.::][ صوت صراخها سيبقى عالقاً في أذني منذ الليله ][::.

.
.

السلام عليكم ورحمة الله وبركاته ..

.
.

هذا الموضوع .. يعتبر " فضفضه " بالمرتبة الأولى .. لأنني والله أحس بالاختناق .. وكان لا بد من الثرثرة بتفاصيله .. بحثاً عن شيءٍ قد يعيد للنفس هدوءها ..!!

..

قبل سرد الأحداث ..
أقسم بالله بأن القصه واقعية .. وللأسف سوء حظي جعلني أشهد أحداثها ..

..

المكان .. منطقة سكنية في إحدى إمارات الدوله ..
الزمان .. الساعه العاشرة من مساء اليوم - 15 / 06 / 2005 ..

- القصه -
( بالعاميه )

تعودنا كل يوم المسا نتمشى في الفريج طبعاً مع الوالده ومجموعه من حريم الجيران .. ودايماً نوصل لآخر المنطقة اللي نحن ساكنين فيها .. وطبعاً بيوتنا على الشارع .. لكن المكان اللي نوصل له مثل الصحرا .. وما فيه بيوت أو ناس .. ومثل العاده .. الجو كان هادي ..

لكن .. فجأة ..

بعد ما وصلنا لمكان خالي .. ما فيه الا 3 بيوت .. وشارع يتيم .. سمعنا صريخ بنت .. وكان مثل الصياح ( البكاء ) وكانت ترمس في التيلفون .. وأعصابها تبين انها مصابة بانهيار ..!! لدرجة انها تتكلم بصوت عالي وكأنه ما فيه احد جدامها ..

حسينا بالخوف .. لأنه الحركه مش طبيعيه .. وصوت البنت وطريقتها تخوف .. خففنا سرعتنا في البداية بسبب الفضول .. حبينا نعرف شو اللي صاير لها ..!!

سمعنا الحوار هذا .. بينها وبين الشخص اللي تكلمه بالتيلفون ..
وكانت تقول بصوت عالي ..

بند عنها أقولك .. بند والله تراني بذبح عمري ..
بند عنها .. هالسباله أختي .........
بند يالله الحين .. قبل لا اذبح عمري .. اقولك بند ..
وتراني والله ما برد البيت ..
أصلا كيف أرد .. أهلي لو عرفوا اللي سويته فيني بيذبحوني ..
( ويعلى صوتها اكثر .. )
بند .. بند .. تباهم يذبحوني .. مب كفاية شرفي اللي ضيعته ..!!!!!!
وهنيه اختفى صوتها ..

طبعاً الصوت كان عالي لدرجة انه نحن من على بعد كيلو أو اكثر يمكن .. نسمعها بوضوح ..

ونحن واقفين .. ونطالعها .. يوم سمعنا الكلام متنا من الزيغه .. وتأكدنا انها مب طبيعيه .. والا ما كانت بتقول هالكلام في الشارع .. فكرنا نرجع لها ونكلمها .. يمكن تهدأ .. بس بين التردد وبين الخوف .. اخترنا انه نحن نكمل سيرنا .. توقعنا المسأله بسيطة .. وبعد ما تأكدنا انها خلصت المكالمة .. شفناها تتجه صوب مكان فاضي ما فيه الا رمل والمكان مظلم بشكل فضيع ..

ما قدرنا نرجع .. لأنه كنا 3 بس - انا واختي وبنت اخويه - وكلنا ما نعرف نتصرف في مثل هالمواقف .. مشينا ونحن نفكر فيها .. اللي قطع قلوبنا .. انه بعد 5 دقايق تقريبا ..

سمعنا صرخه قوية .. وكان نفس صوت البنت ..!!
والصرخه كانت من الجهة اللي البنت راحت فيها .. يالله .. مليون فكرة وفكرة في بالنا .. وأولها انه البنت انتحرت ..!! معقولة ..!!

.
.

وقفنا .. على امل انه ممكن نشوف شي .. لكن مستحيل في هالظلام ..
يا ترى شو كان مصيرها ..!!
وشو القصه بالضبط .. أسئلة كانت تدور في بالنا ..!!

ونحن نمشي ونحاسب اعمارنا .. وقلوبنا عورتنا عليها ..
ولمنا اعمارنا .. ليش ما رحنا ورمسناها .. ليش ما حاولنا نهديها ..!!
بس ما توقعنا السالفة بتكون خطيرة لهالدرجة ..!!

تخيلوا ..
كنت يوم اسمع قصص مثل هذه .. ما اقتنع فيها واقول جذب وزيادات .. بهارات مثل ما نسميها ..!!
لكن اليوم ......... انصدمت بواقع مؤلم للأسف ..

طيب ..
منو الغلطان .. البنت أو الشاب ..!!
وشو اللي خلاها تسوي جذه .. أكيد هو تخلى عنها بعد اللي سمعناه من المكالمه ..!!
شو موقف أهلها .. ويا ترى عرفوا وينها وإلا لا ..!!

..

واللي صعب المسألة أكثر ..
موقفنا نحن .. وتجاهلنا لها يوم كانت تصرخ .. صح وإلا غلط ..؟؟
شو كان بايدنا ..!!
فكرنا نتصل بالشرطه ونخبرهم .. يمكن تكون فعلاً انتحرت .. فكيف بيعرفون انه فيه جثه هناك ..!!
لكن ما بغينا ندخل اعمارنا في متاهات ..!!

.
.

مب قصدي نتناقش في مشكلة البنت ..
كان قصدي افضفض .. وأقول
( ليش تسوون باعماركم جذه يا شباب ويا بنات ) ..!!

لا حول ولا قوة الا بالله .. حرام والله حرام ..

والسموحه منكم ..

.
.

بسم الله الرحمن الرحيم
السلام عليكم ورحمة الله وبركاته



عزيزتي
طفلة الحب


ابصراحه قصه تعور القلب ,,

يعني هالشباب والبنات اللي مايخافون ربهم يسوون بعمارهم جيه وهم اللي يتوهقون آخرتها ,,
والبنت هي الغبيه اصلاً يوم اتصدق سوالف الشباب وسوالف الحب وهالخربطان ,,
أنا وااايد أنزعج من هالسوالف وصدق أشوف البنت ساذجه يوم تكلم شاب على أساس أنها تحبه وتترياه يتقدملها ,,
والله البنات من زود قصص الحب عادي يصدقون كل شي صاروا ,,
وهاي الحين لو قلنا انتحرت واتمنى ماتكون سوت بعمرها هالشي لأنها سيده بدش النار بس وين كان عقلها ؟؟؟
لهدرجه الشيطان كان متلبسنها وماارتاح إلا يوم اغضبت رب العالمين !!

اللي يبتعد عن رب العالمين صدقوني رب العالمين يبليه بأمور كثيره وهذا كان نتاج تقصيرها لربها !!
فقدت عذريتها وخافت من فضيحة الأهل وماخافت من ربها !!

عفان الله من هالأشكال والمصايب ,,

والله يا طلفة الحب أنهم رخصوا بعمارهم هالبنات ،، صدق صدق صاروا مايسوون فلس يوم يسوون هالمصايب ,,

لو شو ماكانت تمر من ظروف صعبه ويا أهلها ماتسير ادور ريال غريب يطلعها من هالجو المفروض تكون متمسكه بدينها وتكون قريبه من ربها عسب يفرجها سبحانه عليها ,,

بس صدقيني لا يفقهــــــــــــــــــون قـــــــــــــــــولاً ,,

دام قصص الحب والمسلسلات المكسيكيه والأجنبيه وغيرها من السوالف مأثره فيهم ويحلمون فيها ،، فعلى الدنيا السلام ,,



أتمنى من كل قلبي أنها ماسوت شي بعمرها ،، وربي يهدي الجميع يارب العالمين ,,


السموحه على الأسلوب بس صدق ضجت من السالفه ,,

احترامي
شموخ الإمارات

اولا اريد شراء كرسي الصفاء هنا ,,,,,,

وحفظه بأسم...(((الجنون))))



ولي عوده(ياذن الله تعالى))


اختك ..الجنون

عليكم السلام

لساني عاجز عن التعبير ...


انشالله ماتكون أنتحرت

لا حول ولاقوة اله بالله العلي العظيم
الله يساعدك خيوووووووووووووو ويساعد قلبه
القصه وايد محزنه

انه من راي انه غلط البنت وولد

البنت انها طلعت معاه وخضعته
وولد انه استغلها في كل شيء

ونحن ما ندري شنو الظروف ... ممكن في ظروف ثانيه الله يعلمها

الله يرحمها

لاأنكر الخوف الذي اغتالني وأنا اقرأ الحادثه..

>>>لدرجه اني ناديت اختي تقراها معاي(ظاهرا)
بس انا بالحقيقه كنت خايه انهيها وبنفس الخوف..


انا لو مكانج ابدا ماأبعد ولاكأن صار شي..

اولا.....مابخسر شي بالعكس ممكن اربح اكثر من اني اخسر..

ثانيا....منطلق من قول افضل البشريه المؤمن للمؤمن كالبنيان المرصوص
ذا اشتكى منه عضو تداعى له سائر الجسد بالحمى واسهر...

ثالثا...لو افرض انها كانت وحده من اهلي(((بسم الله علينا)))هل بكون موقفي حيادي وبكتّف يدي عاجزه عن فعل شي...

لا...وألـــــــــــــــــــــــــــــــــف ...لا ...انا من دين متماسك يأبى عليّ ذالك...

ماذا أنا ان لم ادعو ...انصح...اعاون...اشارك بلألم والفرح....


لمن الخطأ ينتمي؟؟؟؟؟

البنت...
الولد...
الأهل...
او حتى المجتمع..

لانستطيع إخطاء احداهم وتبريئ الأخر...

كــــــــــــــــلهم مشتركون في الجرم....
مثل الغرفه لاتقوم بسقوط احد جدرانها....

فلــــولا..............اهمال الأهل...

وتقبّل الفتاه...

وتجرئ الولد...

ووعي المجتمع....

واولاواخرا(( تعلقهم بخالقهم وبارئهم))

لمايحدث مايحدث...

قال رسول الله _صلى الله عليه وسلم_(من رئى منكم منكرا فليغيره بيده فإن لم يستطع فبلسانه فإن لم يستطع فبقلبه وذالك وأضعف الإيمان))

لماذا نرضى بالاقل دائما؟؟؟؟؟؟





اعذريلي اختي دخولي الذي ربما يكون قويا نوعا ما..


ولـــــكن ........قهري لما نحن عليه...وماوضعنا أنفسنا فيه....


فـــــــــــــلماذا تغيرنا؟؟؟؟!!! .....ومالذي غيرنا..؟؟؟؟؟؟!!!!

اصبح الّلهو,,,,,,,الغناء.......التسليه بانواعنا.......هم محور حياتنا وتفكيرنا...


أهذا ماوصّانا عليه رسولنا؟؟؟؟؟,,,أهذا ماتركه لنا أجدادنا؟؟؟؟؟,,,,,,




(((ويبقى الســــــــــــــــــــــــؤال)))






إلــــــــــــــــى متـــــــــــــــــــــــــــــــــــــــــــــى؟؟ ؟؟؟












ودّي للجمــــــــيع....

اخيّتي...(((كوني بخير)))



محبتكم.....الجنون

لا تعليـــــــــــق..........!!!!!!!!!!!!!!!!!

تسلمين أختي .. وإن شاء الله خير..
مع أنه ظاهر لقصه ما يبشر بالخيـــر...

جلّ تقديري..
موت غــــــــاوي

.+.+.

السلام عليكم ورحمه الله وبركاته .. دايما تبهرينا اختي بمواضيعج اللي تدخل في عمق المجتمع ..

والله سالفه تكدر بالنفس .. وخص يوم تعايشها .. ويكون لك دور فيها ..

يا اما انك تصلح .. ويا اما انك تفسد ..

والصراحه حاسه انج تلومين نفسج .. على انج ما سرتي و شفتيها ..

يمكن ربي يهديها ويردها على طريجها ..

انا عن نفسي بسير .. بربع .. ما اعرف شو اسوي ..

اووف .. ضاربتني ضيجه ...

.. ان شاء الله ما تكون انتحرت يا ربي .. ان شاء الله ..

وربي يحفظ شبابنا وشاباتنا ..

.+.+.

][ حـــــــلم وردي ][