|
|
|
|
|
|
||
| إعلانات منتديات ألم الإمارات |
|
|
|||||||
| مجلس الحوار و المقالات مناقشة القضايا الإنسانية والفكرية و الأحداث الراهنة ، يمنع نشر المشاركات المنقولة . |
 |
|
|
LinkBack | أدوات الموضوع |
التقييم: 
|
طرق العرض |
|
#1
06-13-2005, 03:55 PM
|
||
|
||
(((أنا آسف غلطت بحقك))) تقولها و الا لا؟؟
مين منا ما يغلط؟؟ مين منا ما يجرح ؟؟
الكل يغلط والكل يجرح الغير ان كان بقصد او بدون قصد..ممكن بكلمه,,او حركه..أو مزحه..ولاكن ..النتيجه وحده..زعل الطرف الثاني او تعكير مزاجه.. و في النهايه واجبنا نصلح الغلط على الأقل بكلمة ((انا آسف)) الكل منا يعرف معنى هالكلمه ولاكن مب أي حد يروم يقولها هي صغيره لاكن التأثير اللي تطبعه في نفوس الآخرين كفيله لإرضاء الزعلان و ممكن تنسيهم اغلاطنا اللي تمت في خاطرهم ... بيقولون لك عادي لاكن في قرارة انفسهم بيحسون بالم او ربما قهر من تصرف في نظرك صغير ولاكنه حز في خاطرهم..وترك تأثير سلبي تجاهك وانت حليلك مب عارف !!حاول اتصلح غلطتك بكلمه وحده..((أنا آسف)) الحين حابه اطرح عليكم أسأله واتجاوبون عليها: ما موقفك من اللي يجرحك و بعدين يحس و يعتذر ؟؟ هل انت شخص عادي عندك تقول آسف..تتقبل تقولها..وإلا كرامتك ما تسمح لك حتى ولو كنت غلطان؟؟ في أي حاله تكون رافض تماما انك تعتذر..؟؟
|
|
06-13-2005, 04:14 PM
|
#2 | ||||
|
السلام عليكم
الصراحة بنسبة للرأي الشخصي بمجمل العام أحس إنه كلمة آسف ثقيلة على إناس كبار وخفيفة على إناس صغار !!! معنى كلامي إنه ناس كبار في أعمالهم وكبار في تفكيرهم يغلطون في حق واحد بالصدفة فيصير وياهم مثل الإختلال في التفكير بصدد قولها أو لا ! والصغار يكونون سغار التفكير لا يتطلعون إلى المستقبل يخطأ بالصدفة أو عمدا فيقولها ببساطة لكن لا يفقه معناها أو غايتها ويعد خطئه بنسبة لي أنا لا أقول كلمة آسف أبدا لاني دائما والحمد لله أحاول أبتعد عن الخطأ صحيح انا هب معصوم لكن إذا وقع مني خطأ لا أعتذر لأنه الكلمة شنو تسوي أسوي شيء يعبر عن كلمة آسف أحسن من الكلمة لا تقدم أو تأخر ونصيحة هي إنه نحن نفكر في قبل عمل أو إجراء على عمل مهما كان حتى لا نقع في الأخطاء ونعتذر وإن أخطأنا لا نعتذر بالقول بس بل نعتذر بالفعل والقول !! والله المستعان السلام عليكم
|
||||
|
06-13-2005, 04:44 PM
|
#3 | ||||
|
ما موقفك من اللي يجرحك و بعدين يحس و يعتذر ؟؟
اكيييد بسامح هل انت شخص عادي عندك تقول آسف..تتقبل تقولها..وإلا كرامتك ما تسمح لك حتى ولو كنت غلطان؟؟ نعم شخص عادي ومحد معصوووم من الغلط والوحد لازم يعتذر لو غلط في أي حاله تكون رافض تماما انك تعتذر..؟؟ اذا كنت مب غلطانه ماله داعي اعتذر مشكووووره ع الموضووع اختج ديووور
|
||||
|
06-13-2005, 04:45 PM
|
#4 | ||||
|
اشكرك اخوي على مرورك..وصحيح الواحد ما بتفيده كلمة اسف الا اذا كان الاسف اللي نظهره قول و فعل هب قول و السلام..
|
||||
|
06-13-2005, 04:47 PM
|
#5 | ||||
|
اسلاااام عليـــكم ...
الموضوووع وايد عيبني ...وحاابه اقول راايي:. ما موقفك من اللي يجرحك و بعدين يحس و يعتذر ؟؟ *انا من صـوبي مااحب الاعتـذار ولا احب حد يقولي "انا آآسف".. لأنـــه لاااازم اذا بيرمـس يكون قد الكلام..الي قاله..مش يقول او يسوي حركه وبعديين وبكل بساطه قـال آآآآسف...وين اصرفها هاي  هل انت شخص عادي عندك تقول آسف..تتقبل تقولها..وإلا كرامتك ما تسمح لك حتى ولو كنت غلطان؟؟ *اذا اني ما كنت اتقبل انه حد يقولي اياها ..كيف انا اسير اقوللها .. طبعاً لأأأأ ماحب اعتذر نهاائياً.. في أي حاله تكون رافض تماما انك تعتذر..؟؟ في جميــع الاحـوال ماحب اعتذر .. لكن ارفضه تماماً اذا كان اعتذاااري لشخص غريب...  اسموووووووووحه عالقصور:.  مزيونة الكـتبي
|
||||
|
06-13-2005, 05:02 PM
|
#6 | ||||
|
اختي ديور مشكورة على مروروج ..
|
||||
|
06-13-2005, 05:08 PM
|
#7 | ||||
|
اختي مزيونة الكتبي..
مشكورة على مروروج ..ترا كلمة اسف تفيد مرات  انا ما احب حد وايد يغلط عليه و عقب يقولها بكل بساطة يتحراني برضى بكلمه  بس اذا ظهرت من شخص حاس بغلطته عادي اقبلها اشكرج على مرورج و تقبلي تحياتي..
|
||||
|
06-13-2005, 05:11 PM
|
#8 | ||||
|
اختي ود..
يزاج الله خير على مرورج و اجابتج الصريحه للأسأله اللي طرحتها..
|
||||
|
06-13-2005, 05:53 PM
|
#9 | ||||
|
السلام عليكم
ما موقفك من اللي يجرحك و بعدين يحس و يعتذر ؟؟ الانسان ما معصوم من الغلط أكيد بسامحه وبيكبر فعيني وبما أن الشخص اعتذر يدل على انه اعترف بالغلط اللي سواه هل انت شخص عادي عندك تقول آسف..تتقبل تقولها..وإلا كرامتك ما تسمح لك حتى ولو كنت غلطان؟؟ بصراحه قبل كنت ما حب اعتذر حتى لو كنت غلطانه بس اللحين كبرت وحسيت بقيمة الاعتذار في أي حاله تكون رافض تماما انك تعتذر..؟؟ إذا ما كنت غلطانه مشكوره الغالية على الموضوع
|
||||
|
06-13-2005, 06:07 PM
|
#10 | ||||||
|
السلام عليكم و رحمه الله وبركاته
اقتباس:
بس يمكن في داخلي ما اروم انسى الجرح اللي سببه لي و تطلب انه يعتذر مني اقتباس:
اقتباس:
و اعتذر حتى لو ما كنت غلطانه بس اعتذر اني طرف في سوء تفاهم او زعل بيني و الطرف الثاني حاله وحده ما اعتذر فيها و هي لما الطرف الثاني يغلط علي و يتوقع اني اعتذر منه  و ما يعترف بخطأه بعد ..... شو الدنيا فوضى  ؟؟؟؟؟و بس  مشكوره اختي لهفه قلب على طرح الموضوع |
||||||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
الي يبينا عيت النفس تبغيه...والي نبيه عيا البخت لا يجيبه 
العرض العادي
