|
|
|
|
|
|
||
| إعلانات منتديات ألم الإمارات |
|
|
|||||||
| مشاهدة نتائج الإستبيان: تقييم مستوى الكاتبه: منطوق_قلبي | |||
| ممتاز |
   
|
59 | 62.11% |
| جيد جداً |
  
|
26 | 27.37% |
| جيد |
  
|
10 | 10.53% |
| المصوتون: 95. لا يمكنك التصويت على هذا الإستبيان | |||
 |
|
|
LinkBack | أدوات الموضوع | تقييم الموضوع | طرق العرض |
06-15-2005, 11:54 AM
|
#1 | |||
  
|
موضوع الأسبوع للكاتبة : منطوق_قلبي
السلام عليكم ورحمة الله وبركاته
رواد مجلس القصص والروايات .. بعد ان انتهت جولتنا مع العضو والكاتب:احمد 666 نعود لكم اليوم مع ضيف جديد وصفحة جديدة ليتجدد الحوار والنقاش من خلال النقد البناء مع أعضاء وكُتاب مجلس القصص موضوع اليوم مع العضوه والكاتبة المتألقة:منطوق_قلبي في رصيدها خمس قصص ... هم: ؛¤ّ,¸¸,ّ¤؛°`°؛¤ فز قلبي من غواهم ..و انجرح قلبي بجفاهم ¤؛°`°؛¤ّ,¸¸,ّ¤؛ http://www.alamuae.com/vb/showthread.php?t=60893 انـتـفض قلبـي بغـزال منصـوري انـتـفض قلبـي بغـزال منصـوري ™¢¤§¢ فــارســه مــا تــهــاب اخــيــول الغـــدر ¢§¤¢™ فارسه ما تـهـاب اخيول الغدر عطني من اوقاتك حبيبي دقايق .. عطني من اوقاتك حبيبي دقايق .. يوم شفته و ألتفت صوبي فز قلبي و قال ... يوم شفته و ألتفت صوبي فز قلبي و قال ... أختي الكريمة نبتدي الموضوع بالأسئلة التالية:
نترك المجال للأعضاء للمشاركة في الموضوع والحوار والنقد الهادف بعيد عن التجريح ولا ننسى أن الهدف من هذا الموضوع وهو الإرشاد والتوجيه ... الرجاء عدم المجاملات بشكل نهائي النقد البناء والملاحظات وطرح الأخطاء مطلوب ردود المجاملات والشكر سيتم حذفها الرجاء البحث عن الجدية
|
|||
|
06-15-2005, 02:39 PM
|
#2 | ||
|
السلاااام عليكم جميعااا
هلاا وغلاا بمبدعتنا منطوق قلبي انا والله قريتلج اكم من قصصج بس اكثر وحدة دشت قلبي اهي ™¢¤§¢ فــارســه مــا تــهــاب اخــيــول الغـــدر ¢§¤¢™ ....ماشالله عليج ابدعتي فيها.. اجينا للنقد حبيبتي في نفس هالقصة كتبتي هذا الحواار (((((يد غايه : من بنته ؟؟.. مطر : هههههههههههههههههههههه .. بيروح يضارب يدي .. غايه : يدي ما تعرفها .. يد غايه : شعرفج انتي .. اعرفها اعرفها .. انتي خبريني هي شو من الجبيله ..؟؟؟.. غايه : لا يدي .. هي سودانيه مادري صوماليه .. يد غايه و هو يفتر صوبها : خيييبه ودووج دار الصومال خذو دمج !!!!! .. مطر : ههههههههههههههههههههههههههههههههههههههههه ))))))))) انتي اتمصخرتي على دول عربيه مسلمة انزين..وصراحة ماكاان له داعي ..انا مب قاعدة اقووول انا سودانية ولاصومالية بالعكس..شوفي عيووني الله خلقنا كلنا من طين ومافي حد احسن من حد..الله قال((لا يصخر قوم من قوم عسا ان يكونوا خيرا منهم)) صدق الله العظيم..في نهااايه المطااف هذا شي راجع لج عيووني بس هذي نصيحه مني.... وبسسسسسسسس المهم اتمنالج مستقبل مبهر ككاتبه انتي وكل زملائج..ولا تزعلين تراها الا نصيحة لوجه الله... لي عوده later |
||
|
06-15-2005, 02:43 PM
|
#3 | |||||||
 
|
مرحبا السااااع ملايييييييييين وزوووود بالشيووخ ..
اول شي و من قبل لا نبدى حبيت اشكرج عهالاستضافه يالغناه .. و عساني اكون عند حسن الظن ان شاء الله .. و ربي يوفقنا اجمعين ان شاء الله .. و بالنسبه لاسئلتج .. اقتباس:
اقتباس:
اقتباس:
بس انا انتبهت فالفتره الاخيره خص اني كنت غايبه فتره طويله عن المنتدى و مب عارفه بالتغيرات الي تستوي .. بس اشوف ان بعض من هالتغيرات تصب في مصلحتنا احنا الكتاب .. بس اشوف لو يكون في بعض التعاون مابين الاداره و الكتاب و عدم التشدد الغير مبرر بقوانييين المجلس بيكون الوضع احسن .. بصراحه أي كتاب ما يحب التقيييد .. يعني لو تخلون كل كتاب يكتب ع سجيته بيكون افضل .. و كل ٍ ينمي موهبته بايده .. اقتباس:
|
|||||||
|
06-15-2005, 02:51 PM
|
#4 | ||||
|
اقتباس:
مرحبااااااا الساااااااااع ملاييييييييييين وزووود الشيخه .. مشكوره يطولي بعمرج عهالمنطوق الطيب و يا مرحبابج ملاييين .. و الله يالغناه بالنسبه لملاحظتج يالغناه لو تنتبهين نهائيا ماكان في اي شي يدل ع المصخره .. سؤال اليد عن الجبيله و ردها عليه بجنسيتها نهائيا مافيه اي مصخره .. و اذا قصدج ع رد اليد ((يد غايه و هو يفتر صوبها : خيييبه ودووج دار الصومال خذو دمج !!!!! .. )) ما كان بغرض المصخره ... انا كتبته عشان ابينلكم ان شوابنا يلييين اليوم يعييشون في عالمهم .. هالموقف انكتب بحسن نيه و نهائيا و ربي العالم ماكنت قاصده به ايت مصخره او تقليل من قدر اي انسان .. على فكره انا من وعيت ع الدنيا يلييين ما تخرجت من الثانويه و انا اعز ربيعاتي كانت فلسطينيه .. و نهائيا مافيني هالنظره الفوقيه للجنسيه و الا الجبيله .. و مشكووووووووووره يالغناه عهالنصيحه .. و ان شاء الله بنتبلها في قصتيه اليديده ان شاء الله .. و يا مرحبابج ملاييييييييين وزووود من دارج لداري ..
|
||||
|
06-15-2005, 03:25 PM
|
#5 | ||||
 
|
السلام عليكم ..
مرحبا فيج اختي منطوق بموضوع النقـد .. * انا ملاحظه بمعظم قصصج .. ان فيها مبالغه من ناحيه الوصف ... مثلا كلمه فدييتك ويعلنى فداك وفديت منطوقك وصف الشعور غالبا احس انه مبـالغ فيه .. لكن انصدمت مره قريت موضوع ان هالاشياء بس يقرونها بالقصص هالكلمات والتفدي وجذي مو حيل مستعمله بواقعكم بشكل يومي ..! * اقتباس:
* مرات تبالغين بوصف البطله .. وكأنها ملاك .. مثلا روضه تخيلتها ملاك نازل بصوره بشر جسم وشعر ووو الخ .. ومبارك كذلك .. تعتقدين هل هذا سرّ نجاح القصص ؟ اني ابعد الابطال عن الواقعيه واحطهم بموقع المثـاليه .. والكل عارف ان مافي انسان كامل .. * ان معظم قصصج اذكر على سبيل المثـال فارسه ماتهاب خيول الغدر و عطني من اوقاتك حبيبي دقايق .. ان البطله كانت تحب قبل الزواج وزواجها جاء عن طريق اكراه من قبل الاهل ..! وبالاخير تكتشف ان حبها الاول زائف وبعد مشكله مع زوجها تكتشف انها تحبه ؟ الفكره بحد ذاته صائبه لكن التكرار بالقصص !! راح يفقد للقصه طعمها..!! هذا اللي عندي الحين .. ولي عودة اذا الله اراد لاحقا ً .. انين
|
||||
|
06-15-2005, 06:02 PM
|
#6 | |||
|
هاااااااااااااااااااي
اختي الغالية منطوق قلبي ........ اولا حبيت اشكرج على القصص الرائعة الصراحه وااايد حلوه فيها لمسات للابداع والافكار في جميع المواقف ثانيا انا متاسفه لاني مارديت على قصه (فارسة ماتهاب خيول الغدر) لكن الصراحه القصه خلوه والشخصيه حلوه وكل شخصيه تحكي عن وااقع نحن كلنا كمجتمع اماراتي او اي مجتمع في دول الاسلاميه نعيشه وضحتي انه الصاحب ساحب والمحبه والالفه بين العوايل............................. لكن ولاسف لحظت شي وسبقني فيه الاخ العزيز(aNeeNalsmT) العاش : لا الله و راسك اني ما اعرف شي عنه ... حرام عليك و الله اني ما اكلمه و لا اعرف شي عنه ... مثل مارمس اخونا انه القسم لغير الله حرام معناه تصغير لشان الله وكفر وانا ماااظن ومتاكده مليون بالميه انج ماكنتي تقصدين هالشي خاصه انه هذا الشي نعيشه الكلمات والالفاظ الحسنه بدت تخف وتختفي وظهرت الكلمات البذيئه اللي ماكان شبابنا يعرفها بدت تظهر وهذا الحلف لين الحينه يرمسونه لكن بعد لازم نفهم الناس انه غلط ........... لالالانه لاانا ولاانتي ولاالله ولااي راضي عن هالشي ونحن مسلمين نعرف انه حرام لكن مع ذلك نسويه ونسي انفسنا انه هالشي مطلوب منا ....................... حبيت اخذ نقطه من القصه الاولى انتفض قلبي بغزال منصوري قصه حلوه وااايد عيبتني احداثها ولو لاحضتي انه في القصص اغلبيتها وهي طاغيه على الطابع انه المناطق المعروفه ابوظبي ودبي العين اكثرشي حتى انا في قصتي العين دبي ابوظبي وليوا ,,,,,,, لكن المناطق اللي دايم تكون الاحداث المدن ..................... انتي اظهرتي للقراء مناطق ثانيه متواجده في بلادنا الغاليه ماكانوا ياخذون فيها الوثبه منطقه شعبيه سكنيه جريب منها تقوم سباقات الخيول منطقه اهلى ............ ماكانت تنذكر انا يوم جفت كاتبه الوثبه فرحت لانه اخيرا كتبوا منطقه ثانيه غير اللي مكورين هب لشي لا لانه في الشعوب اللي في البلدان الثانيه نعرفهم باسماء منطقتنا ونغير لانه لو كان الشي نفسه ماتغير بتلوع جبدنا منه وبنعوفه بيستوى عوف .................. ذكرتي الوثبه ليوا اظن الذيد ( اسمحيلي لاني قريتها من زماااااااااااان فتره طويله ولازلت اتذكرها) الشخصيات كانت وااااااااااااااااايد حلوه روضه شخصيتها قويه ....................... مبارك غريب الطبع حبوب .................... الصراحه مااعرف شو اقولج القصص حلوه وماابي اطول عليج اسمحيلي على المغثه اختج حزن العمر
|
|||
|
06-15-2005, 06:22 PM
|
#7 | |||||||||
|
اقتباس:
اقتباس:
مب مبالغه بقدر ما هو اسلوب .. ومثل ما تعرفين ان لكل كاتب له اسلوبه اللي يميزه عن الاخر .. سواء في معالجته للمشكله الوحده او تناوله لقضية معينه .. الاسلوب في التناول مهم وااايد .. والكاتب من خلال شخوص القصه يفترض لكل شخصية استقلاليتها وردود افعالها المناسبه للحدث .. كل ٍ يعبر عن احاسيسه و مشاعره بطريقته الخاصه .. و انا انصدمت في المقابل من كلامج  .!!.. معروف عندنا ان البدو بطبيعتهم اكثر رحابه وسعة وشراحه ويرضفون التراحيب فلو بالغوا في تفديهم لموديهم واهلهم وذويهم فهذا من طيب عادتهم و بما اني من هالمجتمع و اتكلم عن هالمجتمع فمن الطبيعي اني اكتب بهالاسلوب لاني ببساطة انتمي لهذا المجتمع و عاداته اقتباس:
صح ما في شك ان الحلف بغير الله يعتبر نوع من الشرك خصوصا في حال القصديه والتعمد .. لكن احيانا يتحول الى لغو .. على كلن مب موضوعنا ... لكن رايي ان هالامر حقيقه معاشه لدى الكثير ... ووجودها في قصتي ما يعني ابدا ترسيخها كمفهوم او سلوك متبع .. بقدر ما هي الفاظ عفويه لا زالت .. وبعدين الرفجه من قالج انها يمين ..؟ الرفجه مثل الطلبه بس فيها حشمة لمرفوج به ... ويمكن تلومنيه في شي واحد وهو عدم معالجتي لهنقطه من خلال موقف صغير ... اقتباس:
الوصف حليف المبالغه بخصوص الابطال هذا شي مسلمه به كأدب وفن ... والا كيف راح اقدر اوصل صورة البطل او البطله وهو ما يتمتع باي مزايا ؟ ... كيف البطل يمكن يأثر في المتلقي لو كان مثله مثل الاخرين ... انا ادري ان القيم الاخلاقيه هي الاهم بس الشكل عنوان جميل لمضمون اجمل ... اقتباس:
اقتباس:
و انا انتظر عودج الغناه .. 
|
|||||||||
|
06-16-2005, 04:24 AM
|
#8 | ||
|
اختي منطوق_قلبي.........
بصراحه قصصك مشاء الله عليها كلها رووووووووووعه...... وبما إني أنا سعوديه وماني عارفه عادات أهل الإمارات..... بس لاحظت شي في قصة "انتفض قلبي بغزال منصوري" وهي إنك وضحتي لنا إن بنات المنصوريات قمه في القوووووه......والأدب.....والأخلاق... وأنا إلحين ماأجحد إنهم عكس ذلك لكن بصراحه... (((موقف روضه مع مبارك في نفس يوم زواج شما ... لمن سحبها معاه للغرفه ))) أحس إن الموقف قوي وفيه خلوه والمفروض إنها طلعت قوتها من جد فيه ومنعته من ذلك.. لأنها متملكه شخص غير مبارك اللي هو " بخيت " وغير كذا حرام عليها تقابل مبارك وتطلع عليه....صح وإلا ..لا....؟؟! وأحب أوضح لك إني أنا أحب اقراء المواقف هذه وأنسجم معاها <<< اللي فيها اكشن يعني ماأكرهها بس أبغى ابين لو انتم كذا صح صدقيني حتضيع الوحده ورى التيار العاطفي من دون ماتحس..... يمكن أنا قلت شي وماني حاسه إنه يزعلك أو يجرحك بس أتمنى إنك ماتاخذين بخاطرك عليا والسموحه منك..... أختك / النجمه الساهره.... |
||
|
06-16-2005, 05:33 PM
|
#9 | |||
|
السلام عليكم ورحمة الله وبركاته
نووووووووووووووووووووووووووووووووو ويييييييييييييييييييييييييي منطوق قلبي  أخيرا حصلتـــج ... صبري قبل لا أنتقدج  . هلا والله .. ومرحباااااااا مليـــــــــــــــااااااااار لسود الأعيان  أشحالج وعلومج .. عساج طيبه.  وعقب السلام وقبل الأسأله إهـــــداء أخبرج تراه إهــــــداء حقج أنزين !!!!>>  منطوق قلبي: هي كلمتين نسجتها على خيوط حريريه اللي من روياها يفز الخاطر لجل يحملها الحينه بتولاج بالأسأله يلاااا سمي بسم الله >>> داخله حرب الحبيبه أحـــم أختي الغــــــــــــــــــــــــــــــاليه منطوق قلبي .. اصراحه أنا تابعت قصتين من ابداعج اللي هم( انتفض قلبي بغزال منصوري ) والثانية( فارسه ما تهاب الغدر.) روووووعه وعقدة القصه دوم اتصيحني (هههههه) وماتخبلت إلا ع يد غايه عجيييييب تسلمين حبيبتي بس ابغي ابينلج شئ فقصيدة مبارك الخيلي اللي تقول و صرت اليوم في هالـدرب معبـودج ... ابفصح عن شعوري و اعترف بعشقي حبوبه أنتي في هذا البيت اشركتي بالله سبحانه .. بمعنى أنه الله سبحانه خلقنا لنعبده مب نعبد الحبيبه (والعكس صحيح) ف أتمنى أنج تركزين على هذا الجانب بعد ثاني شئ : ليش منطوق قلبي تتبع جمل معينه وتكررها في القصه؟ مثال... (الدم يسري بعروقها) ثالث شئ :هل شخصية منطوق قلبي تتحكم في نوع القصه أم الــ(( MOOD)) ؟ يعني لأ نج اتميلين لرومنسيه فتكون قصصج جذه ولا عادي . رابع شئ : في بعض القصص المعـروضه أنشوف القصص على أجزاء ويصعب على بعض القراء اللي ايسوون (copy_paste) أنهم يتابعون الحفظ وسبب الأعضاء الكرام ..اللي يبدون رايهم في القصه.. برأيج الكاتب إذا حط قانون معين للفئه معينه هذا بيقلل من مستوى القصه أو القراء اللي يطلعون على هذي القصه ؟ إذا كان جوابج لا .. عيل ليش ما طبقـينه ؟ خامس شئ: شو رايج فالكتاب اللي يتجاهلون أسئلة العضو؟! وهل منطوق قلبي تتجاهل رد الإطراء أو الاستفسار عن شئ يخص القصه؟! سادس شئ : هل أنتي راضيه عن نهاية ((فارسه ما تهاب الغدر)) ؟ ما تحسين إنها ناقصة أوغير مركبه ؟ سابع شئ: كونج أنتي الكاتبه الشهيره منطوق قلبي و بعد الإطرا الذي تقرئينه ألا تشعرين بشئ من الغروور؟(صراحة) ثامن شئ:في أخت جزاها الله خير من السعوديه أثارة نقطه مهمه عن القصص الرومنسيه وتأثيرها على المراهقات كونهن يعشقن القصص من هذا النوع أ) شو رايج أنتي بالقصص اللي تكتبينها كونها قصص (حالمه)؟ ب) كيف راح يكون رد منطوق قلبي إذا توجه لها نقد سلبي عن قصصها ؟ وشكراً اسمحيلنا إذا غثيناج بسوآل ولا شئ ... مشكوووره على هذي القصص الرائعه وربي يوفقج أختي العوده. أختج الصغيره يتيمة دار زايد
|
|||
|
06-16-2005, 07:22 PM
|
#10 | ||
|
السلام عليكم ورحمة الله وبركاته
راح اجاوب على سؤال مطروح ولكن اتمنى انه محد يزعل منى على اجابتى على هل سؤال... لو كان لديكـِ الصلاحيات المطلقه على مجالس القصص ماهو أول إجراء ستتخذينه ؟ اول اجراء راح استخدمه هو انى راح اغلق منتدى القصص واتمنى انه كلامى مايزعل اى حد لأن الكثير من القصص لو وزناها بميزان الدين فالنتيجه شرعا انها ماتجوز الا فلان حب فلانه الا علان عاكس علانه يعنى وبكل صراحه شبابنا وشاباتنا مش ناقصين هل نوع من القصص.. طبعا ممكن ان الكاتبه تعطى القراء المتعه المؤقته لكن كل هذا راح تحاسب عنه امام الله يعنى كل حرف راح يقراه القارىء ان كان خير فخير للكاتب وان كان شر فيكتب فى صحائف الكاتب قال تعالى (ومايلفظ من قول الا لديه رقيب عتيد) وانا بكلامى هذا ما اقصد شخص او كاتب معين بل اقصد كل شخص خطت يداه حرف فى قصه فى المنتدى وفى نهاية كلامى اتمنى ان تعليقى لايحذف واقول لكل كاتب وكاتبه اتقوا الله فيما تكتبون واعلموا انكم راح تسألون عن كتاباتكم وعن كل من قام بقرائة ماخطت ايديكم والسلام عليكم ورحمة الله وبركاته |
||
|
| العلامات المرجعية |
| عدد الأعضاء الحاليين الذين يشاهدون محتوى هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | تقييم هذا الموضوع |
|
|
أقسام الموقع
منطوق_قلبي
دار يـتـيـمـــة زايد 
العرض العادي
