالي يافلانه اليوم الثاني والغبار والوصاخه في مكانه ,, ويوم اييون يمسحون الارضيه بس ابماي اتخيلووون  << خدمتهم تعبانه بس شو بتقول دام الإدراه بكبرها .....!!صدق المكان اللي فيه المفروض ايكون توب في كل شي ولكن ماخفي أعظم ومحد يعرف شو ورا هاليدار إلا اللي وراه !!!!!!!! <<< إن مادشت خلال الاسابيع اليايه لا تستغربون ههههههه ,,والسموحه منكن جان هذربت وايد بس طلعت كل اللي فخاطري ,, احترامي شموخ الإمارات
|
||||
|
04-29-2005, 12:38 PM
|
#3 | |||||
|
.
. ألم قلب .. السلام عليكم ورحمة الله وبركاته .. أول شي .. أشكرج على طرحج لهالموضوع .. لأنه بصراحه واقعي .. واسمحولي براي .. <<< لازم ندخل .. المسأله تخصنا ..  . . في البداية .. انتوا ما تعرفون الأشياء اللي تصير خلف الكواليس .. يعني اللي تستوي لموظفين هالمستشفيات الحكومية .. بصراحه وما ابالغ لو قلت لكم انه عليهم ضغط كبير .. خاصه النيرسات والدكاتره والناس اللي يداومون شفتات .. يعني مشكلة الشفتات اروحها اتبهدل الواحد .. هذا غير التبديل والاجازات المرضيه اللي تعفس الدنيا .. واتلخبط الوضع كله .. يعني .. المفروض مرات .. انقدر ظروف هالموظفين .. ونعذرهم .. لأنه يمكن معاملتهم السيئة ناتجه بسبب الضغط اللي عليهم ..!! لكن .. هذا ما يعني إني أوافق على اللي اشوفه .. لأنه فعلاً فيه مجموعه من موظفي المستشفيات .. معاملتهم أزفت منها ماشي .. اللي يشوفهم يقول يايين نشحت منهم ..!! يا اخي البيزات بيزات الحكومه .. انته لا دافع شي من جيبك ولا هم يحزنون .. الشي الأهم .. انك تاخذ راتب على وظيفتك هذه .. على الأقل ابتسم في وجه الناس .. بتلقى أجر من ربك .. وبتحلل معاشك .. . . بقولكم موقف بسيط .. فيه شي من القهر وفيه شغلة واسطة .. الاسبوع اللي طاف كان عندي إجازة .. وصادف انه اختي عندها موعد في نفس المستشفى اللي اشتغل فيه .. المهم رحت وياها المستشفى .. عطونا موعد للأشعه .. ورحنا الأشعه نسجل الموعد .. أول ما شفت موظفة الاستقبال ( صاير لي معاها موقف قبل  ) .. قلت لأختي لا تعطين هالبنت .. بس هي ما انتبهت لي وراحت عطتها الورقه .. الدكتور كان قايل أنه الأشعه لازم تتسوى خلال أسبوع واحد بس .. لأنه النتيجه ضرورية .. خبرناها وكانت عندنا رسالة موقعه من الدكتور بعد .. ويوم قلنا للبنت نباها الاسبوع الياي .. صرخت في ويوهنا " انتوا شو .. ما تشوفون الزحمة عندنا .. انا ما عندي موعد غير بعد شهر ..!!"قلت لها بس هذه حاله مستعجلة .. قالت " مب مشكلتي ..!!" .. قلت لها انزين وين الدكتورة انا بكلمها .. قالت لي ممنوع تكلمون الدكاتره ..!! ( ما ادري أي قانون هذا ) .. المهم ما سمعت كلامها ورحت للدكتورة وكلمتها أول شي قالت صعب .. بعدين تعمدت أخبرها اني موظفه في المستشفى .. فقالت لي وأنا أقول شكلج مب غريب .. .. اللي صار هنيه .. انها على طول قالت لي .. خلاص تعالوا الاسبوع الياي وأنا بدخلها قبل أي مريض .. لأنه ما بياخذ غير 10 دقايق .. ( يا عيني أنا على الواسطه ) .. تراها في يوم بتحتاجني .. فلازم تساعدني .. مثل ما قالتها لي وحده من الدكاتره ..  . . هذا أبسط موقف ممكن يصير .. غير الأشياء والبلاوي اللي شفتها .. الله يستر عليهم خخخخ .. المهم أنا أدري انه الشكاوي وايده .. ونحن بنفسنا اللي نشتغل في هالمستشفيات .. دوم نشتكي ونوصل الأمر حق المسؤولين مرات .. اتعرفون شو رد البعض منهم .. " والله الميزانية ما تسمح انه نحن نزيد الموظفين .. عشان جذه تحملوهم .. لأنه عليهم ضغط كبير ومرات يكون شغلهم مضاعف .. فلازم بيتوترون وبيعصبون " ..!! أما شغله عجيبه ..  . . انزين عندي تعليق على كلام اختي شموخ .. خخخخ .. اقتباس:
 عشان جذه المستشفى نظيف .. بس صدقيني تراه أحسن واحد من بين المستشفيات اللي ذكرتيها .. من حيث التعامل والنظافه والمبنى نفسه بعد .. . . واسمحولي على الإطاله .. عيبني الموضوع وايد .. وتسلم يمناج يا ألم قلب .. . .
|
|||||
|
04-29-2005, 02:19 PM
|
#4 | |||||||
|
اقتباس:
يختي شو بتقولين ولا بتقولين ابصراحه حاله صعبه رغم تطورنا في باقي المجالات بس بعدنا نعاني من نقص في اسلوب التعامل وطولة البال خصوصاً في المستشفيات ,, والله في بعض الموظفيين لو شو من الضغط فيهم صدقيني يختي انه تعاملهم الطيب مع المريض مستمر ,, لأنه هذا مريض ويعاني فـ مب ناقص معاناه ثانيه ومب هاي الخدمه اللي ينتظرونها منا ,, شوفي في المستشفيات الخاصه والله تعاملهم من ادشين لين تطلعين وانتي معززه مكرمه ,, يرحبون فيج ويعرفون بعمارهم وياخذون ويعطون وياج بس عسب ينسوج شوي التعب والمرض ,, لو انها مستشفيات خاصه وتدفعين فيها ولكن فرق فرق فرق وانا واااااايد اتعلمت من اسلوبهم واستفدت واايد ,, يعني الصراحه نزعل لمثل هالامور واحس انه الموظف في المستشفيات الحكوميه يهمه بس قبض المعاش ومايهمه حبه للوظيفه ومساعدة المرضى !!! الله المستعان ,, اقتباس:
وتعالي عندنا الحين خبرات طيبه ومب طايعين يحطون مسؤول بشكل دائم في قسم من الاقسام والدختور اللي متواجد في هالقسم يبى وحده شقرا وترطن انجليزي بس والسبب أنهم أكثر تنظيماً ويطورون من الاقسام بشكل سريع <<< والله لواته اللي كانت قبل متواجده في هالمكان كانت تفر الشغل على المواطنات وتيلس هي عالمكتب تاكل وتشرب وتكتب رسايلها الخاصه وتسولف ويا اربيعاتها من تيلفون الشغل بالساعات ,, اقتباس:
 وصدق ذاك المستشفى الأفضل من بين اللي ذكرتهم  ,,والسموحه
|
|||||||
|
04-29-2005, 03:49 PM
|
#5 | ||||||||||||
|
السلام عليكم ورحمة الله وبركاته ..
عزيزتي شموخ الأمارات ... تسلمين عزيزتي على ردج الرائع في هالموضوع .... اقتباس:
 اقتباس:
 اقتباس:
 اقتباس:
 اقتباس:
حسبي الله عليكم كاتبين الرجاء الهدوء وانتوا ميمعين مليون مريض في حجره وحده جنه حبس ... عدلو حجركم قبل عقب قولوا الرجاء الهدوء اقتباس:
 اقتباس:
 <<<<<<<<<<<<<<<<<<<< الله يعينج ادعيلج والله  اقتباس:
مشكووووووووووووره فديتج على مرورج الرائع بروعتج ... واتمنى لج كل التوفيق في حياتج ... اختج:: الم قلب
|
||||||||||||
|
04-29-2005, 06:26 PM
|
#6 | |||
|
 شموخ الامارات أنا لو منك أعتزل المهنه خصوصاً إذا فيها مصيدة فيران طبعاً عندنا أنواع المستشفيات والقرف بس الحمد لله أنا ما أدخل مستشفى حكومي إلا إذا أكلت من المطاعم أيام البرد في هذي اللحظه أروح للمستشفى الجامعي ( مستشفى راقي بمعنى الكلمه , الخدمات والنظافه  من أحسن مايكون , يتعاملون معك بذوووووووووووق حتى اللي ينظفون لو قلتي شيلوني حطوني بالزباله حطوك ) ....لكن ما أروحه إلا ويروح الألم عني وارجع من المستشفى وأنا حزينه على المشاهد اللي اشوفها بالاستراحه . . المشهد الأول حرمه حامل وشوي وبتولد مادخلوها عشان مش من مراجعين المستشفى لكن إذا بتولد على الباب فبيرحبون فيها . . المشهد الثاني وحده افريقيه مسكينه قاعده تصيح في الاستراحه وأنا ياحرام تقطع قلبي عليها بغيت أقوم أحب على راسها واسكتها والله فكرت بعد أعالجها على حسابي في مستشفى خاص <<< من زود الدلاخه وهم مارضوا يدخلونها عشان ماعندها إقامه ويوم فقدت الأمل خرجت لسانها عليهم  ولا كأن فيها شي  وقاعده تقرقر ويا جماعتها بلغه غير مفهومه ... أنا بصراحه في البدايه كرهت الدكاتره والاستقبال ونظام المستشفى , قلت حرام كذا مايصير , بس يوم شفتها قامت مثل الحصان وتصارخ عليهم قلت زين سوو فيك الحمد لله ما عالجتك على حسابي  <<< إيه هين بتعالجينها . . بس ماعندي زود هذي اللي أذكرها  وإذا عندي الم مستعصي أروح لمستوصف خاص بجنبنا ماحد يجيه غيري عندهم غرفه مليانه إبر إن شا الله تقولين فيني صداع عطوك إبره  ..نبدأ بالجد المستشفيات الحكوميه أكيد يدخلها من كل الأجناس والأشكال فبتكون زحمه دايم والموظفين مايقدرون يلحقون على مين أو مين صح المفروض يتعاملون بذوق شوي بس حتى بعض الناس ماتعرف كيف تتعامل مع الموظفين يعني بيكون عليهم ضغط في الشغل وفي توزيع الابتسامات والكلام الزين ففيه العربي وفيه البنقالي وفيه الفلبيني ومن كل الأجناس وفيه من أهل القرى وفي من أهل المدن وفيه الصغير وفيه الكبير وفيه المسنين فيه المريض وفيه الصاحي فيه المتعلم وفيه الجاهل فيه العصبي وفيه الطفشان المتنكد وفيه الراكد فيه الحار وفيه البارد . . . . وموظف الاستقبال أو الدكتور أو عمال النظافه يستقبلون هالكم الهائل من البشر ؟؟؟؟؟ الله يكون في عونهم صح المفروض مايكون فيه التقصير اللي نشوفه لكن لازم نراعي الضغط اللي متحملينه عزيزتي  ألم قلب سلمت يمينكِ على الموضوع الصريح من أوله لين آخره تحياتي المعطره بأريجووووووووو
|
|||
|
04-30-2005, 01:53 AM
|
#7 | |||||||
|
السلام عليكم ورحمة الله وبركاته ..
عزيزتي طفلة حب .. في البدايه أشكرج على مرورج الرائع اقتباس:
عيل المستشفيات الخاصه بعد عندهم شفتات .. لكن صراحه معاملتهم أكثر عن رائعه ... كذا مره طحت في المستفى والله ان النيرس يوم تواعيني الصبح أشوفها تبتسم ومحلاتها ... مع انها تكون مداومه شفت ... أشوفها مثلاً الساعه 8 المغرب .. واليوم الثاني الساعه 7 أرد أشوفها لكنها على الأقل تبتسم .. لكن المستشفيات الحكوميه حدث ولا حرج أعوذ بالله .... اقتباس:
جي ماكلين حلالكم ؟؟؟ويوم أقول يبالهم كورس في أساسيات التعامل مع المريض ماجذبت  اقتباس:
ولو انا بدالج وشفت هذي تصرخ بسألها (( اختي انتي بأي أيد تكتبين ؟؟)) واذا قالتلي اليمين بقوللها (( نشي كفخيني فيها )) اخاف المستشفى مكتوب بأسمها وانا ماادري بس زين سويتي مادام الأشعه مستعجله .. لكن واحد ظفره عوره ودخلوه على الدكتور واللي بيموت ومرتزع من سنة الف وتسعميه وخشبه يتريا شو ذنبه فقير؟؟؟؟ تسلمين عزيزتي على مرورج الرائع واتمنى لج كل التوفيق اختج::الم قلب...
|
|||||||
|
04-30-2005, 10:20 AM
|
#8 | ||||
|
السلام عليكم ورحمة الله وبركاته
اشكرج ختية الم قلب على طرح الموضوع لانه الكل يعاني ولو اخبركم عن اللي اعرفه شو بتقولون هالمستشفيات مجرمين قتله والله.... صح انا مؤمنة بقضاء الله وقدره لكن لهم يد في قتل شخصين عزيزين على نفسي بسبب قلة فهمهم وغبائهم وتسرعهم ..... بس الحمدلله ما قد عانيت من وصاخة المستشفيات وريحتها وريحة الفرش وجي بس صار موقف غريب اقولكم شو ... ************************* اتخيلوو مره سرت المستشفى وشفت صرصور وعود بعد مب صغير .... ولما قلت حق العاملة شوفي اتقفطت وما سوت شي..... تعرفون ليش..... لانه بكل بساطه شرد عنها الصرصــــــــــــور....الله يعزكم مب مستشفى مزبلة ************************ يعطون ادوية بالهبل .... مب عارفين وين ولا شو يسوون فيها يعني مثال: فيك زكام وسخونة... يعطونك غرشتين أدول وكيس بندول ما فيه الا 6 حبات بس (( بخل )) ... ويعطونك غرشتين قطر حق الخشم .... انزين ليش جي ... ما نعرف والله ********************** بقولكم عن موظفة استقبال كانت تشتغل سابقا في (م.ج) والحين للأسف نقلوها لعيادتنا اللي في منطقتنا ... اتعرفون شو سوت بي ... الموقف كالآتي وبدون بهارات والله العظيم.. الساعه 8 الصبح ... دخلت المستشفى واتجهت لقسم الجلدية لاني أراجع عندهم من تقريبا 4 شهور وفي كل مره تعطيني الدكتورة موعد يناسبني بسبب دراستي لاني ما اقدر اقطع العلاج ولا دراستي .. دخلت العيادة واقول لموظفة الاستقبال لو سمحتي اختي وهيه بو لباس ولا جنه حد يرمسها .. قلتلها مره ثانية نشت وظهرت من غرفة الاستقبال مع انها تشوفني ... ومافي حد في الاستقبال اطريت اني اتريا ... ورجعت ست الحسن وعطيتها البطاقة والله لو شفتوهها اتقولي هاتي "مواطنه على فكرة " تقولي هاتي وتسحب البطاقة من يدي جنها بتضربني ما اعرف كيف..... يمكن انا اشابه احد هي تكرهه والله ما اعرف شو السالفة ولا غيرانه لاني احلى عنها يمكن بعد كل شي جايز ... المهم وانا اتريا واتريا واتريا .......صارت 10 والناس اللي يووو قبلي دخلوو وانا ما زلت اتريا واتريا وصارت 11 وكل اشوي اسال اتقولي دخلت الملف وهي اطالعني باحتقار واتقولي هيه بس اتريي اشوي الحين بدخلين.... وانا ماسكه اعصابي قلت اذا اهيه هذا اسلوبها فانا اسلوبي ارقى بوايد ومب هذا الشي اللي علموني عليه هليه وسكت وصارت 12 وخلاف 1 عاااد اهني طفح الكيل اهليه يتريووني وهيه ولا في الحسبان تعرفون شو سوت ... ما كانت مدخله ملفية وهيه طول الوقت اتقولي دخلته ... والدكتورة كانت فاضية ما عندها مرضى ...يعني لو كانت حالتي عادية بقول يالله ما عليه بس والله ما كان ينصرف لي دوا الا كل شهر والمشكله اني اذا وقفت عن الدوا له تاثير مباشر على القلب لانه الدوا اللي كنت آخذه يزيد الكليسترول في الدم يعني اتخيلوو طافني الموعد بسبتها وينزل معدل الكليسترول في دمي فجأة بسبة غبائها ...انا شو اسوي حزتها اموت ... المهم زعقت عليها وصخت ولا قالت شي لانها تعرف انها غلطانه ... هي ما تروم اتقول شي شلت ملفي وسرت عن الدختورة ... وقلتلها وهي بروحها الدختورة مستغربة من تصرف الموظفة.... والله ودي اظربها من الله.....من اللي في خاطري عليها ... *************** موقف ثاني طبعا كلكم تعرفون انه الحين كل المستشفيات انضمن للهيئة الصحية يعني دوامهم من 8 الصبح لين 4 العصر والزام الثاني من 4 العصر لين 11 فليل.. سرت المستشفى 3:15 الظهر عشان الاسنان لانه اذا حد يبا يعالج اسنانه العصر لازم يسير يرتزع في المستشفى من الساعه 3 ولا ما بيدخل على الدكتور المهم شوشفت والله بعيني شفت وبأذني سمعت الدختورة تقول حق موظفة الاستقبال طلعي من غرفة الاستقبال الحينه لا ادخلين مرضى علينا الغرف واتقول السيستر هي طلعي نحن دوامنا يخلص 4 لا ادخلين حد وحزتها كانت الساعه 3:20 الظهر .... وبعد حزتها ريال حليله يايب ولده الصغير تعبان اتصدقون خلوه يتريا الين الساعه 4:30 لين ماسارووو شفت الصبح ويووو شفت المسا... وعاد شفت المسا يبدا الدوام عندهم الرسمي الساعه 4 بالضبط لكن متى يدخل عليهم المريض الساعه 4:45 واللــــــــــــــــــــه اني ما ابالغ والله يشهد على كل كلمة اقولها..... ************ وطبعا غير الدخاترة اللي يخلون المرضى يتريون وهم ييليسون ويرمسون في التيلفون ثلث ساعه ولا نص ساعه ولا عبالهم المرضى واشغالهم ولا حالتهم الصحية شو هي ... ************* ومواقف وااايد ووااايد ولا حد داري عنها .... قتلو ناس عزيزين عليه وسوولهم عمليات بدون ما يعرفون شو السبب والحرقة بقلبي والله والعبرة تخنقني ... قمنا نخاف نسير المستشفيات الحكومية وداومنا على الخاص.... وسمحولية اذا قلت كلمة جي ولا جي بس من القهر زود بقلبي ما عرفت شكتب ... دانة القلوب
|
||||
|
04-30-2005, 06:36 PM
|
#9 | |||||||
|
السلام عليكم ...
عزيزتي أريج .. أشكرج على مرورج الرائع والجميل عزيزتي  ...اقتباس:
اقتباس:
يوم دخلت وحليلها ماكانت تقدر تنش من على الشبريه وريلها تعورها وهنتين من السسترات يالسات يسولفن جنه العيد .. بالذمه الحينه هالموقف مايقهر ؟؟؟ اقتباس:
الواحد وده انه يجلع عيونهم صراحه مشكوره عزيزتي مره ثانيه على مرورج الرائع وماتقصرين اختج::الم قلب...
|
|||||||
|
04-30-2005, 08:44 PM
|
#10 | |||||
|
اقتباس:
وانتظر عودتج عزيزتي
|
|||||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
