|
|
|
|
|
|
||
| إعلانات منتديات ألم الإمارات |
|
|
|||||||
| مجلس الحوار و المقالات مناقشة القضايا الإنسانية والفكرية و الأحداث الراهنة ، يمنع نشر المشاركات المنقولة . |
 |
|
|
LinkBack | أدوات الموضوع | تقييم الموضوع | طرق العرض |
|
#1
05-17-2005, 11:33 PM
|
|||
|
|||
وأخيراً...تخرجت
السلام عليكم ورحمة الله وبركاته
اليوم...وبعد رحلة طويلة استغرقت4سنوات كانت حفلة تخرجي اللي فيها فعلا حسيت اني خلاص بودع الجامعة ...بودع ربيعاتي..بودع دكاترتي وأساتذتي.. بس بعد الفرحة كان طعمها غير اليـــــــــوم كان غير بالنسبة لي أول مالبست كاب التخرج حسيت باحساس غريب احساس ممزوج، فرح مع حزن،ولما كرمني العميد ونزلت من على الاستيج باركن لي ربيعاتي ..بصراحة ما قدرت وانفجرت يلست اصيح واصيح ما ادري من الفرحة ولا شو...بس الحين انا تأكدت انها دموع حزن على فراق ربيعاتي،اللي شاطرني هالرحلة وتقاسمنا الحلوة والمرة وكل وحدة قلبها على الثانية وتحاتي ربيعتها اكثر من نفسها..لو بلف المعمورة كلها ما بحصل شراتهن..بس أقول عسى الله ما يفرقنا طبعا بتقولون هاي ليش يالسة تكتب هالكلام..بصراحة اليوم حسيت بفرحة التخرج..فرحة طعمها غير والله صدقوني غير..لما تخرجت من الثانوية ما حسيت بهالفرحة..فرحة جني الثمار طول اربع سنوات وانا ازرع واليوم حصدت نتاج زرعي.. فحبيت أعرف رايكم طبعا اللي تخرجوا من مدرسة او جامعة او معهد او كلية ...شو كان شعوركم يوم التخرج؟؟؟ ودمتم بود 
|
|
05-17-2005, 11:44 PM
|
#2 | ||||
|
الللللللــــــــــــــــــــــــــــــــــــــــــ ــه مبرووووووووووووووووووووك اختي ألف ألف ألف مبرووووك ... وتستاهلين والله ... الله يوفقج في شغلج ان شااالله وفي حياتج العمليه والشخصيه..دنيا وآخره يارب ... انا ان شااللله السنه اليايه بتخرج من الجامعه ... انا ياني هالشعور بالفرح والصياح اللي ماوقف، يوم تخرجت من الثانوية... طلعت من الاوائل عالبلاد ويبت 96%، وكنت الوحيده في مدرستي اللي يابت هالنسبه  ف حسيت بفرحه رهيبه ... المديره والمدرسات والاداريات كلهم اتصلوا وباركولي وباركوا حق أمي .. حسيت ساعتها إن العذاب كله انتهى ... وان خلاص ما في دراسه anymore!! جان أنصدم ان للحين يدامي جامعه  بس والله أدري بالشعور اللي فيج .... روووووووووووووووووعه ... اتحسين الدنيا مب شالتج من الفرحه  بالذات لما اتكونين صج تعبتي وكافحتي وعندج هدف تبين توصلين له...  ياوييييييلييييي مااقدر أتخيل نفسي لابسه بالطو التخرج وشاله شهادتي في ايدي .. شعور بالفخر والرهبه والفرحه والحزن  الله يوفقج حبيبتي وييسر أمورج دنيا وآخره .. ويسهل علينا كلنا دراستنا لين مانلبس البالطو ونتخرج آآآآميييييين ... 
|
||||
|
05-18-2005, 09:22 AM
|
#3 | ||||
|
الف مبروك ان شاء الله انشوفج عروس بس انا اقرا الموضوع وشعر يمبي قام انا بعد حسيت بالشعور يوم تخرجت من الثانويه والله احساس ما في بعده انتي ما عرافه روحج انتي اتصيحين ولا اتضحكي انتي حزنانه ولا فرحانه
والله يوفق الجميع ان شاء الله
|
||||
|
05-20-2005, 12:16 PM
|
#4 | |||
|
والله اختي آنة الحين ابتديت امتحاناتنا الثانوية وانشالله بتخرج هالسنة ادعولي كل من يقرا ردي يدعيلي وآنة بكلامكم هذا خليتوني أستانس من هالشعور ، صج اني بفارق رفيجاتي بس أكيد القريبين مني بيكونون معاي على طول انشالله ، فرحة التخرج آنة ماعشتها ليلحين لكني أتوقعها حلوة وماتننسي ، حبيت أشارككم مع اني ما عشت هالفرحة ليلحين وشكرا ، سامحوني على التعبير العجيييييييييييب ***77***
|
|||
|
05-20-2005, 02:30 PM
|
#5 | ||||
|
مبروووك الغااليــــــــــــــــــــــه .. الف الف مبروووك وتستااهلين
 الصرااحه وقف شعر يمبي يوم قريت شعورج .. تستاهلين الغاليه  والله يوفقج في حياتج العلميه والعمليه .. ونسمع خبر زفافج قريب انشالله وعقبااالي .. وعقبال الكل انشالله اختج ريماني
|
||||
|
05-20-2005, 02:54 PM
|
#6 | ||||
|
الف مبـــــــــــــــــــــــروووووووووك اختي على و عقبالي ان شاء الله..كل يوم احلم في هاللحظة " متى بتعدي هالسنتين" جربت هالشعور يوم حفل التخرج من الثانوية " اروع شعوووووووور"..والله ما حسيت بفرحة كثر فرحة التخرج.. و الله يوفق الجميع ان شاء اختج Her_Highness
|
||||
|
05-20-2005, 06:24 PM
|
#7 | ||||
|
جزيل الشكر لكل من مر وقرأ مشاركتي
ســـــــــارة....الله يبارك فيج الغالية وان شاءالله نفرح بتخرجج جريب وبتلبسين عباة التخرج والكاب وبتستانسين ان شاءالله..دلوعة بو محمد...الله يبارك فيج الشيخة..والله يوفق الجميع.  غصن الجوري...مشكورة حبيبتي على مرورج وان شاءالله بتعيشين هالتجربة جريب،الله يوفقج ويسهل عليج امتحاناتج.  ريماني الدلوعة...الله يبارك فيج فديتج..وعقبالج ان شاءالله،بتذوقين طعم الفرح غير لما تتخرجين. Her_Highness...الله يبارك فيج غناتي..وعقبالج ان شاءالله وصدقيني فرحة التخرج غيييييير.  دمتم بود 
|
||||
|
05-20-2005, 11:07 PM
|
#8 | |||
|
مبرووك اختي ... بس ماقلتي لنـــا شو دارسه؟؟
تخرجتي دبلوماسية؟ جغرافية؟ مهندسة ولا شو بالضبط عشـــان نبارك لج اكثر لووول |
|||
|
05-21-2005, 10:14 AM
|
#9 | ||||
|
الله يبارك فيك أخويه قيصر الامارات...تخصصي نظم معلومات إدارية
الحين عاد بارك أكثر...
|
||||
|
05-21-2005, 11:45 AM
|
#10 | ||||
|
الف الف مبرووووووووووووك اختي الله يوفقج دنيا واخره
انا ودي اليوم اللى بتخرج فيه بفارق الصبر لووووووووووووووووول والله تعبت بس عسى احصل على وظيفه آآآآآمين بس يوم تخرجت من الثانويه والله كنت زعلانه من الخاطر عشان ربيعاتي ومدرساتي ومدرستي الحبيبة بس اكيد فرحانه عشان بفتك من الدراسة ويوم اقوم من الصبح بس اللحين مشتاقتلها ولمدرساتي ولمديره المدرسة الله يذكرهم بالخير,,, لوووووووووول والله سنين مضت ذكرتيني ... بس هذي سنه الحياة لابد من نهاية لكل شى. مشكوووره ,, الله يعطيج العافية تحياتي
|
||||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
العرض العادي
