|
|
|
|
|
|
||
| إعلانات منتديات ألم الإمارات |
|
|
|||||||
| مجلس الحوار و المقالات مناقشة القضايا الإنسانية والفكرية و الأحداث الراهنة ، يمنع نشر المشاركات المنقولة . |
 |
|
|
LinkBack | أدوات الموضوع | تقييم الموضوع | طرق العرض |
|
#1
05-12-2005, 12:09 PM
|
||
|
||
نــــــقـــــاط.......... لـ ألــ الإمـــارات ـــم
يسعد صباحكم انشالله تكونون بخير جميعا تبون الجد مااعرف ارتب مقدمه لكلامي علشان كذا ... بعرض الموضوع مباشره.. مـــوضوعي هذا عبارة عن نقاط النقطة الأولى.... (مستوى المجلس) بالله ماتشوفون إن كل ماله وهو بالنازل .. انتم تشوفون معي أكثر القصص اللي تنعرض اللحين .. صايره بلا هدف ولامضمون ... (بارتي هذي مش بارت ) النقطة الثانية.... (للمراقبين) لاتظنون إنكم ما تتحملون جزء من الخطأ... مسؤوليتكم المفروض ماتكون بس حذف وتعديل الردود والقصص بتقولون .. إن القصص محافظه على شروط المجلس اوكي ايش هي شروط المجلس ؟؟ مش من أهمها إن تكون القصة تحوي هدف ومضمون وفكره (( طيب وين الهدف والمضمون وأهمها الفكرة السليمة اللي وصلوها )) بتقولون بنقتل مواهب إذا احنا ماطرحنا قصصهم للعرض وان الناس لازم تقرأها وتنتقدها ومنها بيستفيد الكاتب (الموهوب) بقولكم .............. الكاتب هو ناقد نفسه الأول ... اوكي عندي لكم حل للكاتب اللي يبي يكتشف إذا يمتلك موهبة الكتابة أو لا (اشتري لك دفتر أبو أربعين واكتب فيه قصتك.. وعلشان مانتعبك معنا ..اكتب 5 أجزاء فقط منها .. وانسى الدفتر 3 شهور بس ... بعدها ارجع اقرأ قصتك .. وشووف إذا أنت نفسك تقبلتها أو لا ............ صدقوني كثير من الكتاب بالمنتدى ... بيحرقون الدفتر أبو أربعين عن طيب خاطر ) 8 8 8 لاتظنونها استخفاف بقدر ماابي أوضح لكم إن الاغلبيه يكتب كلام فاضي .................. المفروض اللي يحصل .. انكم تتفقون مع أي شخص بيكتب قصه يسلمكم على الأقل أول 6 أجزاء منها ...ويحدد هو يوم لنفسه انه ينزل فيه القصة.... وكل بارت ينزله للقراء يعوض عنه ببارت يرسله لك (تكمله للقصة).... في حاله صارت له ظروف لاسمح الله والا مش فاضي يدخل النت يكون أنت اوردي عندك الأجزاء تنزلها الى ماتتعدل ظروفه.......(بيتقول وش الاستفادة من الحكاية كلها ... بقولك ..منها احترام للقراء المتابعين وتقدير لوقتهم .. وتقليل من عدد صفحات القصة .. ومنها أنت تكون اوردي مشيك على القصة إذا اختل فيها شرط أو لا ...) اما في حاله ... انك شفت تهاون من الكاتب في عرض الأجزاء اكثر من مره (تكون طبعا محذره .. وتجاهل تحذيرك) عقاب ... تتقفل القصة .................(ويكون تنبيه لغيره برضو) .... وبعض اللي بيكتبون لكم ... بتلاقي قصصهم يااما عندهم أسلوب بس ماعندهم فكره .... وإلا فيه فكره بالقصة بس الأسلوب عدم.... أو الاثنين مش موجودين بالقصة ... حاولوا توجهونهم بالبداية ..لأنكم كتاب قبل لاتصيرون مراقبين ..... وإذا لاقيت عنده موهبة .. قول له يطورها بقصه ثانيه (والأولى ينساها) النقطة الثالثة ..... (شوفه النفس في بعض الكتاب) ماادري انتم مثلي ملاحظين إن الكتاب كانوا طبيعين في بدايه كتابتهم للقصص كان ينزل الجزء في وقت معين ويوم محدد (هذا اذا مانزلها قبلها بيوم) وبعد ماتفاعلوا معه القراء صار يأخر البارت شوي شوي إلى مااصار (يتمنن) عليهم بالقصة .. واحتمال كبير بوسط القصة أو عالنهايه ينزل رد انه خلاص بيقفلهااا..... (يستنى القراء يترجونه يكملها ) وطبعا مايقصرون يترجونه (كأنهم يرجونه الجنة) ... وليته إذا رجع يرد عليهم يكون رده بذوق ..........................(نو كومنت) ....ياكاتب .. تبي تنزل قصه ... اوكي قبلها بفترة تأكد إن ماعليك امتحانات... ولا عندكم زواجات فجأة ورى بعض ... ولا بوسط الشهر مقررين تقضون الصيفية بمكان مافيه نت .....(على فكره للي بيصيفون بموريتانيا هالسنه ...ترا فيها مقاهي نت).... وارحموا هالقراء اللي يضيع وقتهم هم بعد علشان ينتظرون منكم جزء واتذكروا مو بس انتم اللي بيزي مرررره ترى حتى هم يدرسون وعليهم امتحانات وعندهم زواجات..هذا غير فواتيرالنت بسبب الانتظار.... النقطة الرابعة....... (أسماء القصص) طيب مو أنت تقول عن نفسك موهوب وكاتب ولك قراءك وشعبيتك اوكي .. قدم لقرائك اسم يرسخ ببالهم يناسب القصة (الرائعة) اللي تعبت بتأليفها...... وبلاش كل مانزل البوم بالسوق ... اخذتوا أغنيتها الضاربة ونزلتوا عليها قصه... كويس اغلبهم مايسمع فيروز وإلا بكرا فيه قصه اسمها (طير الوروار) النقطة المهمة.... لااحد يأخذ الموضوع علي انه محمل شخصي أو تقليل من شأن المجلس.. ويتجاهل فكرتي الاساسيه اللي هي..(رفع مستوى المجلس والتعاون علي عودته لعصره الذهبي) ونـــهـــاركــم ود هـــــــــــــام الــــــــســــــحــــــب 
|
|
05-12-2005, 12:37 PM
|
#2 | ||||
|
هـام السحب
انا مأيده كلامج 100% وان شاء الله هالمجلس بيتغير وبيتطور للأحسن .. وبخصوص العناوين بعد انا شايفه ان اهم شي ابتكـار عنوان قصه مايزيد عن ثلاث كلمات .. ومايكون بيت شعر ولا قصيده ولا ولالا ..الخ وغير هذا فعلا في قصص جديده بلا هدف .. وانا فبالي اصلا ان اللي يبي ينزل قصه جديده لازم يدزها للمراقب اول .. ويرسل اقل شي كبدايه خمس اجزاء .. وبخصوص اللي يتأخرون بتنزيل الاجزاء .. احس انها مسأله ظروف ليس الا .. وفي البعض مادري له قصد ثاني من هالحركه ! اختي هام السحب فعلا نقاطج رائعه .. وتساعد على تطوير المجلس .. واحنا ان شاء الله راح ناخذ فيهـا .. ومشوار الالف ميل بيبدأ بخطـوة .. انا عندي ثقه كبيره ان المنتدى راح يرجع مثل اول .. لكن ايد وحده ماتصفق .. همتكم معانا .. انتوا يالاعضاء ساعدونا على التطوير .. لا ترجعونا لي وراء وتخالفون .. ويعطيج الف الف عافيه يالغاليه .. موضوع رائع .. اوعدج سيؤخذ بعيـن الاعتـبار .. اختج / انين
|
||||
|
05-12-2005, 01:35 PM
|
#3 | ||||
|
وعليكم السلام ورحمة الله وبركاته
جميع النقاط المذكوره في الموضوع تحتاج إلى تصحيح وإن شاء الله راح نحاول جهدنا في تطوير هالمجلس يعطيكم العافيه على صراحتكم أختي
|
||||
|
05-12-2005, 09:45 PM
|
#4 | ||||
|
اقتباس:
الكاتب إنسان ولابد لمشاكل الحياة أن تشغله |
||||
|
05-12-2005, 10:17 PM
|
#5 | ||||
|
مرحباااا اختي هاام السحاب
الله يعطييج العافيييه على هالموضوووع بصرااحه دائما مواضيعج ذااات اهميه وهالمره عن جد موضووع مسستي فيه واقع منتدانااا نحن مانلووم ادارتناااا بالعكس اخونا ألم مش مقصر ..بس بعد مراقبينااا لازم يركزون على سالفة القصص والهدف منهااا ..والاهم الاهم ..مواعيد تنزيلهااا .. لانج اختي بهالنقطه ضربتي عالوتر ..عن جد في كتاب قامووو مايراعون الاعضااء بردودهم ..طيب رد لم يعجبك ..ليش التحامل على الكل امااا دفاعج عن الاعضاااء واعذارج لهم ..كانت والله في محلهااا ..نحن بعد مسااكين (جلبت السالفه اشوف هههههههه) والله بعد مانلومهم احيانا ينضغطون ..بس الانسان لازم يكون عند كلمته ومايتاخر هالفتره الطويله ..اللي يخلي قصته تفقد قيمتهاا المهم مشكوره اختي على موضوعج الرائع ونامل بمراقبينا كل خير ..لرفع منتدانااا لارقى مستوى اختج رنة خلخال
|
||||
|
05-12-2005, 10:30 PM
|
#6 | ||||
|
السلام عليكم...........
انا عن نفسي وياج... في وااااااااااااااايد قصص بدون هدف ولا مضمون انا ما اقول انكم ما تعرفون تكتبون لا بس تحتاجون شوي بعد حبكة في القصة..... والسموحة : أم_عقصين.....
|
||||
|
05-12-2005, 11:08 PM
|
#7 | |||
|
انا بقول وايد لانج وفيتي
المنتدى فعلا و كلما له في النازل لدرجة اني قمت ادور ققصص قديمة تستاهل تنقرا و ثانيا في قصص فعلا فعلا ما لها مضمون و يمكن القارىء ما يحس بها الشي الا اذا قصة عدلة ذيج الساعة يبدي يقارن الاول كنت اقول اوكي اول مرة اشوف هالاسلوب و الاحداث الحين كل ما فتحت قصة الاحظ انها تشبه القصص الباقية لدرجة ان اغلب هالقصص متوقعة الاحداث في قصص احداثها عادية لكن تحمل عبرة و ترسم واقع و هالشي ما عاد موجود في كثير من القصص للأسف .. قمت افتقد منتدى القصص . |
|||
|
05-12-2005, 11:28 PM
|
#8 | ||||
|
السلام عليكم
تسلمين أختي هام السحب على صراحتك وعلى كل كلمه قلتيه لان بالفعل المجلس كل مالها والمستوي في النازل يعني انا من عشاق منتدي الم الامارات وبالاصح ماادش اي منتدي ثاني غيرها بس للاسف اتضايق وانا ادش وشوف القصص مستواه هابط ياعالم نبي قصص مثل اموت واحيابك ومثل غربة الايام وللايام قرار اخر وابداعت اخوي اماراتي صفحة الم قصص لها هدف مو عنتر يحب عبله وهي تحبه بس هو ماحصل وظيفه او قيس يبي ليلى وليلى تبي ولد الجيران نبغي شي يتكلم عن واقعنا عن حياتنا او عن التضحيه الاخلاص الوفاء عن عاداتنا وتقاليدنا واسمحولي على الاطاله وهاي وجهة نظري 
|
||||
|
05-12-2005, 11:56 PM
|
#9 | |||||
|
اقتباس:
نا معك اختي لجل عينك بكل كلمه قلتيها
|
|||||
|
05-13-2005, 12:14 AM
|
#10 | |||||
|
اقتباس:
انا بعد معك بنفس الكلام حتى اني صرت اقرا القصص القديمه اللي كنت قاريتها قبل عشان استمتع شوي بقصص حلوه وزينه وسنعه <<<لاحظوا بس ردين وكلهم اقتباس مالت علي<<<ما تحب تكتب
|
|||||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
