لو اكتشفتي اني اخووج يكلم بنت.. ولو اكتشفت انه اختك تكلم ولد ؟؟؟؟؟

عندي اليوووم موضوووع مهم جدا للنقاش ...

وهو....

لوو إكتشفت إنه أختك تكلم ولد ؟؟؟؟؟؟؟؟؟؟؟

والعكس

لوو إكتشفتي إنه أخووج يكلم بنت ؟؟؟؟؟؟؟؟


مع حبي :

اختكم صرصورة








شووو راح تكووون ردة فعلكم ؟؟ ... وبكل صراااااااااااااحه

بسم الله الرحمن الرحيم
السلام عليكم ورحمة الله وبركاته


غاليتي
شيخة البنات
اسمحيلي مابروم اكتب نكج لأنج ارقى عن جيه حبوبه


يزاج الله خير اختي عالطرح وبارك الله فيج ..

الشيخه إن كان أخوي يكلم بنت فلا حول ولا قوة إلا بالله ،، مابقدر أسوي شي غير أني أحاول استنكر هالأمر وانصحه ،، بس المشكله لو كان أكبر عني ،، تظنين أنه بيقبل نصيحتي ؟؟

صدقيني لو كل بنت حاولت فالبداية أنها تصد هالأمور وتحافظ على عمرها وشرفها جان ماشفنا ولا ريال يغازل بنات الناس .
بس المشكله أنه بعض البنات هن بنفسهن يفرن عمارهم عالرياييل وهاللي نشوفه في هالزمان ..
وعاد في سالفة البلوتوث المغازل فيه حدث ولا حرج ،، كل وحده مسميه عمرها كرز وفراوله وخربطان وعاد الشباب مايصدقون يطرشولهن من الزين ..


أما إن كانت مثلاً اختي ترمس شاب ،، فـ هالشي راح يضايجني كثير بس هل ظنج ان خبرت أهلي عليها بيكون حل !!؟؟
أشوف انه النصيحه في بادي الأمر هي الأفضل بس بعد بتبقى مشكله إن تم صدج لأنج صغيره ،، هالشي احس انه قد يشجع الأخت أنها تتبع خطوات اختها وتغلط وتستوي المصيبه مصيبتين ..

يختي هالأمور زادت والسبه بعد الناس عن دينهم ،، في منهم يصلون ويصومون ولكن مع هذا يغلطون ،، فهذا يعني ان هناك خلل في صدق عبادتهم للمولى عز وجل ،، لأنهم خالفوه في هذا الأمر ،، البنت اللي تكلم الولد او العكس يعتبر نوع من أنواع الزنا ، لأنه الأذن تزني وزناها السمع ..


بس همسه لهاي النوعية ،، استغرب من خوفكم من أهلكم وأنه علاقاتكم تكون بالخش والدس ،، وعدم خوفكم من رب العالمين اللي عذابه يفوق الوصف جل في علاه ..


الله المستعان ،، وربي يهدي الجميع ..


احترامي
شموخ الإمارات

مشكورة اختي شموخ الامارات على مرورج الطيب

انا عن نفسي ثنياناتهم بيطيحون من عيني ....

يمكن البنت بساعدها لكن ماتسوا شي عندي عقب اللي سوته الله لا يبلانا ولا يبلاكم....

السلام عليكم

هلا اختي ، اعتقد اني لو اكتشفت ان اختي اترمس حد بالتيلفون باخذها على جنب وبنصحها وبرمسها واذا كررت هالشيء بعدين اكيد بخبر الأهل خلهم يتصرفون وياها لأني اكيد اتمنى الخير لها أما اذا كان حد من خواني فسيدة بقول للوالد لأني أكيد ما بعرف اتصرف معاهم او اني متأكدة انهم بيطنشوني.....

مشكورة على الموضوع

و عليكم السلام و رحمة الله و بركاته ..

أولاً : أشكرج أخيى على الموضوع الهادف..

ثانيـاً : لو أكتشفت أن أخوي يكلم بنت.. راح أناقشه على ما نتوصل لنتيجة تخليه يترك البنت بحالها..

ثالثاً : إذا عرفت أختي تكلم شاب, بعاقبها.. لأن ما لها حق.. هذاك صبي .. هذي بنت .. و البنت متربية في عز و دلال أكثر من الولد.. لزماً تحترم ثقتنا فيها.. يعني لو نحرفت.. رح نمشيها في طريق الصعب على ما تستقيم.. الشاب ما يعيبه إلا جيبه.. و البنت عندها سمعه و تظرر ..

شكراً مرة ثانية حبوبتي.. و ربنا يهدي جميع المؤمنين و المؤمنات

البراءة

مشكورين على ردركم

بس انا لو اكتشفت اخوي يكلم وحدة لو نصحته بيقول اخر زمن انتي تنصحيني

واما اختي بنصحة واذا ماسمعت نصيحتي بخبر الوالدة تكلمها

السلام عليكم ورحمة الله وبركاته

بحكم أني أكبر أخواني <<< وي مالت عليه وعلى حظي

اكبر ولد عندنا اصغر مني بسنتين وعمره 13 وانا وهو مثل الاصدقاء
وبعدين في هالزمن نادر جدا جدا تلقي ولد ما يكلم بنت بس مثل ما قالت اختي شموخ الامارات يصعب انهم يسمعون كلامنا وحتى لو كنت انا الاكبر

والادهى ان الاهل لو عرفوا يمكن يتغاضوا لان هالشي صاير منتشر وكانه عادي

واحنا ما علينا الا النصيحة

o.O تسلمين فديتج O.o

اذا كان اخويه يرمس بنات ..

و البنات أنواع ..

منهن الزينات و منهن الشينات

!!!!!

فإذا كانت بنت زينه و اخويه قاص عليها ..

شي أكيد اني ما برضى بهالشي و بحاول اني أفهمه ..

وإذا ما فهم انا برمس البنيه و بقولها أنه أخويه يقص عليها ..

أما أخويه نفسه ما بعرف جقا أتصرف معاه .. و ما بقول غير الله يهديه

!!!!!

أما إذا كانت البنت مب زينه ..

فشوه تتوقعين مني ..

إذا هي مب ساتره ع عمرها ..

تبا خلق الله يسترووون عليها ..

و صدقيني يخويتي .. هالفئه من البنات يعرفن انه اللي يسونه غلط ..

و مقتنعات فيه ..

و مستحييييييل يخلنه ..

أنا أقول جيه لنه بنيه أنا أعرفها جذا حالتها ..

وياما حاولت أني أصلحها بس ما قدرت لا أنا ولا ربيعاتنا..

و الله يهديها و يهدي اليميع ..

o.O و السموحه فديتج O.o

الولد ماينعاب بس البنت تفقد احترامها وكرامتها بين الناس ومنو بيرضي فيها؟؟؟؟؟؟؟؟؟؟؟؟؟؟؟؟؟
الله لايبلينا
اميــــــــــــــــــــن