الفنان الصغير ( محمد الكثيري) مع قناة الفجوور

اول شى مب مشكله يمني ولا اي جنسيه المشكله في تخلفنا الكبير هذا اصله وهذا اصله هني الخطا --شوفو الدول المتقدمه الغربيه من رئيسهم الي اخر واحد في الشعب من كل الاصول مثال امريكا السود الزنوج من افريقيا اغنى ناس واشهرهم على الاطلاق وكل مكان في العالم مب نحن هذا وهذا--------- وفي مثل يقول راعي الاصل ما يتكلم عن اصول الناس --------- والاصيل دومه محترم وثاني شى المشكله في وزارة اعلام وهي المسئوله وهذى حريه شخصيه والعتب على اهله اللي شجعوه وابوه الظاهر فرحان وايد بيربح المليون والولد مب مشكله لو ضاع بي غيره

السلام عليكم ورحمة الله وبركاته

اشكرك اخويه فارس الظاهري على الموضوع..


بصرااحه رايي صوت محمد الكثيري مب لين هناك يعني مش حلووو صوت عادي ... وبعدين انا اشوف الكل متعاطف معاه ويشجعه لانه صغير في السن بس ...

وانا وياج ختيه سارة لو كانو اهله مخلينه يحفظ قرآن ابرك والله ...

بسس شو انقول ... لو قلنا لين باجر ... محمد الكثيري ظهر في التلفزيون والناس عرفوه والشعراء الكبار بيعطونه اشعارهم وحتى الشعراء الصغار بيعطونه اشعار عشان يشتهرون على حسابه هالمسكين ...

شو انقول

ما باليد حيله


ولكم تحياتي ...


دانة القلوب

السلام عليكم..

شكرا على الموضوع الحلو .. و أمس كنت أفكر في محمد أول مرة أشوفه كنت في بيت ربيعتي .البنات في المدرسة دايما يتكلمون عن محمد الكثيري و الكثيري راح و الكثيري قعد ..
قلت هذا محمد الكثيري مب سهل مطير عقول البنات .. آخر شي طلع ياهل عمره11 سنة لين الحين ما طلع من البيضة و مشارك في هذا البرنامج .. و شفت المكان يعني مكان المفروض واحد في عمره مايدش هالمكان.. المكااااااااااااااااان فظييييييييييييييع بمعنى الكلمة .. المكان كله بنات و المشكلة انهم يرقصون جان زين كل وحدة قاعدة مكانها و أغاني و سوالف ...(و ما خفي أعظم )
و للأسف ما سمعت صوته بس الكل يقول صوته حلو .. استغلوا موهبته مثلا خلو الولد يشترك في المهرجانات الإنشادية . .. تتبناه المدرسة و تصقل موهبته .. أي شي أحين محد راح يتبنى موهبته إلا هالقنــــــــــــــــــــــــــــــــــــــاة المـــــــــنحــطة ...هو ياهل و دش هالمكان الفظيع اللي كله رقص و اغاني عيل إذا كبر شنو راح يصير فيه ؟؟؟

أدري إني طولت و تفلسفت أشكرك مرة ثانية أخوي فارس عالموضوع .....

في انتظار جديدك...

أختك
كت كات

اول شي احب اشكرك اخوي الفارس عالموضوع
ثاني شي هم ضيعوا عليه سنه دراسيه واخر شي ما فاز
صدق والله يحليله هو صغير يعني شو بيستوي لو خلوه ينشد مب هم يبون المليون؟؟
ومشكووور اخوي عالموضوع

الخطأ كله على اهله ..
ولا قناه ماعليها من شي مستفيده من وراه ..
ياويلهم من الله على اهمالهم لولدهم ..
اذا جيه بدايه حياته عيل عقب شو ؟!! ..
الله يهديه و يبعده عن هذا طريق ..

بسم الله الرحمن الرحيم

تحيه طيبه وبعد

نعم اختي العزيزة سارة ,, لماذا لم يستغلو صوته الجميل في تلاوه القرآن

والعتب اولا على االاهل وثانيا على اعلامنا الذي يبث بدون رقابه
نعم كيف تسمح لقنوات هابطه غرضها الفتنه والغناء والخروج من الدين ونحن دولة عربية اسلامـــــــــــــــــــــــــــــــــية

ولكم الشكر

بغض النظر اذا كان الولد اماراتي ولا يمني في النهاية نحن كلنا عرب



وبعدين الاهل هم الاساس ومن المفروض انهم يستغلونه الاستغلا ل الحسن هب السئ


الله يهدي الجميع لما يحبه ويرضاه



سبحان الله والحمد لله ولا اله الا الله والله أكبر

بالنسبه لهالولد كنت من مره من المرات اتجول في التلفزيون وطاحت عيني على قناه شفت فيها هالطفل اللي تقولون عنه يغني ويرقص تفاجأت وهذي اول مره ادري عن البرنامج وصوته بصراحه مو ذاك الزود الناس يرشحونه لانه صغير مو عشان صوته وبعدين يوم يكبر بيتغير هالصوت اللي عاد انه عاجبهم وغير جذيه انا اشوف ذنبه برقبة اهله اللي مشجعينه على هالشي ويعدين على هالناس اللي يرفعونه من مكانه الى مكانه وهم مايدرون وش من بلاوي تنتظر هالمسكين ويخلونه يصدق عمره واللي يحزني اطثر انه يرقص ويشتط في الرقص والكل يصفقله): وثالث شي ولو اني مابي اذكره على هالقناه الفاسقه لان هالشي مو غريب على قناه مثل هذي كل يوم تطلع قناه مثلها واردى وتخرب عقول عيالنا الله يستر علينا دنيا واخره ويبعد عنا وعنكم الاذى...

جزاكم الله خير على طرح الموضوع اللي في غاية الاهميه عل وعسى يقرون اهله ويطلعونه من هالوكر اللي قطروه فيه وماظن يفتك منه الا اذا الله هذاه واتمنى هالشي يصير ...