انته المظلووم... وبعد تعتذر؟؟

وعليكم السلام والرحمة


والله الموقف صعب وايد ...قهر يوم يكون الواحد مظلوم ويعتذر ...لا والله مابعتذر .

تسلمين غناتي على الموضوع وعسى ربي مايخلينا منج

احترامي وتقديري لج ولكل من دخل الموضوع

أختج : حب زايد

تسلموون اخواني على مروركم اللي يشرفني الصراحه



وانشالله تكونون في سعاده بهالدنيا ...

وما تنظلمون في يوم ...




اختكم
دموع البحر

السلام عليكم ..

أختي ..

معظم الناس يواجهون هذه المواقف بالغضب ..
والتطنيش ..!!

لكن كله لن يفيد .. وبحجة أن الموقف يحتاج للكبرياء والكرامة ..

لكن بالعكس الهدوء مطلوب في مثل هذه المواقف ..

الهدوء .. ثم بكل بساطه توضيح وجهة النظر ..

ولن أعتذر.. فإنني لم أغلط .. ولم أرتكب خطأ ..

وإذا كان من أمامي في حالة من الثوران والغضب..

فإنني أتركه .. بكل هدوء .. واختار وقت مناسب لتوضيح وجهة نظري ..

:: :: :: :: :: :: :: :: :: :: :: :: :: :: ::

أترك ردك .. بعد تسجيل إعجابي بموضوعك أختي ..

سيري قدما بحرفك أختي ..

جلّ تقديري..
موت غــــــــاوي

مرحبا
شحالج الشيخة حبيت اشارك في موضوعج لانه عيبني..




اول شي بسير عند هالانسان وبقوله ليش فهمتني غلط المفرووض اتي عندي وانا اشرحلك الموضوع مب تزعل وخلاص..
ما بعتذر لاني ما غلطت اهولازم يعتذر لانه ظلمني بدون ما يعرف انا شو سويت..
ما راح اكابر وبصد عنه لانه ما ظلمني ومايا وسمع مني سمع من الغير..
وراح ابين له وجهة نظري راضى ولا ما رضى
وماراخ انسى ولا اعصب واجلب النيا ولا اطنش واسوي طااف وبولابس لازم يفهم وما يحكم بسرعه لان هالشي غلط ...


السموحة

بنت زايد

مشكوووووووووووورين ومن الخاااطر على مشااركااتكم .... اللي تشرف متصفحي المتواضع...

مووت غاوي .... رايك واايد حلو ويدل على عقليتك ورجااحه عقلك.... واتمنى انك ما تنحط فيوم مكان المظلووم..

بنت زايد .... الصراحه رايج يعجبني .. والصراحه اساس العلاقات برايي...

السموووحه منكم عالقصوور


دموع البحر

مشكووووره ومن كل قلبي على هالتفاعل الحلو منكم ...

واتمنى اسمع المزييد...


اختكم

دموع البحر

اقتباس:

المشاركة الأصلية كتبت بواسطة دموع البحر .................................................. .............. مرااااحب اختي مرفووعه الراس .... ولا هنتي فديتج ... موقفج يدل على سماحتج وقلبج الكبير .... بس لو ما تقبل فكره انج هب غلطااانه ... ومصر على رايه انه الغلط منج ..... كيف بتتصرفين ... ولو مشيتي الموضووع .؟؟.... ما بتشلين فخاطرج ... صعب التجاهل والنسيان اصعب ... مشكوووووووووره حبووبه على مروورج اللي يشرفني اختج.. دموع البحر

مممممم

بصراحة دمووووع لو كان هالشخص من هالنوع بطفررررر

بصر على اني اوضح له الموقف كامل وبعطيه فرصة يراجع نفسه

طبعا هذا في حاله لو كنت متأكده مية بالمية ان الغلط منه مب مني

لو مشيت السالفة ما بحط في خاطري وايد لأني ما مشيتها الا لاستعدادي لتقبل الوضع

الكل يظلم وماعاد يهمة غير الكلام
الكل يجرح رفيجة ومايهمة دموع الغرام
الكل يقول ونحنا نقول والله اعلم بالمظلوم
ولي يتوكل مايهمة غير الأجر من العلام
خلك صريح وجاوبني لو أنك انسان ماراح ترضي بلظلم يفلان ؟؟

بسم الله الرحمن الرحيم
السلام عليكم ورحمة الله وبركاته



التواضع شي جميل ولكن قله من يتصف بهاي الصفه ..

حلو نكون متسامحين ومانشل في خواطرنا على بعض ..

قد نكون غلطنا في تصرفاتنا وقد يكون غيرنا غلط علينا بشكل من الاشكال ..

لكن هالشي مايمنع من التفاهم ،، بدوري أقول أني اعتذر من أي شخص جرحته كان متواجد في المنتدى أو غيره ويارب سامحت كل من ظلمني فاجعل قلوبهم صافية علي ..

الواحد مايعرف متى بيفارق الدنيا وتراها فانيه والكبر هب زين ..


همسه لإنسانه : وّد أمام الجميع أعتذر منج إن كنت غلطت عليج وتقدرين اتسامحيني أو العكس ولكن مابا أشل فخاطري شي على حد ..


والسموحه منج عزيزتي دموع البحر ولكن موضوعج خلاني أفكر وااايد باللي حواليّه والحمدلله على كل شي ..
بارك الله فيج ويزاج ربي كل خير ،، وجمعنا بكم في جنانه يارب العالمين ..

احترامي

حبيت أبدي رأيي في هالموضوع أني مريت بهذا الموقف أكثر من مره وكنت أعتذر ولو أني مب غلطانه لكن الحين لااااااااااااااااااا

تدرون ليش ... لأني ومن خلال تجربتي تعلمت أن الشخص الي بتعتذرله مره ومرتين وأكثر وهوه الغلطان بيتعود على هالشي .... وبظل يغلط في حقك وما راح يسويلك أي حساب وأي قيمه وبيغلط عليك لانه عارف أنك بتي تعتذرله

علشان جذيه لو ما كنت غلطان لا تعتذر وتم متمسك في موقفك ما دامك على حق ... وإذا كنت غلطان أعتذر لأن لإعتذار في هذي الحال ماراح ينقص من قدرك بل سيرفع منه (والإعتراف بالحق فضيله )

وأعذروني على الإطاله

تحياتي للجميع
^_^